😭 ಭಾವನಾತ್ಮಕ ವಿಜಯ: ಆಸ್ಟ್ರೇಲಿಯಾ ವಿರುದ್ಧ ಗೆದ್ದ ಬಳಿಕ ಕಣ್ಣೀರಿಟ್ಟ ಶತಕ ಸುಂದರಿ(127*) ಜೆಮಿಮಾ, ಹರ್ಮನ್‌ಪ್ರೀತ್!

ದಾಖಲೆಯ ರನ್ ಚೇಸ್‌ನ ಮುಖ್ಯ ಶಿಲ್ಪಿ, ಅಜೇಯ 127 ರನ್ ಗಳಿಸಿದ ಜೆಮಿಮಾ ರಾಡ್ರಿಗಸ್ ಅವರು ಪಂದ್ಯ ಗೆದ್ದ ತಕ್ಷಣ ಕ್ರೀಸ್‌ನಲ್ಲೇ ಕಣ್ಣೀರು ಹಾಕಿದರು. ಬ್ಯಾಟಿಂಗ್ ಅಂತ್ಯದವರೆಗೂ ಅಸಾಧಾರಣ ಸಂಯಮ ಮತ್ತು ಸ್ಥಿರತೆಯನ್ನು ಪ್ರದರ್ಶಿಸಿದ್ದ ಜೆಮಿಮಾ, ಗೆಲುವಿನ ನಂತರ ತಮ್ಮ ಮನಸ್ಸಿನ ಭಾರವನ್ನು ತಡೆಯಲು ಸಾಧ್ಯವಾಗಲಿಲ್ಲ. ಕಳೆದ ಒಂದು ವರ್ಷದಿಂದ ತಾನು ಅನುಭವಿಸಿದ ಮಾನಸಿಕ ಒತ್ತಡ, ಆತಂಕ ಮತ್ತು ತಂಡದಿಂದ ಕೈಬಿಡಲ್ಪಟ್ಟ ನೋವಿನ ಬಗ್ಗೆ ಅವರು ಪಂದ್ಯದ ನಂತರ ಬಹಿರಂಗಪಡಿಸಿದ್ದಾರೆ.