ನಟಿ ರಶ್ಮಿಕಾ ಮಂದಣ್ಣ ಮತ್ತು ನಟ ವಿಜಯ್ ದೇವರಕೊಂಡ ಫೆಬ್ರವರಿ 26ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಉದಯಪುರದಲ್ಲಿ ಅವರ ಮದುವೆ ಸಮಾರಂಭ ಅದ್ದೂರಿಯಾಗಿ ನಡೆದಿದ್ದು, ಕುಟುಂಬದ ಸದಸ್ಯರು ಹಾಗೂ ಆಪ್ತ ಸ್ನೇಹಿತರ ಸಮ್ಮುಖದಲ್ಲಿ ಸಂತಸದ ವಾತಾವರಣ ನಿರ್ಮಾಣವಾಗಿತ್ತು. ಈ ಶುಭ ಕ್ಷಣದ ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.

ಕಳೆದ ಕೆಲವು ವರ್ಷಗಳಿಂದ ರಶ್ಮಿಕಾ ಮತ್ತು ವಿಜಯ್ ಪರಸ್ಪರ ಆಪ್ತರಾಗಿದ್ದಾರೆ ಎಂಬ ಸುದ್ದಿಗಳು ಕೇಳಿಬರುತ್ತಿದ್ದವು. ಆದರೆ ಇಬ್ಬರೂ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಬಹಳಷ್ಟು ಮಾತನಾಡಿರಲಿಲ್ಲ. ಮದುವೆಗೆ ಕೆಲವು ದಿನಗಳ ಮೊದಲು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಹಂಚಿಕೊಂಡು ಅಭಿಮಾನಿಗಳಿಗೆ ಸಂತಸದ ಸುದ್ದಿ ತಿಳಿಸಿದರು. ಈ ಘೋಷಣೆಯಿಂದ ಅಭಿಮಾನಿಗಳಲ್ಲಿ ಖುಷಿಯ ಅಲೆ ಮೂಡಿತು.Arayna Women's Cotton Printed Floral Straight Kurta with Palazzo Pants and Dupatta

ಮದುವೆ ಕಾರ್ಯಕ್ರಮವು ಎರಡು ಸಂಪ್ರದಾಯಗಳ ಪ್ರಕಾರ ನಡೆಯಿತು. ಮೊದಲು ತೆಲುಗು ಸಂಪ್ರದಾಯದಂತೆ ವಿಧಿವಿಧಾನಗಳನ್ನು ನೆರವೇರಿಸಲಾಯಿತು. ನಂತರ ಕೊಡವ ಸಂಪ್ರದಾಯದಂತೆ ಮದುವೆ ನಡೆದಿತು. ವಧುವಾಗಿ ರಶ್ಮಿಕಾ ಮಂಟಪಕ್ಕೆ ಬಂದ ಕ್ಷಣ ಎಲ್ಲರ ಗಮನ ಸೆಳೆಯಿತು. ಅವರನ್ನು ನೋಡಿ ವಿಜಯ್ ಭಾವುಕರಾದ ದೃಶ್ಯ ಅಲ್ಲಿ ಇದ್ದವರ ಮನ ಮುಟ್ಟಿತು.

ಮದುವೆಗೆ ಮೊದಲು ನಡೆದ ಹಲ್ದಿ ಸಮಾರಂಭದಲ್ಲಿ ಹೋಳಿ ಥೀಮ್ ವಿಶೇಷ ಆಕರ್ಷಣೆಯಾಗಿತ್ತು. ಕೆ-ಡ್ರಾಮಾ ಶೈಲಿಯ ಅಲಂಕಾರವೂ ಕಾರ್ಯಕ್ರಮಕ್ಕೆ ಹೊಸ ರಂಗ ತಂದಿತು. ರಶ್ಮಿಕಾ ಅವರಿಗೆ ಕೊರಿಯನ್ ಸಂಸ್ಕೃತಿ ಇಷ್ಟವಾಗಿರುವ ಕಾರಣ, ಕೇಕ್ ಕೂಡ ಅದೇ ಥೀಮ್‌ನಲ್ಲಿ ತಯಾರಿಸಲಾಗಿತ್ತು. ಈ ವಿಶೇಷತೆಗಳು ಅಭಿಮಾನಿಗಳ ಗಮನ ಸೆಳೆದವು.ವಿಜಯ್ ದೇವರಕೊಂಡ–ರಶ್ಮಿಕಾ ಮಂದಣ್ಣ ಮದುವೆ ಎರಡು ರೀತಿಯಲ್ಲಿ ನಡೆಯಲಿದೆ ಅಂತೆ..! ಇಲ್ಲಿದೆ ಮಾಹಿತಿ

ಕಾರ್ಯಕ್ರಮದ ವೇಳೆ ವಿಜಯ್ ರಶ್ಮಿಕಾಗಾಗಿ ಗಂಗ್ನಮ್ ಶೈಲಿಯಲ್ಲಿ ನೃತ್ಯ ಮಾಡಿ ಎಲ್ಲರನ್ನು ರಂಜಿಸಿದರು. ಜೊತೆಗೆ ವಿಶೇಷ ಅಂತಾಕ್ಷರಿ ಆಟವೂ ನಡೆಯಿತು. ಅದರಲ್ಲಿ ಇಬ್ಬರ ಸಿನಿಮಾಗಳ ಹಾಡುಗಳನ್ನು ಮಾತ್ರ ಹಾಡುವ ನಿಯಮ ಇತ್ತು. ಗೆದ್ದವರಿಗೆ ವಿಶೇಷ ಬಹುಮಾನ ನೀಡಲಾಯಿತು. ಈ ಎಲ್ಲ ಕ್ಷಣಗಳು ಮದುವೆ ಸಂಭ್ರಮಕ್ಕೆ ಮತ್ತಷ್ಟು ಮೆರುಗು ತಂದವು.

ವಿವಾಹದ ನಂತರ ಪಾಪರಾಜಿಗಳಿಗೆ ಹಾಗೂ ಸ್ಥಳದ ಹೊರಗೆ ಕಾಯುತ್ತಿದ್ದ ಮಕ್ಕಳಿಗೆ ಸಿಹಿತಿಂಡಿಗಳನ್ನು ಹಂಚಿ ಕೃತಜ್ಞತೆ ವ್ಯಕ್ತಪಡಿಸಲಾಯಿತು. ವೇದಿಕೆಯ ಮೇಲೆ ಪರಸ್ಪರ ಹಾರ ಹಾಕಿದ ಕ್ಷಣದಲ್ಲಿ ಇಬ್ಬರ ಕಣ್ಣಲ್ಲೂ ಸಂತಸದ ಕಣ್ಣೀರು ಕಾಣಿಸಿತು.

ಪ್ರೀತಿಯಿಂದ ಆರಂಭವಾದ ಇವರ ಪ್ರಯಾಣ ಇದೀಗ ದಾಂಪತ್ಯ ಜೀವನದ ಹೊಸ ಅಧ್ಯಾಯಕ್ಕೆ ಕಾಲಿಟ್ಟಿದೆ. ಈ ಸುಂದರ ಜೋಡಿಗೆ ಅಭಿಮಾನಿಗಳು ಹಾರೈಕೆಗಳ ಮಹಾಪೂರ ಹರಿಸುತ್ತಿದ್ದಾರೆ.