ಮಾರ್ಚ್ 19ರಂದು ಕನ್ನಡ ಸಿನಿಪ್ರೇಮಿಗಳಿಗೆ ಭಾರೀ ಕುತೂಹಲ ಹುಟ್ಟಿಸುವ ಬಾಕ್ಸ್ ಆಫೀಸ್ ಪೈಪೋಟಿ ನಡೆಯಲಿದೆ. ಯಶ್ ಅಭಿನಯದ ಬಹುನಿರೀಕ್ಷಿತ ‘ಟಾಕ್ಸಿಕ್’ ಸಿನಿಮಾ ಮತ್ತು ಹಿಂದಿಯ ಸೂಪರ್ ಹಿಟ್ ಸರಣಿಯ ಮುಂದುವರಿಕೆ ‘ಧುರಂಧರ್ 2’ ಒಂದೇ ದಿನ ಬಿಡುಗಡೆಯಾಗುತ್ತಿವೆ. ಎರಡೂ ಚಿತ್ರಗಳ ಮೇಲೆ ಭಾರಿ ನಿರೀಕ್ಷೆ ಇರುವುದರಿಂದ ಯಾವ ಸಿನಿಮಾ ಹೆಚ್ಚು ಪ್ರಭಾವ ಬೀರುತ್ತದೆ ಎಂಬುದನ್ನು ಪ್ರೇಕ್ಷಕರು ಕಾತರದಿಂದ ಕಾಯುತ್ತಿದ್ದಾರೆ.Arayna Women's Cotton Printed Floral Straight Kurta with Palazzo Pants and Dupatta

ಯಶ್ ನಟನೆಯ ‘ಟಾಕ್ಸಿಕ್’ ಟೀಸರ್ ಈಗಾಗಲೇ ದೊಡ್ಡ ಮಟ್ಟದಲ್ಲಿ ಸಂಚಲನ ಸೃಷ್ಟಿಸಿದೆ. ಚಿತ್ರದ ಸ್ಟೈಲ್, ಮೇಕಿಂಗ್ ಮತ್ತು ಯಶ್ ಲುಕ್‌ಗಳು ಸಿನಿಪ್ರೇಮಿಗಳನ್ನು ಸೆಳೆದಿವೆ. ಕನ್ನಡದಲ್ಲಿ ಈ ಸಿನಿಮಾಗೆ ಬೃಹತ್ ಮಾರುಕಟ್ಟೆ ಸಿಗುವುದು ಬಹುತೇಕ ಖಚಿತ. ಜೊತೆಗೆ ಪರಭಾಷೆಗಳಲ್ಲೂ ‘ಟಾಕ್ಸಿಕ್’ಗೆ ಉತ್ತಮ ಕ್ರೇಜ್ ಕಂಡುಬರುತ್ತಿದೆ.

ಇದಕ್ಕೆ ಪೈಪೋಟಿ ನೀಡಲು ‘ಧುರಂಧರ್ 2’ ತಂಡ ಹೊಸ ತಂತ್ರ ರೂಪಿಸಿದೆ. ಮೊದಲ ಭಾಗವಾದ ‘ಧುರಂಧರ್’ ಸಿನಿಮಾ ಹಿಂದಿಯಲ್ಲಿ ಮಾತ್ರ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಿತ್ತು. ನಂತರ ಒಟಿಟಿಯಲ್ಲಿ ಹಿಂದಿ, ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ಬಂದರೂ ಕನ್ನಡ ಆವೃತ್ತಿ ಇರಲಿಲ್ಲ. ಈ ವಿಚಾರಕ್ಕೆ ಆಗ ಅಭಿಮಾನಿಗಳಿಂದ ಅಸಮಾಧಾನ ವ್ಯಕ್ತವಾಗಿತ್ತು.ಇದನ್ನು ಓದಿ:ಮೈಲಾರಲಿಂಗೇಶ್ವರ ಕಾರಣಿಕ 2026: "ಅಂಬಲಿ ರಾಶಿಗೆ ಮುತ್ತಿನ ಗಿಣಿ ಸಮೃದ್ಧಿಯಾಯ್ತಲೇ ಪರಾಕ್!" - ಈ ವರ್ಷದ ಭವಿಷ್ಯವಾಣಿ ಹೀಗಿದೆ ನೋಡಿ.

ಈಗ ಆ ತಪ್ಪನ್ನು ಸರಿಪಡಿಸಲು ನಿರ್ದೇಶಕ ಆದಿತ್ಯ ಧಾರ್ ಮುಂದಾಗಿದ್ದಾರೆ. ‘ಧುರಂಧರ್ 2’ ಚಿತ್ರವನ್ನು ಕನ್ನಡ ಭಾಷೆಯಲ್ಲೂ ಬಿಡುಗಡೆ ಮಾಡುವುದಾಗಿ ಅಧಿಕೃತವಾಗಿ ಘೋಷಿಸಿದ್ದಾರೆ. ಇದರ ಮೂಲಕ ಕನ್ನಡ ಪ್ರೇಕ್ಷಕರನ್ನು ಸೆಳೆಯುವ ಜೊತೆಗೆ ‘ಟಾಕ್ಸಿಕ್’ ಸಿನಿಮಾಗೆ ನೇರ ಪೈಪೋಟಿ ನೀಡುವ ಯತ್ನ ನಡೆಯುತ್ತಿದೆ.

ಒಟ್ಟಿನಲ್ಲಿ ಮಾರ್ಚ್ 19ರಂದು ಎರಡು ದೊಡ್ಡ ಸಿನಿಮಾಗಳ ನಡುವೆ ಭಾರಿ ಬಾಕ್ಸ್ ಆಫೀಸ್ ಹೋರಾಟ ನಡೆಯುವುದು ಖಚಿತ. ‘ಟಾಕ್ಸಿಕ್’ ತನ್ನ ಹೈಪ್ ಉಳಿಸಿಕೊಳ್ಳುತ್ತದೆಯೇ, ಅಥವಾ ಕನ್ನಡದಲ್ಲಿ ಬಿಡುಗಡೆಯಾಗುವ ‘ಧುರಂಧರ್ 2’ ಅಚ್ಚರಿ ಮೂಡಿಸುತ್ತದೆಯೇ ಎಂಬುದನ್ನು ಕಾದು ನೋಡಬೇಕಿದೆ.