ಬೆಂಗಳೂರು: ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (BBMP) ತನ್ನ ನಮ್ಮ ಕ್ಲಿನಿಕ್‌ಗಳ (NAMMA CLINIC) ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳದೆ, ತುರ್ತು ಅಗತ್ಯಗಳನ್ನು ಬದಿಗಿಟ್ಟು, 100 LED ಟಿವಿಗಳ (TV PURCHASE) ಖರೀದಿಗೆ ಮುಂದಾಗಿದ್ದು, ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ. ಔಷಧಿ ಕೊರತೆ, ಸಿಬ್ಬಂದಿಗಳಿಗೆ ಸಂಬಳ ವಿಳಂಬ, ಮತ್ತು ವೈದ್ಯರ ಕೊರತೆಯಿಂದ ಕುಸಿಯುತ್ತಿರುವ ನಮ್ಮ ಕ್ಲಿನಿಕ್‌ಗಳಿಗೆ, ಈಗ 43 ಇಂಚಿನ LED ಟಿವಿಗಳ ಖರೀದಿಗೆ ಟೆಂಡರ್ ಕರೆಯಲಾಗಿದೆ.

ನಮ್ಮ ಕ್ಲಿನಿಕ್‌ಗಳು ದಿನದಿಂದ ದಿನಕ್ಕೆ ಅವ್ಯವಸ್ಥೆಯ ಆಗರವಾಗುತ್ತಿವೆ. ಸಮರ್ಪಕ ವೈದ್ಯರಿಲ್ಲದೆ, ಔಷಧಿಗಳ ದಾಸ್ತಾನು ಖಾಲಿಯಾಗಿದ್ದು, ಸಿಬ್ಬಂದಿಗಳಿಗೆ ಸಂಬಳವನ್ನೂ ಸಕಾಲಕ್ಕೆ ನೀಡದಿರುವ ಬಿಬಿಎಂಪಿ, ಈಗ ಒಂದು ಟಿವಿಗೆ ₹49,000 ಖರ್ಚು ಮಾಡಿ, ಒಟ್ಟು 100 ಟಿವಿಗಳನ್ನು ಖರೀದಿಸಲು ಯೋಜನೆ ರೂಪಿಸಿದೆ. ಈ ಖರೀದಿಗೆ ಕಾಂಗ್ರೆಸ್ ಸರ್ಕಾರದ ಒಪ್ಪಿಗೆಯೂ ದೊರೆತಿದೆ ಎಂದು ಮೂಲಗಳು ತಿಳಿಸಿವೆ.

ಬಿಬಿಎಂಪಿಯ ಈ ನಡೆಯನ್ನು ಗಮನಿಸಿದ ಸಾರ್ವಜನಿಕರು, ಹೊಟ್ಟೆಗೆ ಹಿಟ್ಟಿಲ್ಲದಿರುವಾಗ ಜುಟ್ಟಿಗೆ ಮಲ್ಲಿಗೆ ಹೂವು ಯಾಕೆ? ಎಂದು ಪ್ರಶ್ನಿಸಿದ್ದಾರೆ. ನಮ್ಮ ಕ್ಲಿನಿಕ್‌ಗಳು ಜನರಿಲ್ಲದೆ ಖಾಲಿಯಾಗಿವೆ, ಆದರೆ ಪಾಲಿಕೆ ಶೋಕಿಗೆ ಒಡಂಬಡಿಕೆಯ ಖರೀದಿಗೆ ಆದ್ಯತೆ ನೀಡುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

 ಇದನ್ನೂ ಓದಿ : ಶಸ್ತ್ರಾಸ್ತ್ರ ಖರೀದಿಗೆ ಒತ್ತಡ ಹೇರಲು ಟ್ರಂಪ್‌ನಿಂದ ಭಾರತದ ಮೇಲೆ ತೆರಿಗೆ ಅಸ್ತ್ರ ಪ್ರಯೋಗ… ಇದರ ಕುರಿತು ಇಲ್ಲಿದೇ ಮಾಹಿತಿ?

"ಔಷಧಿಗಳಿಲ್ಲ, ವೈದ್ಯರಿಲ್ಲ, ಸಿಬ್ಬಂದಿಗೆ ಸಂಬಳವಿಲ್ಲ. ಇಂತಹ ಸ್ಥಿತಿಯಲ್ಲಿ ಟಿವಿ ಖರೀದಿಯ ಯೋಜನೆ ಜನರಿಗೆ ಅಪಹಾಸ್ಯ ತಂದಿದೆ," ಎಂದು ಸ್ಥಳೀಯ ನಾಗರಿಕ ಸಂಘಟನೆಯೊಂದರ ಮುಖಂಡರು ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.

 Amazon Brand - Symbol Men's Cotton Rich Striped Polo Tshirts | Collar Tshirts | Half Sleeves - Regular Fit (Available in Plus Size and Combo Pack of 2)

ಈ ಖರೀದಿಯ ಒಟ್ಟು ವೆಚ್ಚ ಸುಮಾರು ₹49 ಲಕ್ಷವಾಗಲಿದ್ದು, ಇದಕ್ಕೆ ಟೆಂಡರ್ ಪ್ರಕ್ರಿಯೆ ಆರಂಭವಾಗಿದೆ. ಆದರೆ, ಈ ನಿರ್ಧಾರವು ಬಿಬಿಎಂಪಿಯ ಆರ್ಥಿಕ ಶಿಸ್ತು ಮತ್ತು ಆದ್ಯತೆಗಳ ಬಗ್ಗೆ ಗಂಭೀರ ಪ್ರಶ್ನೆಗಳನ್ನು ಎತ್ತಿದೆ. ಕ್ಲಿನಿಕ್‌ಗಳಿಗೆ ಔಷಧಿ ಮತ್ತು ಸಿಬ್ಬಂದಿಯನ್ನು ಒದಗಿಸುವ ಬದಲು, ಟಿವಿ ಖರೀದಿಗೆ ಹಣ ವ್ಯಯಿಸುವುದು ಜನರಿಗೆ ಒಪ್ಪಿಗೆಯಾಗಿಲ್ಲ, ಎಂದು ರಾಜಕೀಯ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.

ಈ ಬೆಳವಣಿಗೆಯು ಕಾಂಗ್ರೆಸ್ ಸರ್ಕಾರದ ಆಡಳಿತದ ಮೇಲೆಯೂ ಟೀಕೆಗೆ ಗುರಿಯಾಗಿದೆ. ಮುಂದಿನ ದಿನಗಳಲ್ಲಿ ಈ ವಿವಾದವು ರಾಜ್ಯ ರಾಜಕೀಯದಲ್ಲಿ ತೀವ್ರ ಚರ್ಚೆಗೆ ಕಾರಣವಾಗಬಹುದು.