ಇರಾನ್ - ಇಸ್ರೇಲ್ - ಅಮೆರಿಕ ನಡುವಿನ ಯುದ್ಧವು ದಿನಕ್ಕೊಂದು ತಿರುವು ಪಡೆಯುತ್ತಿದ್ದು, ಈ ಸಂಘರ್ಷಕ್ಕೆ ಅಂತ್ಯ ಹಾಡುವುದು ಅಸಾಧ್ಯವೆಂಬಂತೆ ತೋರುತ್ತಿದೆ. ಈ ಮೂರೂ ದೇಶಗಳು ತಮ್ಮದೇ ಆದ ಹಿತಾಸಕ್ತಿಗಳಿಗಾಗಿ ಯುದ್ಧದಲ್ಲಿ ತೊಡಗಿವೆ.
ಟ್ರಂಪ್ ಅವರ ಕಣ್ಣು 'ಖಾರ್ಗ್ ದ್ವೀಪ'ದ ಮೇಲಿದ್ದರೆ, ನೆತನ್ಯಾಹು ಅವರಿಗೆ ಇದು ದೇಶದ ಅಸ್ತಿತ್ವದ ಪ್ರಶ್ನೆಯಾಗಿದೆ. ಒಂದು ವೇಳೆ ಇರಾನ್ನ ಯುರೇನಿಯಂ ಪುಷ್ಟೀಕರಣ ಕೇಂದ್ರಗಳನ್ನು ನಾಶಪಡಿಸದಿದ್ದರೆ, ಇರಾನ್ ಇಸ್ರೇಲನ್ನೇ ಅಳಿಸಿಹಾಕಬಹುದು ಎಂಬ ಆತಂಕ ಅವರದು. ಇತ್ತ ಇರಾನ್, ಹೌತಿ ಮತ್ತು ಹಮಾಸ್ ಸಂಘಟನೆಗಳನ್ನು ಬೆಂಬಲಿಸುವ ಮೂಲಕ ಮಧ್ಯಪ್ರಾಚ್ಯದಲ್ಲಿ ತನ್ನ ಪ್ರಾಬಲ್ಯ ಸಾಧಿಸಲು ಹವಣಿಸುತ್ತಿದೆ.
ಈ ಯುದ್ಧದ ಪರಿಣಾಮ ಏನಾಗಬಹುದು ಎಂಬುದು ಇನ್ನೂ ಯಾರಿಗೂ ತಿಳಿದಿಲ್ಲ. ಅಮೆರಿಕವು ಇರಾನ್ನ ಪರಮಾಣು ಸಾಮರ್ಥ್ಯವನ್ನು ಕಡಿಮೆ ಅಂದಾಜಿಸಿತ್ತು, ಆದರೆ ಈಗ ಇರಾನ್ನ ಕ್ಷಿಪಣಿಗಳು 4000 ಕಿ.ಮೀ ದೂರದವರೆಗೆ ತಲುಪುತ್ತಿರುವುದು ಇಸ್ರೇಲ್ ಮತ್ತು ಅಮೆರಿಕಕ್ಕೆ ಅನಿರೀಕ್ಷಿತ ಆಘಾತ ನೀಡಿದೆ.
ಟ್ರಂಪ್ ಘೋಷಿಸಿದ ಹತ್ತು ದಿನಗಳ ಕದನ ವಿರಾಮದಿಂದ ಯಾವುದೇ ಪ್ರಯೋಜನವಾಗುತ್ತಿಲ್ಲ. ಯುದ್ಧವು ಮುಂದೆ ಯಾವ ಹಾದಿ ಹಿಡಿಯಲಿದೆ ಎಂದು ತಿಳಿಯಲು ನಾವು ಕಾದು ನೋಡಬೇಕಿದೆ.
ಇಸ್ರೇಲ್ ಸೈನ್ಯವು ಇರಾನ್ನ ಪರಮಾಣು ಮೂಲಸೌಕರ್ಯಗಳಾದ ಅರಾಕ್ ಹೆವಿ ವಾಟರ್ ಪ್ಲಾಂಟ್ ಮತ್ತು ಅರ್ದಾಕನ್ ಯೆಲ್ಲೋಕೇಕ್ ಉತ್ಪಾದನಾ ಕೇಂದ್ರದ ಮೇಲೆ ಭೀಕರ ದಾಳಿ ನಡೆಸಿದೆ. ಇದರೊಂದಿಗೆ ಇಸ್ಫಹಾನ್ನಲ್ಲಿರುವ ಉಕ್ಕಿನ ಕಾರ್ಖಾನೆ ಮತ್ತು ಪೌಡರ್ ಪ್ಲಾಂಟ್ ಮೇಲೆಯೂ ದಾಳಿ ನಡೆದಿದೆ.A.T.U.N. (All Things UBER Nice) Girls Fit & Flare Casual Dress
ಇರಾನ್ ದಿನವಿಡೀ ಟೆಲ್ ಅವಿವ್ ಮೇಲೆ 6 ಬಾರಿ ಕ್ಷಿಪಣಿ ಮಳೆಯನ್ನು ಸುರಿಸಿದೆ. ಹೆಚ್ಚಿನ ಕ್ಷಿಪಣಿಗಳನ್ನು ತಡೆಹಿಡಿಯಲಾಗಿದ್ದರೂ, ಒಂದು ಕ್ಷಿಪಣಿ ತಗುಲಿ 60 ವರ್ಷದ ವ್ಯಕ್ತಿಯೊಬ್ಬರು ಸಾವನ್ನಪ್ಪಿದ್ದಾರೆ.
ಸೌದಿ ಅರೇಬಿಯಾದಲ್ಲಿರುವ ಅಮೆರಿಕದ 'ಪ್ರಿನ್ಸ್ ಸುಲ್ತಾನ್ ಏರ್ಬೇಸ್' ಮೇಲೆ ಇರಾನ್ ಕ್ಷಿಪಣಿ ದಾಳಿ ಮಾಡಿದ್ದು, 12 ಅಮೆರಿಕನ್ನರು ಗಾಯಗೊಂಡಿದ್ದಾರೆ. ಮತ್ತು ಇಂಧನ ತುಂಬುವ ವಿಮಾನಗಳು ಹಾನಿಗೊಳಗಾಗಿವೆ. ಸಮುದ್ರ ಮಾರ್ಗದ ಹೋರಾಟದಲ್ಲಿ ಇಸ್ರೇಲ್ ಇರಾನ್ನ ಐಆರ್ಜಿಸಿ ನೌಕಾಪಡೆ ಕಮಾಂಡರ್ ಅಲಿರೆಜಾ ತಂಗ್ಸಿರಿಯನ್ನು ಹತ್ಯೆ ಮಾಡಿದೆ.
ಟ್ರಂಪ್ ಯುದ್ಧ ಶೀಘ್ರವೇ ಮುಗಿಯಲಿದೆ ಎನ್ನುತ್ತಿದ್ದಾರೆ ಮತ್ತು ಮಾರ್ಕೊ ರೂಬಿಯೊ ಕೂಡ ಕೆಲವೇ ವಾರಗಳಲ್ಲಿ ಯುದ್ಧ ನಿಲ್ಲಲಿದೆ ಎಂದು ಖಚಿತಪಡಿಸುತ್ತಿದ್ದಾರೆ. ಆದರೆ ಅಮೆರಿಕದ 15 ಅಂಶಗಳ ಶಾಂತಿ ಯೋಜನೆಯನ್ನು ಇರಾನ್ ತಿರಸ್ಕರಿಸಿದೆ ಮತ್ತು ಇಸ್ರೇಲ್ ತನ್ನ ದಾಳಿಯನ್ನು ನಿಲ್ಲಿಸುತ್ತಿಲ್ಲ. ನಕ್ಸಲ್ವಾದ ನಿರ್ಮೂಲನೆ ಅಮಿತ್ ಶಾ ಐತಿಹಾಸಿಕ ಘೋಷಣೆ..!
ಈಗ ಎಲ್ಲರ ಕಣ್ಣು ಏಪ್ರಿಲ್ 6ರ ಮೇಲಿದೆ, ಏಕೆಂದರೆ ಅಂದು ಅಮೆರಿಕದ ಕದನ ವಿರಾಮದ ಅವಧಿ ಮುಕ್ತಾಯಗೊಳ್ಳಲಿದೆ. ಅಂದಾದರೂ ಒಂದು ತೀರ್ಮಾನ ಹೊರಬೀಳಬಹುದು ಎಂಬ ನಿರೀಕ್ಷೆಯಿದೆ.