ಪರಿವರ್ತಿನಿ ಏಕಾದಶಿ, ಭಾದ್ರಪದ ಮಾಸದ ಶುಕ್ಲಪಕ್ಷದ ಏಕಾದಶಿ, ವಿಷ್ಣುವಿನ ಆರಾಧನೆಗೆ ಅತ್ಯಂತ ಪವಿತ್ರವಾದ ದಿನ. ಈ ದಿನ ಉಪವಾಸ ಇರುವುದರಿಂದ ಪಾಪಗಳಿಂದ ಮುಕ್ತಿ ಮತ್ತು ಸೌಭಾಗ್ಯ ದೊರೆಯುತ್ತದೆ ಎಂಬ ನಂಬಿಕೆ ಇದೆ. ವಿಷ್ಣುವಿನ ವಾಮನ ಅವತಾರವನ್ನು ಪೂಜಿಸುವುದು, ಪಂಚಾಮೃತ ಅಭಿಷೇಕ, ವಿಧಿವಿಧಾನಗಳನ್ನು ಈ ದಿನ ಪಾಲಿಸಲಾಗುತ್ತದೆ.

ಏಕಾದಶಿ ತಿಥಿಯು ವಿಷ್ಣು ಮತ್ತು ಲಕ್ಷ್ಮಿ ದೇವಿಯ ಆರಾಧನೆಗೆ ಸಮರ್ಪಿತವಾಗಿದೆ. ಹಿಂದೂ ಧರ್ಮದಲ್ಲಿ ಏಕಾದಶಿ ತಿಥಿಗೆ ವಿಶೇಷವಾದ ಮಹತ್ವವಿದೆ. ಪ್ರತಿ ತಿಂಗಳು, ಶುಕ್ಲ ಮತ್ತು ಕೃಷ್ಣ ಪಕ್ಷದಂದು ಏಕಾದಶಿ ಬರುತ್ತದೆ. ಸೆಪ್ಟೆಂಬರ್​ 03 ರಂದು ಏಕಾದಶಿ ತಿಥಿ, ಇದನ್ನು ಪರಿವರ್ತಿನಿ ಏಕಾದಶಿ ಎಂದು ಕರೆಯಲಾಗುತ್ತದೆ. ಈ ದಿನ ಯೋಗ ನಿದ್ರಾ ಸಮಯದಲ್ಲಿ ಭಗವಾನ್ ವಿಷ್ಣುವು ಬದಿಯನ್ನು ಬದಲಾಯಿಸುತ್ತಾನೆ.

ಈ ಕಾರಣದಿಂದಾಗಿ, ಈ ಏಕಾದಶಿಯನ್ನು ಪರಿವರ್ತಿನಿ ಏಕಾದಶಿ ಎಂದು ಕರೆಯಲಾಗುತ್ತದೆ. ಇದರ ಜೊತೆಗೆ, ಈ ಏಕಾದಶಿಯನ್ನು ಪದ್ಮ ಏಕಾದಶಿ ಎಂದೂ ಕರೆಯುತ್ತಾರೆ. ವೈದಿಕ ಕ್ಯಾಲೆಂಡರ್ ಪ್ರಕಾರ, ಭಾದ್ರಪದ ಮಾಸದ ಶುಕ್ಲ ಪಕ್ಷದ ಏಕಾದಶಿ ತಿಥಿ ಸೆಪ್ಟೆಂಬರ್ 3 ರಂದು ಬೆಳಿಗ್ಗೆ 4.54 ಕ್ಕೆ ಪ್ರಾರಂಭವಾಗಿ ಸೆಪ್ಟೆಂಬರ್ 4 ರಂದು ಬೆಳಿಗ್ಗೆ 4.22 ಕ್ಕೆ ಕೊನೆಗೊಳ್ಳುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಪರಿವರ್ತಿನಿ ಏಕಾದಶಿಯ ಉಪವಾಸವನ್ನು ಸೆಪ್ಟೆಂಬರ್ 3 ರಂದು ಆಚರಿಸಲಾಗುತ್ತದೆ.

ಈ ಏಕಾದಶಿಯಂದು, ವಿಷ್ಣುವಿನ ವಾಮನ ರೂಪವನ್ನು ಕೂಡ ಪೂಜಿಸಲಾಗುತ್ತದೆ. ಈ ಉಪವಾಸವನ್ನು ಆಚರಿಸುವುದರಿಂದ, ವ್ಯಕ್ತಿಯ ಸಂತೋಷ ಮತ್ತು ಅದೃಷ್ಟ ಹೆಚ್ಚಾಗುತ್ತದೆ. ಈ ದಿನ ತಾಯಿ ಯಶೋದೆಯು ನೀರಿನ ಜಲಾಶಯಕ್ಕೆ ಹೋಗಿ ಶ್ರೀ ಕೃಷ್ಣನ ಬಟ್ಟೆಗಳನ್ನು ತೊಳೆದಳು, ಅದಕ್ಕಾಗಿಯೇ ಇದನ್ನು ಜಲಝುಲ್ನಿ ಏಕಾದಶಿ ಎಂದೂ ಕರೆಯುತ್ತಾರೆ.

ಧಾರ್ಮಿಕ ಗ್ರಂಥಗಳ ಪ್ರಕಾರ, ಪರಿವರ್ತಿನಿ ಏಕಾದಶಿಯಂದು ಉಪವಾಸ ಮಾಡುವುದರಿಂದ ವ್ಯಕ್ತಿಯು ಮಾಡಿರುವ ಪಾಪಗಳಿಂದ ಮುಕ್ತನಾಗುತ್ತಾನೆ ಎಂಬ ನಂಬಿಕೆಯಿದೆ. ದೇವರ ವಿಗ್ರಹಕ್ಕೆ ಪಂಚಾಮೃತದಿಂದ (ಮೊಸರು, ಹಾಲು, ತುಪ್ಪ, ಸಕ್ಕರೆ, ಜೇನುತುಪ್ಪ) ಮತ್ತು ಗಂಗಾ ಜಲದಿಂದ ಅಭಿಷೇಕ ಮಾಡಿ. ಬಳಿಕ ವಿಷ್ಣುವಿಗೆ ಕುಂಕುಮ-ಅಕ್ಷತೆಯನ್ನು ಹಚ್ಚಿ. ವಾಮನನ ಕಥೆಯನ್ನು ಕೇಳಿ ಅಥವಾ ಓದಿ ಮತ್ತು ಆರತಿ ಮಾಡಬೇಕು. ತುಳಸಿ ಮಾಲೆಯೊಂದಿಗೆ ವಿಷ್ಣುವಿನ ಪಂಚಾಕ್ಷರ ಮಂತ್ರ “ಓಂ ನಮೋ ಭಗವತೇ ವಾಸುದೇವ” ವನ್ನು ಸಾಧ್ಯವಾದಷ್ಟು ಪಠಿಸಿ. ಇದಾದ ನಂತರ, ಸಂಜೆ, ವಿಷ್ಣುವಿನ ದೇವಸ್ಥಾನ ಅಥವಾ ಅವರ ವಿಗ್ರಹದ ಮುಂದೆ ಭಜನೆ-ಕೀರ್ತನೆ ಕಾರ್ಯಕ್ರಮವನ್ನು ಆಯೋಜಿಸಿ.