.png_2025-07-09T08%3A47%3A37.556Z&w=3840&q=75)
ಇನ್ಸೈಟ್ರಶ್: ಕೇವಲ 23 ವರ್ಷದ ಯುವತಿಯೊಬ್ಬಳ ಅನುಮಾನಾಸ್ಪದ ಸಾವು ಪ್ರಕರಣವು ಇದೀಗ ಓಡಿಶಾ ಮತ್ತು ಕರ್ನಾಟಕದಲ್ಲಿ ತೀವ್ರ ಚರ್ಚೆಗೆ ಗ್ರಾಸವಾಗಿದೆ. ಬೆಂಗಳೂರು ಮೂಲದ ನೇಹಾ ರಾವ್ ಎಂಬ ಯುವತಿ, ಸೋಮವಾರ ತಾಯಿಗೆ "ಗುಡ್ ಮಾರ್ನಿಂಗ್" ಮೆಸೇಜ್ ಕಳಿಸಿದ ಕೆಲ ನಿಮಿಷಗಳಲ್ಲಿಯೇ, ನೋ ರೆಸ್ಪಾನ್, ಮೃತರಾಗಿರುವ ಸುದ್ದಿ ಕುಟುಂಬದವರಿಗೆ ತಲುಪಿದೆ.
ನೇಹಾ ರಾವ್ ಓಡಿಶಾದ ಆಂಗುಲ್ ಜಿಲ್ಲೆಯ ಜಿಂದಾಲ್ ಸ್ಟೀಲ್ & ಪವರ್ ಕಂಪನಿಯಲ್ಲಿ ಅಸಿಸ್ಟೆಂಟ್ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿದ್ದವರು. ದುರ್ಘಟನೆಯ ಸ್ವರೂಪವನ್ನೇ ತಿಳಿಯದ ಕುಟುಂಬಸ್ಥರು, ಮೃತದೇಹವು ಡೀಕಂಪೋಸ್ ಆಗಿರುವ ಸ್ಥಿತಿಯಲ್ಲಿ ಪತ್ತೆಯಾದ ಕಾರಣ, ಹಲವು ಅನುಮಾನಗಳಿಗೆ ಎಡೆಮಾಡಿದೆ. ಮೃತದೇಹವನ್ನು ಬೆಂಗಳೂರಿಗೆ ತರದ ನಿರ್ಧಾರ ತೆಗೆದುಕೊಂಡ ಕುಟುಂಬಸ್ಥರು, ಇಂದು ಪುರಿಯಲ್ಲಿ ಅಂತ್ಯಸಂಸ್ಕಾರ ನಡೆಸಲು ಮುಂದಾಗಿದ್ದಾರೆ.
.png_2025-07-09T08:47:34.477Z)
ಕಮಲಾನಗರ ನಿವಾಸಿಯ ನೇಹಾ ಕುಟುಂಬವು, ಈಗಂತೂ ಆಘಾತದಿಂದ ಶೋಕದಲ್ಲಿ ಮುಳುಗಿದ್ದು, ಪೋಸ್ಟ್ಮಾರ್ಟಮ್ ವರದಿಗೆ ಕಾಯುತ್ತಿದ್ದಾರೆ. ಸಾವಿನ ಬಗ್ಗೆ ಸ್ಪಷ್ಟತೆ ಸಿಗದಿರುವುದರಿಂದ, ನೇಹಾಳ ಸಾವಿಗೆ ಕಾರಣವಾದ ಸ್ಥಿತಿಗತಿಗಳ ಬಗ್ಗೆ ಪ್ರಶ್ನೆಗಳ ಧಾರೆಯೇ ಹರಿದಿದೆ. ಇದೊಂದು ಆಕಸ್ಮಿಕವೋ? ಆತ್ಮಹತ್ಯೆಯೋ? ಅಥವಾ ಇನ್ನೇನಾದರೂ ಷಡ್ಯಂತ್ರವೋ ಎಂಬ ಕುತೂಹಲ ಈ ಪ್ರಕರಣದ ಸುತ್ತಲೂ ಗಂಭೀರತೆಯಿಂದ ಬೆಳೆಯುತ್ತಿದೆ. ನೇಹಾಳ ಸ್ನೇಹಿತರು, ಸಹೋದ್ಯೋಗಿಗಳು ಹಾಗೂ ಕುಟುಂಬಸ್ಥರು ಈ ಘಟನೆಯ ಬಗ್ಗೆ ನ್ಯಾಯಬೆಲೆಯ ನಿರೀಕ್ಷೆಯಲ್ಲಿ ಕಾಯುತ್ತಿದ್ದಾರೆ.
ಇನ್ನು ನೇಹಾಳ ತಾಯಿ ಜೊತೆಗಿನ ಕೊನೆಯ ಸಂಪರ್ಕವೇ ‘ಗುಡ್ ಮಾರ್ನಿಂಗ್’ ಮೆಸೇಜ್ ಎಂಬುದು ಅವರ ಕುಟುಂಬಕ್ಕೆ ಆವರಿಸಿರುವ ದುಃಖದ ತೀವ್ರತೆಯನ್ನು ಹೆಚ್ಚಿಸಿದೆ. ಸದ್ಯ, ಪೊಲೀಸರು ಈ ಪ್ರಕರಣದ ಕುರಿತು ತನಿಖೆ ಮುಂದುವರೆಸಿದ್ದು, ಪೋಸ್ಟ್ಮಾರ್ಟಮ್ ವರದಿ ಹೊರಬರಲು ಇನ್ನೂ ಕೆಲವು ದಿನಗಳು ಬೇಕು ಎಂದು ತಿಳಿಸಲಾಗಿದೆ.