ಹೇಮಾ ಮಾಲಿನಿ ಮತ್ತು ಧರ್ಮೇಂದ್ರ ಅವರ ಪ್ರೇಮಕಥೆ ಬಾಲಿವುಡ್ನಲ್ಲಿ ಸದಾ ಚರ್ಚೆಯಾಗುತ್ತಲೇ ಬಂದಿದೆ. ಮದುವೆಯಾಗಿ ನಾಲ್ಕು ದಶಕಗಳು ಕಳೆದರೂ, ಅವರ ಪ್ರೀತಿ “ಶೋಲೆ” ಸಿನಿಮಾ ಬಿಡುಗಡೆಯಾಗುವ ಮೊದಲೇ ಆರಂಭವಾಗಿತ್ತು. ಈ ಐಕಾನಿಕ್ ಚಿತ್ರದ 50ನೇ ವಾರ್ಷಿಕೋತ್ಸವದ ಸಂದರ್ಭದಲ್ಲಿ, ಹೇಮಾ ಮಾಲಿನಿ ಅವರ ಸ್ಟಂಟ್ಗಳನ್ನು ಮಾಡಿದ್ದ ರೇಷ್ಮಾ ಪಠಾಣ್ ತಮ್ಮ ನೆನಪುಗಳನ್ನು ಹಂಚಿಕೊಂಡಿದ್ದಾರೆ.
ರೇಷ್ಮಾ ಅವರ ಮಾತಿನಲ್ಲಿ, ಶೋಲೆ ಚಿತ್ರೀಕರಣದ ಸಮಯದಲ್ಲೇ ಎಲ್ಲರಿಗೂ ಹೇಮಾ ಮತ್ತು ಧರ್ಮೇಂದ್ರ ನಡುವೆ ಪ್ರೀತಿಯ ಬಂಧವಿದೆ ಎಂಬುದು ಗೊತ್ತಿತ್ತು. ಆದರೆ ಅವರು ಯಾವಾಗಲೂ ಸೆಟ್ನಲ್ಲಿ ವೃತ್ತಿಪರವಾಗಿ ವರ್ತಿಸುತ್ತಿದ್ದರು. ಚಿತ್ರೀಕರಣದ ಸಮಯದಲ್ಲಿ ಇಬ್ಬರೂ ತಮ್ಮ ತಮ್ಮ ಕೆಲಸದಲ್ಲಿ ತೊಡಗಿಸಿಕೊಂಡು, ದೂರವಾಗಿಯೇ ಇರುತ್ತಿದ್ದರು. ಆ ಕಾಲದ ಕಲಾವಿದರು ತಮ್ಮ ಖಾಸಗಿ ಜೀವನವನ್ನು ಬಹಿರಂಗಪಡಿಸದೆ, ಗೌಪ್ಯತೆಯನ್ನು ಕಾಪಾಡಿಕೊಳ್ಳುತ್ತಿದ್ದರು ಎಂದು ರೇಷ್ಮಾ ನೆನಪಿಸಿದ್ದಾರೆ.
ಈ ಅದ್ಭುತ ಸಿನಿಮಾಗೆ 50 ವರ್ಷ..ಸಲ್ಮಾನ್ ಖಾನ್ ತುಂಬಾ ಮೆಚ್ಚಿಕೊಂಡ ಈ ಸಿನಿಮಾ ಅಮಿತಾಬ್ ಬಚ್ಚನ್ದು!
ಅವರು ಇನ್ನೂ ಸೇರಿಸಿ ಹೇಳಿದ್ದು, ಹೇಮಾ ಮತ್ತು ಧರ್ಮೇಂದ್ರ ಇಬ್ಬರೂ ಒಂದೇ ಹೋಟೆಲ್ನಲ್ಲಿ ತಂಗಿದ್ದರೂ ಪ್ರತ್ಯೇಕ ಕೊಠಡಿಗಳಲ್ಲೇ ಇರುತ್ತಿದ್ದರು. ಚಿತ್ರೀಕರಣ ಮುಗಿದ ಬಳಿಕ ಧರ್ಮೇಂದ್ರ ತಮ್ಮ ತಂಡದೊಂದಿಗೆ ಸಮಯ ಕಳೆಯುತ್ತಿದ್ದರು, ಹೇಮಾ ಮಾಲಿನಿ ತಮ್ಮ ತಂಡದವರ ಜೊತೆಗೇ ಇರುತ್ತಿದ್ದರು. ನಾನು ಹೇಮಾ ಅವರ ತಂಡದ ಭಾಗವಾಗಿದ್ದುದರಿಂದ, ಅವರ ಈ ಸರಳ ಮತ್ತು ನಿಯಮಿತ ಜೀವನವನ್ನು ನೇರವಾಗಿ ಕಂಡಿದ್ದೇನೆ ಎಂದು ರೇಷ್ಮಾ ತಿಳಿಸಿದ್ದಾರೆ.