ಯುದ್ಧವು ಅಂತ್ಯದ ಹಂತದಲ್ಲಿದೆ ಎಂಬ ಅಧ್ಯಕ್ಷ ಟ್ರಂಪ್ ಅವರ ಹೇಳಿಕೆಯ ಹೊರತಾಗಿಯೂ, ಇರಾನ್ ಹಿಂದೂ ಮಹಾಸಾಗರದಲ್ಲಿ ಎರಡು ಬ್ಯಾಲಿಸ್ಟಿಕ್ ಕ್ಷಿಪಣಿಗಳ ಮೂಲಕ ದಾಳಿ ನಡೆಸಿದೆ. ಇದರಿಂದಾಗಿ ಯುದ್ಧವು ಇನ್ನೂ ಕೆಲವು ದಿನಗಳ ಕಾಲ ಮುಂದುವರಿಯುವುದು ಖಚಿತವಾಗಿದೆ. ಇಂದಿನ ದಾಳಿಯು ಇರಾನ್ನ ಶಸ್ತ್ರಾಸ್ತ್ರ ಸಾಮರ್ಥ್ಯದ ಬಗ್ಗೆ ಅಮೆರಿಕ ಮತ್ತು ಇಸ್ರೇಲ್ಗೆ ಯಾವುದೇ ಸರಿಯಾದ ಕಲ್ಪನೆ ಇಲ್ಲ ಎಂಬುದನ್ನು ಸಾಬೀತುಪಡಿಸಿದೆ.
ಅಮೆರಿಕ ಮತ್ತು ಇರಾನ್ ನಡುವಿನ ಯುದ್ಧವು ಇಂದು ಹೊಸ ತಿರುವು ಪಡೆದುಕೊಂಡಿದೆ. ಚಾಗೋಸ್ ದ್ವೀಪಸಮೂಹದಲ್ಲಿರುವ ಅಮೆರಿಕ-ಬ್ರಿಟನ್ ಜಂಟಿ ಮಿಲಿಟರಿ ನೆಲೆಯಾದ ಡಿಯಾಗೋ ಗಾರ್ಸಿಯಾ ಮೇಲೆ ಇರಾನ್ ಇಂದು ಎರಡು ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಉಡಾಯಿಸಿದೆ ಎಂದು ವಾಲ್ ಸ್ಟ್ರೀಟ್ ವರದಿ ಮಾಡಿದೆ. ಮೊದಲ ಕ್ಷಿಪಣಿ ಗುರಿ ತಲುಪುವಲ್ಲಿ ವಿಫಲವಾದರೆ, ಎರಡನೇ ಕ್ಷಿಪಣಿಯನ್ನು ಅಮೆರಿಕದ ರಕ್ಷಣಾ ವ್ಯವಸ್ಥೆಯು ಮಧ್ಯದಲ್ಲೇ ಹೊಡೆದುರುಳಿಸಿದೆ.
ಈ ದಾಳಿಯಲ್ಲಿ ಅತ್ಯಂತ ಆಶ್ಚರ್ಯಕರ ಅಂಶವೆಂದರೆ ಇರಾನ್ನ ಕ್ಷಿಪಣಿ ಸಾಮರ್ಥ್ಯ. ಸುಮಾರು 4,000 ಕಿಲೋಮೀಟರ್ ದೂರದಲ್ಲಿರುವ ಗುರಿಯನ್ನು ಇರಾನ್ ತಲುಪಿದೆ. ಈ ದಾಳಿಯಲ್ಲಿ ನಿಖರತೆ ಇಲ್ಲದಿದ್ದರೂ ಸಹ, ಇರಾನ್ ಈಗ ಯುರೋಪಿನ ಯಾವುದೇ ಭಾಗವನ್ನು ಗುರಿಯಾಗಿಸಿಕೊಳ್ಳಬಲ್ಲದು ಎಂಬುದು ಅಮೆರಿಕ ಮತ್ತು ಇಸ್ರೇಲ್ಗೆ ಎಚ್ಚರಿಕೆಯ ಗಂಟೆಯಾಗಿದೆ. ಯುರೋಪ್ ರಾಷ್ಟ್ರಗಳು ಕೂಡ ಈಗ ಜಾಗೃತವಾಗಬೇಕಾದ ಅಗತ್ಯವಿದೆ.
ಕೊನೆಗೂ 'ಆಪರೇಷನ್ ಎಪಿಕ್ ಫ್ಯೂರಿ' ಅಂತ್ಯದ ಸುಳಿವು ನೀಡಿದ ಟ್ರಂಪ್
ಈ ಬಗ್ಗೆ ಪೆಂಟಗನ್ ಈವರೆಗೆ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ. ಇದಕ್ಕೂ ಮೊದಲು, ಇರಾನ್ನ ನೌಕಾಪಡೆಯನ್ನು ನಾಶಪಡಿಸುವುದೇ ತಮ್ಮ ಪ್ರಾಥಮಿಕ ಗುರಿ ಎಂದು ಅಮೆರಿಕ ಹೇಳಿತ್ತು. ಇರಾಕ್ ಮತ್ತು ಅಫ್ಘಾನಿಸ್ತಾನ ಯುದ್ಧಗಳ ಸಮಯದಲ್ಲಿ ಡಿಯಾಗೋ ಗಾರ್ಸಿಯಾ ಅಮೆರಿಕದ ಅತ್ಯಂತ ಪ್ರಮುಖ ಯುದ್ಧತಂತ್ರದ ನೆಲೆಯಾಗಿತ್ತು ಎಂಬುದು ಗಮನಾರ್ಹ.