ಅಮೆರಿಕ ಪಡೆಗಳು ನಡೆಸಿದ ಈ ನಿಖರ ದಾಳಿಯು ಖರ್ಗ್ ದ್ವೀಪದಲ್ಲಿರುವ ಇರಾನ್ನ ಮಿಲಿಟರಿ ನೆಲೆಯನ್ನು ಧ್ವಂಸಗೊಳಿಸಿದೆ. ಪರ್ಷಿಯನ್ ಕೊಲ್ಲಿಯಲ್ಲಿರುವ ಖರ್ಗ್ ದ್ವೀಪವು ಇರಾನ್ನ ಪ್ರಮುಖ ವಾಣಿಜ್ಯ ಕೇಂದ್ರವಾಗಿದ್ದು, ಇಲ್ಲಿಂದಲೇ ಇರಾನ್ನ ಹೆಚ್ಚಿನ ತೈಲ ರಫ್ತು ನಡೆಯುತ್ತದೆ. ಇರಾನ್ನ ಇಂಧನ ಕ್ಷೇತ್ರದಲ್ಲಿ ಇದು ನಿರ್ಣಾಯಕ ಪಾತ್ರ ವಹಿಸುತ್ತದೆ. ಅಮೆರಿಕದ ಸೆಂಟ್ರಲ್ ಕಮಾಂಡ್ ಈ ದಾಳಿಯನ್ನು ಯಶಸ್ವಿಯಾಗಿ ನಡೆಸಿದ್ದು, ತೈಲ ಘಟಕವನ್ನು ಹೊರತುಪಡಿಸಿ ಇಡೀ ದ್ವೀಪವನ್ನೇ ನಾಶಪಡಿಸಿದೆ. ಇದು ಮಧ್ಯಪ್ರಾಚ್ಯದ ಇತಿಹಾಸದಲ್ಲೇ ಅತಿದೊಡ್ಡ ದಾಳಿಯಾಗಿದ್ದು, ಇರಾನ್ನ ಎಲ್ಲಾ ಯುದ್ಧೋಪಕರಣಗಳು ಮತ್ತು ಸೈನಿಕರನ್ನು ಆಪೋಶನ ತೆಗೆದುಕೊಂಡಿದೆ.
ಖರ್ಗ್ ದ್ವೀಪದಲ್ಲಿ ಇರಾನ್ನ ಅತಿದೊಡ್ಡ ಮಿಲಿಟರಿ ನೆಲೆ ಇತ್ತು ಮತ್ತು ಇಲ್ಲಿಂದಲೇ ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ (IRGC) ಜೊತೆ ಸಮನ್ವಯ ಸಾಧಿಸಲಾಗುತ್ತಿತ್ತು. ಈ ದ್ವೀಪವು ಭಯೋತ್ಪಾದಕ ಜಾಲದ ನೆಲೆಯೂ ಆಗಿತ್ತು. ಹಮಾಸ್ ಮತ್ತು ಹೌತಿ ಬಂಡುಕೋರರು ಇರಾನ್ ಮಿಲಿಟರಿಯ ಸಹಾಯದೊಂದಿಗೆ ಇಲ್ಲಿಂದಲೇ ಕಾರ್ಯನಿರ್ವಹಿಸುತ್ತಿದ್ದರು. ಒಂದು ವೇಳೆ ಇರಾನ್ 'ಹಾರ್ಮುಜ್ ಜಲಸಂಧಿ'ಯನ್ನು ಬಂದ್ ಮಾಡಿದರೆ, ಅಮೆರಿಕವು ಇರಾನ್ನ ತೈಲ ಘಟಕಗಳನ್ನು ಸಹ ನಾಶಪಡಿಸಿ ಅವರ ಆರ್ಥಿಕತೆಯನ್ನು ಕುಸಿಯುವಂತೆ ಮಾಡುತ್ತದೆ ಎಂಬ ಎಚ್ಚರಿಕೆಯನ್ನು ಈ ದಾಳಿ ನೀಡಿದೆ.
ಖರ್ಗ್ ದ್ವೀಪವು ಪ್ರತಿದಿನ 1.5 ಮಿಲಿಯನ್ ಬ್ಯಾರೆಲ್ ತೈಲವನ್ನು ರಫ್ತು ಮಾಡುತ್ತದೆ. ಇಲ್ಲಿನ ತೈಲ ಘಟಕವನ್ನು ನಾಶಪಡಿಸಿದರೆ ಅದು ಇರಾನ್ಗೆ ಭಾರಿ ಹೊಡೆತ ನೀಡಲಿದೆ.
ಪಾಕಿಸ್ತಾನದ ಪಾಲಿಗೆ ಮುಂದಿನ ತಿಂಗಳು ದುಸ್ವಪ್ನವಾಗಲಿದೆ
ಈ ದಾಳಿಯು ಫೆಬ್ರವರಿ 13ರ ಮಧ್ಯಾಹ್ನ ನಡೆದಿದ್ದು, ಇರಾನ್ ಈ ಬಗ್ಗೆ ಇದುವರೆಗೆ ಯಾವುದೇ ಅಧಿಕೃತ ಹೇಳಿಕೆಯನ್ನು ನೀಡಿಲ್ಲ.