ಬೆಂಗಳೂರು: ಜೂನ್‌ ತಿಂಗಳಲ್ಲಿ ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳ (EV) ಮಾರಾಟವೂ ಗಮನಾರ್ಹ ಏರಿಕೆ ಕಂಡಿದ್ದು; ಪೆಟ್ರೋಲ್ ಹಾಗೂ ಡೀಸೆಲ್ ಕಾರುಗಳ ಬೇಡಿಕೆ ಕಡಿಮೆಯಾಗಿರುವುದಾಗಿ ಸಮೀಕ್ಷಾ ವರದಿಯೊಂದು ತಿಳಿಸಿದೆ. ವಾಹನ ಉದ್ಯಮ ತಜ್ಞರ ಪ್ರಕಾರ, ಇಂಧನ ವಾಹನಗಳ ಬೆಲೆಗಳ ಸ್ಥಿರ ಏರಿಕೆ, ಪರಿಸರದ ಬಗ್ಗೆ ಜನರಲ್ಲಿ ಹೆಚ್ಚುತ್ತಿರುವ ಅರಿವು ಮತ್ತು ಸರ್ಕಾರಿ ಪ್ರೋತ್ಸಾಹ ಯೋಜನೆಗಳ ಕಾರಣದಿಂದಾಗಿ ಗ್ರಾಹಕರು ಎಲೆಕ್ಟ್ರಿಕ್ ವಾಹನಗಳ ಕಡೆ ವಾಲುತ್ತಿದ್ದಾರೆ. ಜೂನ್‌ ತಿಂಗಳಲ್ಲಿ EV ಕಾರುಗಳ ಹಾಗೂ ದ್ವಿಚಕ್ರ ವಾಹನಗಳ ಮಾರಾಟದಲ್ಲಿ 25% ಏರಿಕೆ ದಾಖಲಾಗಿದೆಯೆಂದು ಸೂಚಿಸಲಾಗಿದೆ.

Puma Unisex-Adult Polyester Cap

ಇದೇ ಸಮಯದಲ್ಲಿ, ಪೆಟ್ರೋಲ್ ಮತ್ತು ಡೀಸೆಲ್ ಇಂಧನ ವಾಹನಗಳ ಮಾರಾಟದಲ್ಲಿ 8% ಇಳಿಕೆ ಕಂಡುಬಂದಿದ್ದು, ಹಲವು ದೊಡ್ಡ ಆಟೋಮೊಬೈಲ್ ಕಂಪನಿಗಳು ಈ ಬದಲಾವಣೆಯನ್ನು ಒಪ್ಪಿಕೊಂಡಿವೆ. ಇದು ಭಾರತದ ವಾಹನ ಕ್ಷೇತ್ರದಲ್ಲಿ ಮಹತ್ವದ ಬದಲಾವಣೆಯ ಆರಂಭವೆಂದು ಪರಿಗಣಿಸಲಾಗುತ್ತಿದೆ. EV ನಿರ್ಮಾತೃ ಕಂಪನಿಗಳು ಇದೀಗ ತಮ್ಮ ಉತ್ಪಾದನೆ ಮತ್ತು ಬಾಡಿಗೆ ಯೋಜನೆಗಳನ್ನು ವಿಸ್ತರಿಸುತ್ತಿದ್ದು, ಇಂಧನ ಮೂಲಗಳ ಪರ್ಯಾಯ ಬಳಕೆಗೆ ಉತ್ತೇಜನ ನೀಡುತ್ತಿದೆ.

ಜೊತೆಗೆ, ನಗರ ಪ್ರದೇಶಗಳಲ್ಲಿ ಚಾರ್ಜಿಂಗ್ ಸ್ಟೇಷನ್‌ಗಳ ಲಭ್ಯತೆ ಹೆಚ್ಚುತ್ತಿರುವುದು EV ಮಾರಾಟಕ್ಕೆ ಮತ್ತಷ್ಟು ಪ್ರೋತ್ಸಾಹ ನೀಡುತ್ತಿದೆ ಎಂಬುದನ್ನು ತಜ್ಞರು ಗಮನಿಸಿದ್ದಾರೆ. ಪ್ರಮುಖ ವಾಹನ ನಿರ್ಮಾಣ ಸಂಸ್ಥೆಗಳು ಈ ಬದಲಾವಣೆಯನ್ನು ಗಮನಿಸಿ, ಮುಂದಿನ ತಂತ್ರದ ರೂಪರೇಷೆಗಳನ್ನು ತಯಾರಿಸುತ್ತಿವೆ. ಎಲೆಕ್ಟ್ರಿಕ್‌ ಮೋಟಾರ್‌ ಸೈಕಲ್‌, ಕಾರುಗಳು ಹಾಗೂ ದ್ವಿಚಕ್ರ ವಾಹನಗಳು ಹೆಚ್ಚು ಯೂನಿಟ್‌ಗಳಲ್ಲಿ ಸೇಲಾಗಿದ್ದು, ಖಾಸಗಿ ವಲಯದಿಂದ ಟ್ರಕ್‌ಗಳನ್ನು ಬಾಡಿಗೆಗೆ ತೆಗೆದುಕೊಳ್ಳುವ ಪ್ರಮಾಣ ಹೆಚ್ಚಿದ ಕಾರಣ, ಜೂನ್ 2025ರಲ್ಲಿ ಟ್ರಕ್ ಬಾಡಿಗೆ ದರಗಳು ಸ್ಥಿರವಾಗಿರುವುದಾಗಿ ವರದಿಯಲ್ಲಿ ತಿಳಿದು ಬಂದಿದೆ. ಕಾರ್ಖಾನೆಗಳು, ತಯಾರಿಕಾ ಘಟಕಗಳು ಮತ್ತು ಈ-ಕಾಮರ್ಸ್ ವಲಯದಿಂದ ಟ್ರಾನ್ಸ್‌ಪೋರ್ಟ್ ಡಿಮಾಂಡ್ ಹೆಚ್ಚಳವಾಗಿದೆ. ಇದರಿಂದ ಲಾಜಿಸ್ಟಿಕ್‌ ಕಂಪನಿಗಳಿಗೂ ಲಾಭ ಸನ್ನಿಹಿತವಾಗಿದೆ.