ತಮಿಳುನಾಡು: ಪಶ್ಚಿಮ ಬಂಗಾಳದಲ್ಲಿ ಟಿಎಂಸಿ ಆಡಳಿತ ವಿರೋಧಿ ಅಲೆಯನ್ನು ಎದುರಿಸಬೇಕಾಯಿತು, ಆದರೆ ಡಿಎಂಕೆಗೆ ಆಗಿದ್ದೇನು? ವಿಜಯ್ ಅವರ ಸುನಾಮಿ ಡಿಎಂಕೆ ಮತ್ತು ಎಐಎಡಿಎಂಕೆ ಎರಡನ್ನೂ ಹೇಗೆ ಕೊಚ್ಚಿ ಹಾಕಿತು? ತಮಿಳಗ ವೆಟ್ರಿ ಕಳಗಂ ಹೇಗೆ ಅತಿದೊಡ್ಡ ಪಕ್ಷವಾಗಿ ಹೊರಹೊಮ್ಮಿ ರಾಜ್ಯದ ರಾಜಕೀಯ ಚಿತ್ರಣವನ್ನೇ ಬದಲಿಸಿತು? ತನ್ನ ಮೊದಲ ಚುನಾವಣೆಯಲ್ಲೇ ಶೇಕಡಾ 35 ರಷ್ಟು ಮತಗಳನ್ನು ಪಡೆಯುವ ಮೂಲಕ ಟಿವಿಕೆ ಅದ್ಭುತ ಪ್ರದರ್ಶನ ನೀಡಿದೆ. Symbol Premium Women's Sheath Dress (Knee Length | Desk-to-Dinner) (Available in Plus Sizes)

108 ಸ್ಥಾನಗಳನ್ನು ಗೆಲ್ಲುವ ಮೂಲಕ ಟಿವಿಕೆ ಆಡಳಿತ ಪಕ್ಷವಾಗಿ ಹೊರಹೊಮ್ಮಿದೆ, ಡಿಎಂಕೆ 73 ಮತ್ತು ಎಐಎಡಿಎಂಕೆ 53 ಸ್ಥಾನಗಳಿಗೆ ತೃಪ್ತಿಪಟ್ಟುಕೊಂಡಿವೆ. ಈ ಚುನಾವಣೆಯ ಅತ್ಯಂತ ಗಮನಾರ್ಹ ಅಂಶವೆಂದರೆ ಮುಖ್ಯಮಂತ್ರಿ ಎಂ.ಕೆ. ಸ್ಟಾಲಿನ್ ಅವರು ತಮ್ಮ ಭದ್ರಕೋಟೆಯಾದ ಕೊಳತ್ತೂರಿನಲ್ಲಿ ಅನುಭವಿಸಿದ ಸೋಲು. ಸ್ಟಾಲಿನ್ ಅವರು ಟಿವಿಕೆಯ ವಿ.ಎಸ್. ಬಾಬು ಅವರ ವಿರುದ್ಧ 8,795 ಮತಗಳ ಅಂತರದಿಂದ ಸೋತಿದ್ದಾರೆ. 2001 ರ ನಂತರ ಸ್ಟಾಲಿನ್ ಅನುಭವಿಸಿದ ಮೊದಲ ಸೋಲು ಇದಾಗಿದ್ದು, 2008 ರಲ್ಲಿ ಕ್ಷೇತ್ರ ರಚನೆಯಾದ ಮೇಲೆ ಕೊಳತ್ತೂರಿನಲ್ಲಿ ಇದೇ ಮೊದಲ ಬಾರಿಗೆ ಅವರು ಸೋತಿದ್ದಾರೆ.

ವಿಶ್ಲೇಷಕರು ಇದನ್ನು 1977 ರ ಘಟನೆಗೆ ಹೋಲಿಸುತ್ತಿದ್ದಾರೆ; ಅಂದು ಸ್ಟಾಲಿನ್ ತಂದೆ ಎಂ. ಕರುಣಾನಿಧಿ ಅವರು ಮತ್ತೊಬ್ಬ ಸಿನಿಮಾ ತಾರೆ ಎಂ.ಜಿ. ರಾಮಚಂದ್ರನ್ (MGR) ಅವರ ಕೈಯಲ್ಲಿ ಹೀನಾಯ ಸೋಲು ಅನುಭವಿಸಿದ್ದರು. ಆಡಳಿತ ವಿರೋಧಿ ಅಲೆ ಮತ್ತು ಹಿಂದೂಗಳ ಬಗ್ಗೆ ನೀಡಿದ ವಿವಾದಾತ್ಮಕ ಹೇಳಿಕೆಗಳಿಂದಾಗಿ ಉದಯನಿಧಿ ಸ್ಟಾಲಿನ್ ಕೂಡ ಚೇಪಾಕ್-ತಿರುವಲ್ಲಿಕೇನಿಯಲ್ಲಿ ಸೋಲು ಕಂಡಿದ್ದಾರೆ. ಇದು ಯುವಕರು ಮತ್ತು ನಗರವಾಸಿಗಳು 'ದ್ರಾವಿಡ ಮಾದರಿ'ಯನ್ನು ಸಂಪೂರ್ಣವಾಗಿ ತಿರಸ್ಕರಿಸಿದ್ದಕ್ಕೆ ಸಾಕ್ಷಿಯಾಗಿದೆ.

ಹೆಚ್ಚು ಚರ್ಚೆಯಾಗದ ಒಂದು ಮುಖ್ಯ ವಿಷಯವೆಂದರೆ, ವಿಜಯ್ ಅವರು ಕಳೆದ ಒಂದು ದಶಕದಿಂದ ತಮ್ಮ ಅಭಿಮಾನಿ ಸಂಘಗಳನ್ನು (ವಿಜಯ್ ಮಕ್ಕಳ್ ಇಯಕ್ಕಂ) ಶಿಸ್ತುಬದ್ಧ ಸಾಮಾಜಿಕ ಸೇವಾ ಜಾಲವನ್ನಾಗಿ ಪರಿವರ್ತಿಸಿದ್ದರು. 2024 ರಲ್ಲಿ ಟಿವಿಕೆ ಪಕ್ಷ ಆರಂಭವಾಗುವ ಹೊತ್ತಿಗೆ, ಅವರ 'ಬೂತ್ ಮಟ್ಟದ' ಕಾರ್ಯಕರ್ತರ ಪಡೆ ಹಳೆಯ ಪಕ್ಷಗಳಿಗಿಂತ ಹೆಚ್ಚು ದಕ್ಷವಾಗಿತ್ತು. ವಿಜಯ್ ಕಳೆದ ಹತ್ತು ವರ್ಷಗಳಿಂದ ನಿರ್ಮಿಸಿದ ಈ ಅಡಿಪಾಯವೇ ತಮಿಳುನಾಡಿನಲ್ಲಿ ಬದಲಾವಣೆ ತಂದಿದೆ. ಯುದ್ಧದ ಮಧ್ಯೆ ಮಾನವೀಯ ಕಿರಣ! ಪುಟಿನ್ ಘೋಷಿಸಿದ್ದಾರೆ ಉಕ್ರೇನ್‌ನಲ್ಲಿ 2 ದಿನಗಳ ಏಕಪಕ್ಷೀಯ ಕದನ ವಿರಾಮ

ಮುಖ್ಯವಾಗಿ, ಈ ಚುನಾವಣೆಯಲ್ಲಿ ಯುವ ಮತದಾರರ ಸಂಖ್ಯೆ ದೊಡ್ಡದಾಗಿತ್ತು. ವಂಶಪಾರಂಪರ್ಯ ರಾಜಕಾರಣಕ್ಕೆ ಅಂತ್ಯ ಹಾಡಲು ಬಯಸಿದ ಅವರು ಈ ಹೊಸ ಅಲೆಗೆ ಸಾಥ್ ನೀಡಿದ್ದಾರೆ. ಎಐಎಡಿಎಂಕೆ ಪಕ್ಷವು ವಿಜಯ್‌ಗೆ ಹಲವು ಬಾರಿ ಆಹ್ವಾನ ನೀಡಿದ್ದರೂ, ವಿಜಯ್ ಜನರ ನಾಡಿಮಿಡಿತವನ್ನು ಮೊದಲೇ ಅರಿತಿದ್ದರು. ಭಾರತದ ರಾಜಕೀಯ ಇತಿಹಾಸದಲ್ಲಿ ಐತಿಹಾಸಿಕ ಕ್ಷಣ! ಐದು ದಶಕಗಳ ಎಡಪಂಥೀಯ ಆಡಳಿತಕ್ಕೆ ಕೇರಳದಲ್ಲಿ ಎಳ್ಳುನೀರು!!

ತಮಿಳುನಾಡು ಒಂದು ಶ್ರೀಮಂತ ಮತ್ತು ಕೈಗಾರಿಕಾ ಅಭಿವೃದ್ಧಿ ಹೊಂದಿದ ರಾಜ್ಯವಾಗಿದ್ದು, ವಿಜಯ್ ಆಡಳಿತದಲ್ಲಿ ಇದು ಇನ್ನಷ್ಟು ಪ್ರಗತಿ ಸಾಧಿಸಲಿ ಎಂದು ಆಶಿಸೋಣ.