ತಮಿಳು ಚಿತ್ರರಂಗದಲ್ಲಿ “ಮೊಟ್ಟ ರಾಜೇಂದ್ರನ್” ಎಂದೇ ಖ್ಯಾತರಾಗಿರುವ ನಟ ರಾಜೇಂದ್ರನ್ ಅವರ ಬೋಳು ತಲೆಯ ಹಿಂದೆ ಇರುವ ಕಥೆ ಬಹುತೇಕ ಜನರಿಗೆ ತಿಳಿದಿಲ್ಲ. ಇಂದು ಅವರು ಹಾಸ್ಯ ಪಾತ್ರಗಳ ಮೂಲಕ ಪ್ರೇಕ್ಷಕರನ್ನು ನಗಿಸುತ್ತಿದ್ದರೂ, ಅವರ ಈ ರೂಪಕ್ಕೆ ಕಾರಣವಾದ ಘಟನೆ ಮಾತ್ರ ತುಂಬಾ ನೋವಿನದ್ದು.

ರಾಜೇಂದ್ರನ್ ತಮ್ಮ ವೃತ್ತಿಜೀವನವನ್ನು ನಟನಾಗಿ ಅಲ್ಲ, ಸ್ಟಂಟ್ ಮ್ಯಾನ್ ಆಗಿ ಆರಂಭಿಸಿದ್ದರು. ದಪ್ಪ ಕೂದಲು, ಗಟ್ಟಿಯಾದ ದೇಹ ಹೊಂದಿದ್ದ ಅವರು ಹಲವು ವರ್ಷಗಳು ಸ್ಟಂಟ್ ಡಬಲ್ ಆಗಿ ಕೆಲಸ ಮಾಡಿದರು. ತಮಿಳು, ತೆಲುಗು, ಮಲಯಾಳಂ ಸೇರಿದಂತೆ ಸುಮಾರು 500 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ಸಾಹಸ ದೃಶ್ಯಗಳನ್ನು ಮಾಡಿದ್ದಾರೆ. ಅತ್ಯುತ್ತಮ ಸ್ಟಂಟ್ ಮ್ಯಾನ್ ಪ್ರಶಸ್ತಿಗಳನ್ನು ಸಹ ಪಡೆದಿದ್ದರು. ಒಂದು ಕಾಲದಲ್ಲಿ ಅವರು ನಾಯಕನಾಗಿ ಕಾಣಿಸಿಕೊಳ್ಳುವ ಕನಸು ಕೂಡ ಇಟ್ಟುಕೊಂಡಿದ್ದರು.

ಆದರೆ ಮಲಯಾಳಂ ಚಿತ್ರದ ಒಂದು ಚಿತ್ರೀಕರಣವೇ ಅವರ ಜೀವನವನ್ನು ಸಂಪೂರ್ಣವಾಗಿ ಬದಲಿಸಿತು. ಒಂದು ದೃಶ್ಯಕ್ಕಾಗಿ 15 ಅಡಿ ಎತ್ತರದಿಂದ ನೀರಿಗೆ ಜಿಗಿಯಬೇಕಾಗಿತ್ತು. ಯಾವುದೇ ಅನುಮಾನವಿಲ್ಲದೆ ಅವರು ನೀರಿಗೆ ಹಾರಿದರು. ನಂತರ ಅಲ್ಲಿನ ಗ್ರಾಮಸ್ಥರು, ಅದು ಕಾರ್ಖಾನೆಗಳಿಂದ ಹರಿದುಬರುವ ರಾಸಾಯನಿಕ ಮಿಶ್ರಿತ ನೀರು ಎಂದು ಹೇಳಿದರು. ಆ ನೀರಿನ ಪರಿಣಾಮವಾಗಿ ಕೆಲವೇ ದಿನಗಳಲ್ಲಿ ಅವರ ಕೂದಲು ಉದುರಲು ಪ್ರಾರಂಭಿಸಿತು. ಸ್ವಲ್ಪ ಸಮಯದಲ್ಲೇ ಅವರು ಸಂಪೂರ್ಣ ಬೋಳಿಸಿಕೊಂಡರು. ಹುಬ್ಬುಗಳೂ ಉದುರಿದವು. ಜೊತೆಗೆ ಜೀರ್ಣಕ್ರಿಯೆ ಸೇರಿದಂತೆ ಹಲವು ಆರೋಗ್ಯ ಸಮಸ್ಯೆಗಳೂ ಎದುರಾದವು.American Tourister RUDY 21 Ltrs Small Size Polyester Causal Backpack with Security Zip

ಈ ಅಪಘಾತದ ನಂತರ ರಾಜೇಂದ್ರನ್ ಅವರ ರೂಪವೇ ಬದಲಾಗಿತು. ಮೊದಲಿಗೆ ಇದು ತಮ್ಮ ಜೀವನದ ದೊಡ್ಡ ನಷ್ಟ ಎಂದು ಅವರು ಭಾವಿಸಿದರು. ಆದರೆ ಕಾಲಕ್ರಮೇಣ ನಿರ್ದೇಶಕರು ಅವರ ವಿಶಿಷ್ಟ ಲುಕ್‌ನ್ನು ಗಮನಿಸಿದರು. ಖಳನಾಯಕ ಪಾತ್ರಗಳ ಬದಲು ಹಾಸ್ಯ ಪಾತ್ರಗಳು ಬರಲಾರಂಭಿಸಿದವು. ವಿಗ್ ಹಾಕದೆ ಹಾಗೆಯೇ ನಟಿಸಬೇಕು ಎಂದು ನಿರ್ದೇಶಕರು ಹೇಳುತ್ತಿದ್ದರು.ಇದನ್ನು ಓದಿ:ನಿರ್ದೇಶಕ ಅಟ್ಲಿ ಮತ್ತೆ ತಂದೆ ಆಗುತ್ತಿದ್ದಾರೆ....ಪ್ರಿಯಾ ಅಟ್ಲಿ ಸಂತಸದ ಸುದ್ದಿ..!

ಇಂದು ಮೊಟ್ಟ ರಾಜೇಂದ್ರನ್ ತಮಿಳು, ತೆಲುಗು ಮತ್ತು ಮಲಯಾಳಂ ಚಿತ್ರಗಳಲ್ಲಿ ಜನಪ್ರಿಯ ಹಾಸ್ಯ ನಟರಾಗಿದ್ದಾರೆ. ತಾನು ಮೈನಸ್ ಎಂದುಕೊಂಡ ಬೋಳು ತಲೆಯೇ ತನ್ನ ಯಶಸ್ಸಿನ ಮೆಟ್ಟಿಲಾಗಿದೆ ಎಂದು ಅವರು ಹೆಮ್ಮೆಯಿಂದ ಹೇಳುತ್ತಾರೆ. ಅವರ ಕಥೆ, ಜೀವನದಲ್ಲಿ ಎದುರಾಗುವ ಕಷ್ಟಗಳೇ ಕೆಲವೊಮ್ಮೆ ಹೊಸ ಅವಕಾಶಗಳಿಗೆ ದಾರಿ ಮಾಡಿಕೊಡುತ್ತವೆ ಎಂಬುದಕ್ಕೆ ಉತ್ತಮ ಉದಾಹರಣೆ.