ಬಿಗ್ ಬಾಸ್ ಕನ್ನಡ ಸೀಸನ್ 12 ಅದ್ದೂರಿಯಾಗಿ ಶುರುವಾಗಿದೆ. ಆದರೆ, ಪ್ರಾರಂಭದಲ್ಲೇ ಬಿಗ್ ಬಾಸ್ ಒಂದು ಅನಿರೀಕ್ಷಿತ ತಿರುವು ನೀಡಿದೆ. ಸೆಪ್ಟೆಂಬರ್ 28ರಂದು ಒಟ್ಟು 19 ಸ್ಪರ್ಧಿಗಳು ಬಿಗ್ ಬಾಸ್ ಮನೆಗೆ ಪ್ರವೇಶಿಸಿದ್ದರು. ಆಶ್ಚರ್ಯಕರವಾಗಿ, ಅದೇ ದಿನ ಒಬ್ಬರನ್ನು ಎಲಿಮಿನೇಟ್ ಮಾಡಲಾಗಿದೆ.

ತುಳುನಾಡಿನ ಯೂಟ್ಯೂಬರ್ ರಕ್ಷಿತಾ ಶೆಟ್ಟಿ ಅವರನ್ನು ಬಿಗ್ ಬಾಸ್ ಮನೆಯಿಂದ ಹೊರಗೆ ಕಳಿಸಲಾಗಿದೆ. ಮೊದಲ ದಿನವೇ ಎಲಿಮಿನೇಷನ್ ನಡೆಯುತ್ತದೆ ಎಂದು ಯಾರೂ ಊಹಿಸಿರಲಿಲ್ಲ. ಈ ನಿರ್ಧಾರ ಎಲ್ಲರನ್ನೂ ದಿಗ್ಭ್ರಮೆಗೊಳಿಸಿದೆ.

ಪ್ರವೇಶದ ಸಮಯದಲ್ಲಿ, ಆರು ಸ್ಪರ್ಧಿಗಳು ಒಂಟಿಯಾಗಿ, ಐವರು ಜಂಟಿಯಾಗಿ ಹಾಗೂ ಮೂವರು ಅತಂತ್ರ ಸ್ಥಿತಿಯಲ್ಲಿ ಮನೆ ಪ್ರವೇಶಿಸಿದ್ದರು. ರಕ್ಷಿತಾ ಶೆಟ್ಟಿ, ಮಾಳು ನಿಪನಾಳ ಮತ್ತು ಸ್ಪಂದನಾ ಈ ಮೂವರು ಅತಂತ್ರ ಸ್ಥಿತಿಯಲ್ಲಿದ್ದರು.Titan Maritime Analog Green Dial Men's Watch NM1830KL02/NN1830KL02/NP1830KL02

ಇವರಲ್ಲಿ ಇಬ್ಬರನ್ನು ಉಳಿಸಿಕೊಂಡು ಒಬ್ಬರನ್ನು ಹೊರಹಾಕುವ ನಿರ್ಧಾರವನ್ನು ಆರು "ಒಂಟಿ" ಸ್ಪರ್ಧಿಗಳಿಗೆ ನೀಡಲಾಯಿತು. ರಕ್ಷಿತಾ, ಮಾಳು, ಮತ್ತು ಸ್ಪಂದನಾ ತಮ್ಮ ಸಾಮರ್ಥ್ಯವನ್ನು ಮನವರಿಕೆ ಮಾಡಲು ಒಂಟಿ ಸ್ಪರ್ಧಿಗಳ ಮುಂದೆ ಪ್ರಯತ್ನಿಸಿದರು.

ಮಾಳು ನಿಪನಾಳ, "ನಾನು ಸಾಮಾನ್ಯ ಕುಟುಂಬದಿಂದ ಬಂದ ಹುಡುಗ. ಒಂದೆರಡು ದಿನವಾದರೂ ಈ ಮನೆಯಲ್ಲಿ ಇರಬೇಕು ಎನ್ನುವ ಆಸೆ ಇದೆ. ಉಳಿಸಿಕೊಳ್ಳುವುದು, ಬಿಡುವುದು ನಿಮ್ಮ ಕೈಯಲ್ಲಿದೆ" ಎಂದರು. ಸ್ಪಂದನಾ, "ನಾನು ಮಾನಸಿಕವಾಗಿ ಗಟ್ಟಿಯಾದ ಹುಡುಗಿ. ಈ ಪ್ರಯಾಣ ನನಗೆ ಬಹಳ ಮುಖ್ಯ. ನನ್ನನ್ನು ಆಯ್ಕೆ ಮಾಡಿ, ಉಳಿಸಿಕೊಳ್ಳಿ" ಎಂದು ಮನವಿ ಮಾಡಿದರು.ಒನ್ ಬ್ಯಾಟಲ್ ಆಫ್ಟರ್ ಅನದರ್: ಲಿಯೋನಾರ್ಡೋ ಡಿಕಾಪ್ರಿಯೊ ಅಭಿನಯದ ಚಿತ್ರ ಭಾರತದಲ್ಲಿ ನಿಧಾನ ಆರಂಭ

ರಕ್ಷಿತಾ ಶೆಟ್ಟಿ ತಮ್ಮ ವಾದ ಮಂಡಿಸುತ್ತಾ, "ಇಂದು ನಿಮ್ಮನ್ನು ಹೇಗೆ ಮನವೊಲಿಸಬೇಕು ಎಂದು ತಿಳಿಯುತ್ತಿಲ್ಲ. ಈಗ ನನಗೆ ಅವಕಾಶ ಸಿಕ್ಕಿದೆ. ತುಳುನಾಡಿನಲ್ಲಿ ನಾನು ಕೆಲವರಿಗೆ ಪರಿಚಿತಳಾಗಿದ್ದೆ. ಬಿಗ್ ಬಾಸ್ ಅವಕಾಶ ಸಿಕ್ಕರೆ ಹೆಚ್ಚು ಜನರಿಗೆ ಕನೆಕ್ಟ್ ಆಗಬಹುದು. ನಾನು ತುಳು ಮತ್ತು ಮುಂಬೈ ವಾತಾವರಣದಲ್ಲಿ ಬೆಳೆದಿದ್ದೇನೆ. ಇಲ್ಲಿ ಇದ್ದರೆ ಕನ್ನಡ ಕಲಿಯುತ್ತೇನೆ" ಎಂದು ಹೇಳಿದರು.

ಆದರೆ, ಒಂಟಿ ಸ್ಪರ್ಧಿಗಳಿಂದ ವಿಭಿನ್ನ ಅಭಿಪ್ರಾಯ ವ್ಯಕ್ತವಾಯಿತು. "ಮಾಳು ಮತ್ತು ಸ್ಪಂದನಾ ಇರಬೇಕು. ರಕ್ಷಿತಾ ಶೆಟ್ಟಿ ಸಾಮಾಜಿಕ ಮಾಧ್ಯಮದಲ್ಲಿ ತಪ್ಪಾದ ಕನ್ನಡ ಮಾತನಾಡಿ ಪ್ರಸಿದ್ಧಿಯಾಗಿದ್ದಾರೆ. ಅವರಿಗೆ ಬೇರೆ ಕೆಲಸವಿದೆ" ಎಂದು ಹಲವರು ಹೇಳಿದರು.

ಅಂತಿಮವಾಗಿ, ಅಶ್ವಿನಿ ಗೌಡ ಎಲ್ಲರ ಪರವಾಗಿ ನಿರ್ಧಾರ ಘೋಷಿಸಿದರು. ಮಾಳು ನಿಪನಾಳ ಮತ್ತು ಸ್ಪಂದನಾ ಅವರನ್ನು ಉಳಿಸಿಕೊಂಡು, ರಕ್ಷಿತಾ ಶೆಟ್ಟಿಗೆ ಗೇಟ್ ಪಾಸ್ ನೀಡಲಾಯಿತು. ರಕ್ಷಿತಾ ಯಾವುದೇ ಭಾವನಾತ್ಮಕ ಕ್ಷಣಗಳಿಲ್ಲದೆ ಮುಖ್ಯದ್ವಾರದಿಂದ ಹೊರನಡೆದರು.