ಮೊನ್ನೆಯಷ್ಟೇ ಬಿಡುಗಡೆಯಾದ ‘ಬಾಸ್’ ಚಿತ್ರದ ಟೀಸರ್ ಇದೀಗ ವಿವಾದಕ್ಕೆ ಕಾರಣವಾಗಿದೆ. ಟೀಸರ್‌ನಲ್ಲಿ ತೋರಿಸಿರುವ ಕೆಲವು ದೃಶ್ಯಗಳು ಮತ್ತು ಪಾತ್ರಗಳು ನಟ ದರ್ಶನ್ ಅವರ ವೈಯಕ್ತಿಕ ಜೀವನವನ್ನು ಹೋಲುತ್ತಿವೆ ಎಂಬ ಮಾತುಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಈ ಹಿನ್ನೆಲೆಯಲ್ಲಿ ದರ್ಶನ್ ಅವರ ಪತ್ನಿ ವಿಜಯಲಕ್ಷ್ಮಿ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.Peter England Men's Slim Tapered Jeans | Denim | Casual Wear | Modern Fit

ಟೀಸರ್‌ನಲ್ಲಿ ಶಿವಸ್ವಾಮಿ ಮತ್ತು ಶೀಲಾಗೌಡ ಎಂಬ ಹೆಸರುಗಳನ್ನು ಬಳಸಿರುವುದು ಗಮನ ಸೆಳೆದಿದೆ. ಜೊತೆಗೆ ಲಕ್ಷ್ಮೀ ಎಂಬ ಪಾತ್ರವನ್ನೂ ಕಥೆಯಲ್ಲಿ ಸೇರಿಸಿರುವುದು ಕೂಡ ಚರ್ಚೆಗೆ ಕಾರಣವಾಗಿದೆ. ಈ ಹೆಸರುಗಳು ಮತ್ತು ಪಾತ್ರಗಳ ಹಿನ್ನೆಲೆ ದರ್ಶನ್ ಅವರ ಕುಟುಂಬದ ಘಟನೆಗಳನ್ನು ನೆನಪಿಸುವಂತೆ ಇದೆ ಎಂದು ಕೆಲವು ಮಂದಿ ಅಭಿಪ್ರಾಯಪಟ್ಟಿದ್ದಾರೆ.

ಈ ವಿಷಯದ ಬಗ್ಗೆ ವಿಜಯಲಕ್ಷ್ಮಿ ಕಾನೂನು ಕ್ರಮಕ್ಕೆ ಮುಂದಾಗಿದ್ದಾರೆ. ಅವರು ‘ಬಾಸ್’ ಚಿತ್ರದ ಟೀಸರ್ ಅನ್ನು ತಕ್ಷಣವೇ ಡಿಲೀಟ್ ಮಾಡಬೇಕು ಎಂದು ಹೇಳಿ ಚಿತ್ರತಂಡಕ್ಕೆ ಲೀಗಲ್ ನೋಟಿಸ್ ಕಳುಹಿಸಿದ್ದಾರೆ. ಇದಷ್ಟೇ ಅಲ್ಲದೆ ಈ ವಿಷಯವನ್ನು ಗಮನಕ್ಕೆ ತೆಗೆದುಕೊಳ್ಳುವಂತೆ ಸೆನ್ಸಾರ್ ಮಂಡಳಿಗೂ ಕೂಡ ನೋಟಿಸ್ ನೀಡಲಾಗಿದೆ ಎಂಬ ಮಾಹಿತಿ ಹೊರಬಂದಿದೆ.ಇದನ್ನು ಓದಿ:ಯಾರ ಯಾರ ಮುಡಿಗೆ ಸಿಕ್ತು ಆಸ್ಕರ್ 2026 ಪ್ರಶಸ್ತಿ..?ಇಲ್ಲಿದೆ ಸಂಪೂರ್ಣ ವಿಜೇತರ ಲಿಸ್ಟ್ ..!

ಇದರ ಜೊತೆಗೆ ‘ಬಾಸ್’ ಚಿತ್ರದ ನಿರ್ದೇಶಕ ಲವ್ ಅವರಿಗೆ ಕೂಡ ದರ್ಶನ್ ಕಡೆಯವರಿಂದ ಕಾನೂನು ನೋಟಿಸ್ ಜಾರಿಯಾಗಿದೆ ಎಂದು ಹೇಳಲಾಗುತ್ತಿದೆ. ಈ ಘಟನೆ ನಂತರ ಚಿತ್ರತಂಡದಿಂದ ಯಾವ ರೀತಿಯ ಪ್ರತಿಕ್ರಿಯೆ ಬರುತ್ತದೆ ಎಂಬುದನ್ನು ಎಲ್ಲರೂ ಕಾತರದಿಂದ ಕಾಯುತ್ತಿದ್ದಾರೆ. ಇದೀಗ ‘ಬಾಸ್’ ಚಿತ್ರದ ಟೀಸರ್ ಸುತ್ತ ಮೂಡಿರುವ ಈ ವಿವಾದ ಸಿನಿಮಾವನ್ನು ಮತ್ತಷ್ಟು ಚರ್ಚೆಗೆ ತರಿಸಿದೆ.