ಬೆಂಗಳೂರು: ನಗರಾಭಿವೃದ್ಧಿ ಮತ್ತು ಸಾರ್ವಜನಿಕ ಸಾರಿಗೆಯ ಪ್ರಮುಖ ಬೆನ್ನೆಲುಬಾಗಿರುವ ನಮ್ಮ ಮೆಟ್ರೋ ತನ್ನ ಐಟಿ ವ್ಯವಸ್ಥೆಗಳು ಮತ್ತು ಪ್ರಯಾಣಿಕರ ಸುರಕ್ಷತೆಯನ್ನು ಇನ್ನಷ್ಟು ಬಲಪಡಿಸಲು ಪ್ರಮುಖ ಹೆಜ್ಜೆ ಇಟ್ಟಿದೆ. ಸೈಬರ್ ದಾಳಿ ಮತ್ತು ತಂತ್ರಜ್ಞಾನ ಆಧಾರಿತ ಬೆದರಿಕೆಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಬೆಂಗಳೂರು ಮೆಟ್ರೋ ರೈಲು ನಿಗಮ (BMRCL) ಬೈಯಪ್ಪನಹಳ್ಳಿ ಡಿಪೋದಲ್ಲಿ ಅತ್ಯಾಧುನಿಕ ಭದ್ರತಾ ಕಾರ್ಯಾಚರಣೆ ಕೇಂದ್ರ (Security Operations Centre - SOC) ಸ್ಥಾಪಿಸಲು ಮುಂದಾಗಿದೆ.ಇದನ್ನೂ ಓದಿ: ಮೊಂತಾ ಚಂಡಮಾರುತ ಅಬ್ಬರ: ಒಡಿಶಾ-ಆಂಧ್ರದಲ್ಲಿ ಭೂಕುಸಿತ ಭೀತಿ, ಸಾವಿರಾರು ಜನರು ಸ್ಥಳಾಂತರ!

ಕಾರಣ ಏನು? ಮೆಟ್ರೋದ ಸಿಗ್ನಲಿಂಗ್, ಟ್ರ್ಯಾಕ್ ನಿರ್ವಹಣೆ, ಟಿಕೆಟಿಂಗ್ ವ್ಯವಸ್ಥೆಗಳು ಮತ್ತು ಸಂಪೂರ್ಣ ಐಟಿ ಮೂಲಸೌಕರ್ಯವು ಸೈಬರ್ ದಾಳಿಯ ಅಪಾಯ ಎದುರಿಸುತ್ತಿವೆ. ಈ ಬೆದರಿಕೆಗಳನ್ನು ಮೊದಲೇ ಪತ್ತೆಹಚ್ಚಿ, ತಡೆಯಲು ಮತ್ತು ತಕ್ಷಣ ಪ್ರತಿಕ್ರಿಯಿಸಲು ಕೇಂದ್ರೀಕೃತ ವ್ಯವಸ್ಥೆಯ ಅವಶ್ಯಕತೆ ಇತ್ತು.ಇದನ್ನೂ ಓದಿ: ಇಂದು ಬಿಹಾರ ಪ್ರಣಾಳಿಕೆ ಬಿಡುಗಡೆ; ತೇಜಸ್ವಿ ಜೊತೆಗೆ ರಾಹುಲ್ ಮತ್ತೆ ಪ್ರಚಾರ ಆರಂಭ..!

ಏನಿದರ ಉಪಯೋಗ? ಈ ಕೇಂದ್ರವು ಮೆಟ್ರೋದ ಡಿಜಿಟಲ್ ಬೆನ್ನೆಲುಬನ್ನು ಸುರಕ್ಷಿತವಾಗಿಡುತ್ತದೆ. ಇದರ ಪ್ರಮುಖ ಉಪಯೋಗಗಳು:

24/7  ಕಣ್ಗಾವಲು: ಸೈಬರ್ ಮತ್ತು ಭೌತಿಕ ಭದ್ರತಾ ಬೆದರಿಕೆಗಳನ್ನು ನಿರಂತರವಾಗಿ ಪತ್ತೆಹಚ್ಚಿ, ಪ್ರತಿಕ್ರಿಯಿಸುತ್ತದೆ.

ಸಿಸಿಟಿವಿ ಏಕೀಕರಣ: ರೈಲು ಬೋಗಿಗಳು ಮತ್ತು ನಿಲ್ದಾಣಗಳಲ್ಲಿರುವ ಸುಮಾರು ಸಾವಿರಾರು ಸಿಸಿಟಿವಿ ಕ್ಯಾಮೆರಾಗಳನ್ನು ಒಂದೇ ಸೂರಿನಡಿ ನಿರ್ವಹಿಸಿ, ನಿರಂತರವಾಗಿ ಮೇಲ್ವಿಚಾರಣೆ ಮಾಡಲಾಗುತ್ತದೆ.

ದಾಳಿ ತಡೆ: ಸಂಭಾವ್ಯ ಸೈಬರ್ ದಾಳಿಗಳು ಮತ್ತು ಸಿಸ್ಟಮ್ ದೋಷಗಳನ್ನು ಮೊದಲೇ ಗುರುತಿಸಿ, ಅವುಗಳಿಂದ ರಕ್ಷಣೆ ನೀಡುತ್ತದೆ.

ಸುರಕ್ಷತೆ ಮತ್ತು ವಿಶ್ವಾಸಾರ್ಹತೆ: ಇಡೀ ಮೆಟ್ರೋ ಜಾಲದ ಕಾರ್ಯಾಚರಣೆ ವಿಶ್ವಾಸಾರ್ಹತೆ ಮತ್ತು ಪ್ರಯಾಣಿಕರ ಸುರಕ್ಷತೆಯನ್ನು ಖಚಿತಪಡಿಸುತ್ತದೆ.

ಈ ಕ್ರಮವು ನಗರ ಸಾರಿಗೆಯಲ್ಲಿ ಸೈಬರ್‌ ಸುರಕ್ಷತಾ ನಿರ್ವಹಣೆಯಲ್ಲಿ ಒಂದು ಪ್ರಮುಖ ಮೈಲಿಗಲ್ಲಾಗಿದೆ.SGF11 Women's Kanjivaram Pure Soft Silk Saree For Women Pure Golden Zari With Blouse Piece