ನ್ಯೂಯಾರ್ಕ್: ವಿಶ್ವದಲ್ಲಿ ಭಾರತ ಆರ್ಥಿಕವಾಗಿ ವೇಗವಾಗಿ ಬೆಳೆಯುತ್ತಿರುವ ರಾಷ್ಟ್ರವಾಗಿ ಹೊರಹೊಮ್ಮುತ್ತಿದೆ. ಇದಕ್ಕೆ ತಾಜಾ ಸಾಕ್ಷಿ ವಲ್ಡ್ ಎಕಾನಾಮಿಕ್ ಔಟ್ ಲುಕ್ 2025ರ ವರದಿ ತಿಳಿಸುತ್ತಿದೆ. ಯೆಸ್, ಅಂತರರಾಷ್ಟ್ರೀಯ ಹಣಕಾಸು ನಿಧಿ ಪ್ರಕಟಿಸಿರುವ ಇತ್ತೀಚಿನ World Economic Outlook 2025 ವರದಿ ಪ್ರಕಾರ, ಮುಂದಿನ ವರ್ಷ ಭಾರತವು 6.6% GDP ಬೆಳವಣಿಗೆಯೊಂದಿಗೆ ವಿಶ್ವದ ವೇಗವಾಗಿ ಬೆಳೆಯುತ್ತಿರುವ ಪ್ರಮುಖ ಆರ್ಥಿಕತೆಯಾಗಿ ಮುಂದುವರಿಯಲಿದೆ ಎಂಬ ಅಂಶ ಎಲ್ಲರ ಕಣ್ಣು ಭಾರತದತ್ತ ತಿರುಗುವಂತೆ ಮಾಡಿದೆ.

ವರದಿ ಪ್ರಕಾರ, ಜಾಗತಿಕ ಆರ್ಥಿಕ ಬೆಳವಣಿಗೆ 2025ರಲ್ಲಿ 3.2% ಆಗಿ, ಹಿಂದಿನ ವರ್ಷದ 3.3% ರಿಂದ ಸ್ವಲ್ಪ ಇಳಿಕೆಯಾಗಲಿದೆ. ಆದರೆ, ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರಗಳಲ್ಲಿ ಏಷ್ಯಾ ಪ್ರದೇಶವೇ ಮುಖ್ಯ ಬೆಳವಣಿಗೆಯ ಎಂಜಿನ್ ಆಗಿ ಹೊರಹೊಮ್ಮಿದೆ.

ಚೀನಾ ಬೆಳವಣಿಗೆ 4.8% ಕ್ಕೆ ನಿಧಾನಗತಿಯಾಗಲಿದ್ದು, ಅಮೆರಿಕಾ 2%, ಯುರೋ ಪ್ರದೇಶ 1.2%, ಹಾಗೂ ಜಪಾನ್ 1.1% ಬೆಳವಣಿಗೆ ಸಾಧಿಸಲಿದೆ ಎಂದು IMF ಅಂದಾಜು ಮಾಡಿದೆ. ರಾಜಸ್ಥಾನದ ಜೈಸಲ್ಮೇರ್-ಜೋಧ್‌ಪುರ ಹೆದ್ದಾರಿಯಲ್ಲಿ ಬಸ್ಸಿಗೆ ಬೆಂಕಿ: ಕನಿಷ್ಟ 20 ಸಾ*ವು

ಭಾರತದ ವೇಗದ ಬೆಳವಣಿಗೆಗೆ ಡಿಜಿಟಲ್ ಪರಿವರ್ತನೆ, ತೆರಿಗೆ ಸುಧಾರಣೆಗಳು (GST), ಮತ್ತು ಬಂಡವಾಳ ಹೂಡಿಕೆಗಳ ಹೆಚ್ಚಳ ಪ್ರಮುಖ ಕಾರಣಗಳೆಂದು IMF ವಿಶ್ಲೇಷಿಸಿದೆ. ವರದಿ ಪ್ರಕಾರ, “ಭಾರತವು ಜಾಗತಿಕ ಬೆಳವಣಿಗೆಯ ಪ್ರಮುಖ ಚಾಲಕವಾಗಿದ್ದು, ಶೀಘ್ರದಲ್ಲೇ ಜಪಾನ್ ಮತ್ತು ಜರ್ಮನಿಯನ್ನು ಮೀರಿ ವಿಶ್ವದ ಮೂರನೇ ಅತಿ ದೊಡ್ಡ ಆರ್ಥಿಕತೆಯಾಗಲಿದೆ.”

ಇದರ ವಿರುದ್ಧವಾಗಿ, ರಷ್ಯಾ, ಜರ್ಮನಿ ಮತ್ತು ಬ್ರೆಝಿಲ್ ಸೇರಿದಂತೆ ಅನೇಕ ರಾಷ್ಟ್ರಗಳು ನಿಧಾನಗತಿಯ ಬೆಳವಣಿಗೆ ಎದುರಿಸುತ್ತಿವೆ.

ಮುಖ್ಯ ಅಂಕಿ-ಅಂಶಗಳು (2025):

ಭಾರತ: 6.6%

ಚೀನಾ: 4.8%

ಅಮೆರಿಕಾ: 2.0%

ಯುರೋ ಪ್ರದೇಶ: 1.2%

ವಿಶ್ವ ಸರಾಸರಿ: 3.2%

2026ರತ್ತ ದೃಷ್ಟಿ ನೆಟ್ಟಿರುವ IMF, ಭಾರತದ ಬೆಳವಣಿಗೆ ಸ್ವಲ್ಪ ಇಳಿದು 6.2% ಆಗಬಹುದು ಎಂದು ಹೇಳಿದರೂ, ಅದು ಇತರ ದೇಶಗಳಿಗಿಂತ ಇನ್ನೂ ಹೆಚ್ಚಿನ ಮಟ್ಟದಲ್ಲೇ ಉಳಿಯುತ್ತದೆ ಎಂದು ಸೂಚಿಸಿದೆ.

ಹಾಗಾದರೆ ಈ ಅಭಿವೃದ್ದಿಗೆ ಭಾರತದ ಒಳಗೆ ಆಗಿರುವ ಬದಲಾವಣೆಯ ಅಂಶಗಳೇನು ?

ಭಾರತದ GDP ಬೆಳವಣಿಗೆಯ ಪ್ರಮುಖ ಕಾರಣಗಳು ಹೀಗಿವೆ.

ಡಿಜಿಟಲ್ ಪರಿವರ್ತನೆ

ಭಾರತದಲ್ಲಿ UPI, ಆಧಾರ್, ಡಿಜಿಟಲ್ ಬ್ಯಾಂಕಿಂಗ್ ಮತ್ತು ಇ-ಗವರ್ಣನ್ಸ್ ವ್ಯವಸ್ಥೆ ವೇಗವಾಗಿ ವಿಸ್ತರಿಸಿವೆ.

ಗ್ರಾಮೀಣ ಮತ್ತು ನಗರ ಪ್ರದೇಶಗಳ ನಡುವೆ ಡಿಜಿಟಲ್ ಸಂಪರ್ಕ ಹೆಚ್ಚಾಗಿ, ಆರ್ಥಿಕ ಚಟುವಟಿಕೆಗಳು ವೇಗಗೊಂಡಿವೆ.

ಸರಕು ಮತ್ತು ಸೇವಾ ತೆರಿಗೆ ಸುಧಾರಣೆಗಳು

GST ವ್ಯವಸ್ಥೆಯ ಸುಧಾರಣೆಗಳಿಂದ ತೆರಿಗೆ ಸಂಗ್ರಹಣೆಯಲ್ಲಿ ಸ್ಥಿರತೆ ಬಂದಿದೆ.ರಾಜ್ಯ ಮತ್ತು ಕೇಂದ್ರ ಸರ್ಕಾರದ ಆದಾಯ ಹೆಚ್ಚಾಗಿ, ಬಂಡವಾಳ ಹೂಡಿಕೆಗಳಿಗೆ ಮಾರ್ಗ ಮಾಡಿದೆ.

ಬಂಡವಾಳ ಹೂಡಿಕೆ ಮತ್ತು ಮೂಲಸೌಕರ್ಯ

ಕೇಂದ್ರ ಸರ್ಕಾರದ “ಗತಿ ಶಕ್ತಿ”, “ಮೇಕ್ ಇನ್ ಇಂಡಿಯಾ”, ಮತ್ತು ಉತ್ಪಾದನಾ ಪ್ರೋತ್ಸಾಹ ಯೋಜನೆಗಳು ಹೊಸ ಕೈಗಾರಿಕಾ ಬೆಳವಣಿಗೆಗೆ ಸಹಕಾರ ನೀಡಿವೆ. ರಸ್ತೆ, ರೈಲು, ಪೋರ್ಟ್ ಮತ್ತು ವಿಮಾನ ನಿಲ್ದಾಣ ಯೋಜನೆಗಳ ಮೇಲೆ ಭಾರೀ ಹೂಡಿಕೆ ನಡೆದಿದೆ.

ಸೇವಾ ಕ್ಷೇತ್ರದ ಬಲ

ಐಟಿ, ಫಿನ್ಟೆಕ್, ಹೆಲ್ತ್‌ಕೇರ್, ಮತ್ತು ಪ್ರವಾಸೋದ್ಯಮ ಕ್ಷೇತ್ರಗಳಲ್ಲಿ ನಿರಂತರ ಬೆಳವಣಿಗೆ ಕಂಡುಬಂದಿದೆ.

ಭಾರತವು ಐಟಿ ಎಕ್ಸ್‌ಪೋರ್ಟ್‌ಗಳಲ್ಲಿ ವಿಶ್ವದ ನಾಯಕತ್ವ ಕಾಯ್ದುಕೊಂಡಿದೆ.

ಆಂತರಿಕ ಬೇಡಿಕೆ

ಮಧ್ಯಮ ವರ್ಗದ ಖರೀದಿ ಸಾಮರ್ಥ್ಯ ಹೆಚ್ಚಾಗಿದೆ.

ನಗರೀಕರಣ ಮತ್ತು ಗ್ರಾಹಕ ವಲಯದ ವಿಸ್ತರಣೆ GDPಗೆ ನೇರ ಬೆಂಬಲ ನೀಡಿವೆ.

ಸರ್ಕಾರದ ಆರ್ಥಿಕ ನೀತಿಗಳು

RBI ದರ ನೀತಿಗಳಿಂದ ದರ ಏರಿಕೆ ನಿಯಂತ್ರಣದಲ್ಲಿದೆ.

ಸರ್ಕಾರದ “ಕ್ಯಾಪೆಕ್ಸ್ ಡ್ರೈವ್” ಆರ್ಥಿಕ ವೃದ್ಧಿಗೆ ಪೂರಕವಾಗಿದೆ. Redraft this to English. and give me ash tags and search tags after camas.Bata Women’s Stylish Ballerina Flats – Trendy, Comfortable

ರಫ್ತು ಮತ್ತು ವಿದೇಶಿ ಹೂಡಿಕೆ

ವಿದೇಶಿ ಹೂಡಿಕೆದಾರರು ಭಾರತದ ಉತ್ಪಾದನಾ ವಲಯದತ್ತ ಆಸಕ್ತಿ ತೋರಿಸುತ್ತಿದ್ದಾರೆ.“ಚೀನಾ+1” ಧೋರಣೆಯಿಂದ ಭಾರತಕ್ಕೆ ಹೊಸ ಹೂಡಿಕೆಗಳು ಹರಿದುಬಂದಿವೆ.

ಒಟ್ಟಿನಲ್ಲಿ , IMF ಪ್ರಕಾರ “ಭಾರತದ ಆರ್ಥಿಕ ಬೆಳವಣಿಗೆ ಮೌಲಿಕ ಸುಧಾರಣೆಗಳು, ತಂತ್ರಜ್ಞಾನ ಅಭಿವೃದ್ಧಿ ಮತ್ತು ಸ್ಥಿರ ನೀತಿಗಳ ಸಮನ್ವಯದಿಂದ ಸಾಧ್ಯವಾಗಿದೆ. ಮುಂದಿನ ವರ್ಷಗಳಲ್ಲೂ ಇದೇ ವೇಗ ಮುಂದುವರಿಯುವ ಸಾಧ್ಯತೆ ಇದೆ.