ಚಾರ್ಲ್ಸ್ ಶೋಭರಾಜ್ (ಜನನ: ಏಪ್ರಿಲ್ 6, 1944), ಫ್ರೆಂಚ್ ಮೂಲದ ಸರಣಿ ಕೊಲೆಗಾರ, ವಂಚಕ, ಮತ್ತು ಕಳ್ಳನಾಗಿದ್ದಾನೆ. 1970ರ ದಶಕದಲ್ಲಿ ದಕ್ಷಿಣ ಏಷಿಯಾದ "ಹಿಪ್ಪಿ ಟ್ರಯಲ್"ನಲ್ಲಿ ಪ್ರಯಾಣಿಸುತ್ತಿದ್ದ ಪಾಶ್ಚಿಮಾತ್ಯ ಪ್ರವಾಸಿಗರನ್ನು ಗುರಿಯಾಗಿಸಿಕೊಂಡು ಹಲವು ಕೊಲೆಗಳನ್ನು ಮಾಡಿದ್ದಾನೆ. ಅವನನ್ನು "ಬಿಕಿನಿ ಕಿಲ್ಲರ್" ಎಂದು ಕರೆಯಲಾಗುತ್ತಿತ್ತು, ಏಕೆಂದರೆ ಅವನಿಂದ ಕೊಲೆಯಾದ ಕೆಲವು ಮಹಿಳೆಯರು ಬಿಕಿನಿ ಧರಿಸಿದ್ದರು ಮತ್ತು ಅವರೆ ಹೆಚ್ಚಿದ್ದರು ಎಂದು ಹೇಳಬಹುದು. ಅಲ್ಲದೆ, ಅವನನ್ನು "ಸರ್ಪಂಟ್" (ಸರ್ಪ) ಎಂದೂ ಕರೆಯಲಾಗುತ್ತಿತ್ತು, ಏಕೆಂದರೆ ಅವನು ಅಧಿಕಾರಿಗಳಿಂದ ಹಲವು ಬಾರಿ ತಪ್ಪಿಸಿಕೊಂಡ ಉದಾಹರಣೆಗಳಿವೆ.
ಜನನ: ಚಾರ್ಲ್ಸ್ ಶೋಭರಾಜ್ 1944ರ ಏಪ್ರಿಲ್ 6ರಂದು ವಿಯೆಟ್ನಾಂನ ಸೈಗಾನ್ನಲ್ಲಿ ಜನಿಸಿದನು. ಅವನ ತಂದೆ ಭಾರತೀಯ ಸಿಂಧಿ ಮತ್ತು ತಾಯಿ ವಿಯೆಟ್ನಾ ಮೀಸ್ಗೆ ಸೇರಿದವರು. ಅವನ ತಂದೆ-ತಾಯಿ ಎಂದಿಗೂ ವಿವಾಹವಾಗಿರಲಿಲ್ಲ, ಮತ್ತು ತಂದೆ ತನ್ನ ಜವಾಬ್ದಾರಿಯನ್ನು ಒಪ್ಪಿಕೊಳ್ಳಲಿಲ್ಲ.
ಬಾಲ್ಯ: ಬಾಲ್ಯದಲ್ಲಿ ತಾಯಿಯ ಹೊಸ ಪತಿಯಾದ ಫ್ರೆಂಚ್ ಸೈನಿಕನೊಂದಿಗೆ ಫ್ರೆಂಚ್ನ ಇಂಡೋ-ಚೀನಾದಲ್ಲಿ ಬೆಳೆದನು. ಇದರಿಂದ ಅವನಿಗೆ ಫ್ರಾನ್ಸ್ನ ಪೌರತ್ವ ಸಿಕ್ಕಿತು. ಚಿಕ್ಕ ವಯಸ್ಸಿನಲ್ಲೇ ಚಾರ್ಲ್ಸ್ ಕಳ್ಳತನ ಮತ್ತು ವಂಚನೆಯಂತಹ ಚಟುವಟಿಕೆಗಳಲ್ಲಿ ತೊಡಗಿದನು. ಫ್ರಾನ್ಸ್ನಲ್ಲಿ ಜುವೆನೈಲ್ ಡಿಟೆನ್ಷನ್ನಲ್ಲಿ(ಜೈಲ್) ಕೆಲವು ಸಮಯ ಕಳೆದನು.ಮಾಸ್ಕ್ ಮ್ಯಾನ್ ಚಿನ್ನಯ್ಯನನ್ನು ಮತ್ತೆ ಕಸ್ಟಡಿ ಪಡೆಯುವ ಅವಶ್ಯಕತೆ ಇಲ್ಲ: ಎಸ್ಐಟಿಗೆ ಏನು ಬೇಕೊ ಎಲ್ಲ ಮಾಹಿತಿ ಕೊಟ್ಟಿದ್ದಾನೆ
ಅಪರಾಧಗಳು-
ಕೊಲೆಗಳು: ಚಾರ್ಲ್ಸ್ ಶೋಭರಾಜ್ 1970ರ ದಶಕದಲ್ಲಿ ದಕ್ಷಿಣ ಮತ್ತು ಆಗ್ನೇಯ ಏಷಿಯಾದಲ್ಲಿ 20 ಪ್ರವಾಸಿಗರನ್ನು ಕೊಂದಿದ್ದಾನೆ ಎಂದು ಶಂಕಿಸಲಾಗಿದೆ, ಇದರಲ್ಲಿ 14 ಕೊಲೆಗಳು ಥೈಲೆಂಡ್ನಲ್ಲಿ ನಡೆದಿವೆ. ಅವನು ಕೆಲವರನ್ನು ಆಯ್ಕೆಮಾಡಿ ಆಕರ್ಷಿಸಿ, ಔಷಧಿಗಳನ್ನು ಬಳಸಿ ಅವರನ್ನು ಮೂರ್ಛೆಗೊಳಿಸಿ, ದರೋಡೆ ಮಾಡಿ, ಕೊಲೆ ಮಾಡುತ್ತಿದ್ದನು.
ವಂಚನೆ: ನಕಲಿ ಪಾಸ್ಪೋರ್ಟ್ಗಳನ್ನು ಬಳಸಿಕೊಂಡು, ತನ್ನ ಗುರುತನ್ನು ಬದಲಾಯಿಸಿಕೊಂಡು, ಪ್ರವಾಸಿಗರನ್ನು ವಂಚಿಸುತ್ತಿದ್ದನು. ಬ್ಯಾಂಕಾಕ್ನಲ್ಲಿ ಒಂದು ಕ್ಯೂರಿಯೊ ಶಾಪ್ ತೆರೆದು, ಅದನ್ನು ತನ್ನ ದರೋಡೆಗೆ ಸಹಾಯವಾಗುವಂತೆ ಬಳಸಿಕೊಂಡನು.Levi's Men's Slim Fit Mid Rise 511 Mid-Rise Jeans
ತಿಹಾರ್ ಜೈಲಿನಿಂದ ತಪ್ಪಿಸಿಕೊಂಡಿರುವುದು: ಈತ ಪ್ರಕರಣದಲ್ಲಿ ಭಾರತದಲ್ಲಿಯೂ ಬಂಧನಕ್ಕೊಳಗಾಗಿದ್ದ. 1986ರಲ್ಲಿ, ಚಾರ್ಲ್ಸ್ ತನ್ನ ಜನ್ಮದಿನದ ಆಚರಣೆಯ ಒಂದು ನೆಪದಲ್ಲಿ ತಿಹಾರ್ ಜೈಲಿನ ಸಿಬ್ಬಂದಿಗೆ ಔಷಧಿಯುಕ್ತ ಸಿಹಿ ತಿಂಡಿಗಳನ್ನು ನೀಡಿ, ಗೇಟ್ಕೀಪರ್ನ ಕೀಲಿಗಳನ್ನು ಕದ್ದು ತಪ್ಪಿಸಿಕೊಂಡನು. ಆದರೆ, 22 ದಿನಗಳ ಬಳಿಕ ದೆಹಲಿ ಪೊಲೀಸರು ಗೋವಾದಲ್ಲಿ ಅವನನ್ನು ಮತ್ತೆ ಬಂಧಿಸಿದರು.
ಭಾರತ: 1976ರಿಂದ 1997ರವರೆಗೆ ಭಾರತದ ತಿಹಾರ್ ಜೈಲಿನಲ್ಲಿ 21 ವರ್ಷಗಳ ಕಾಲ ಸೆರೆವಾಸ ಅನುಭವಿಸಿದನು. 1997ರಲ್ಲಿ ಬಿಡುಗಡೆಯಾದ ಬಳಿಕ ಫ್ರಾನ್ಸ್ಗೆ ವಾಪಸಾದನು.
ಅವನು ಹಲವಾರು ಕೊಲೆ ಪ್ರಕರಣಗಳಲ್ಲಿ ಶಿಕ್ಷೆಗೆ ಪಾತ್ರನಾಗಿದ್ದಾನೆ. ಮೊದಲಿಗೆ ಭಾರತದಲ್ಲಿ ಅವನು ಬಂಧನಕ್ಕೆ ಒಳಪಟ್ಟು, ಅಲ್ಲಿ 20 ವರ್ಷಕ್ಕಿಂತ ಹೆಚ್ಚು ಕಾಲ ಜೈಲಿನಲ್ಲಿ ಕಳೆದನು. ನಂತರ, ಒಬ್ಬ ಪತ್ರಕರ್ತನಿಂದ ಗುರುತಿಸಲ್ಪಟ್ಟ ನಂತರ ನೇಪಾಳದಲ್ಲಿ ಬಂಧಿಸಲ್ಪಟ್ಟನು.
ವೈಯಕ್ತಿಕ ಜೀವನ-
ವಿವಾಹ: ಚಾರ್ಲ್ಸ್ ಶೋಭರಾಜ್ ಎರಡು ಬಾರಿ ವಿವಾಹವಾದನು. ಮೊದಲನೆಯದಾಗಿ, ಚಾಂತಲ್ ಕಾಂಪಾಗ್ನನ್ ಎಂಬ ಫ್ರೆಂಚ್ ಮಹಿಳೆಯನ್ನು ವಿವಾಹವಾದನು, ಮತ್ತು ಇವರಿಗೆ ಒಬ್ಬ ಮಗಳಿದ್ದಾಳೆ. ಎರಡನೇಯದಾಗಿ, 2008ರಲ್ಲಿ ನೇಪಾಳದ ಜೈಲಿನಲ್ಲಿ ತನ್ನ ನೇಪಾಳಿ ವಕೀಲನ ಮಗಳಾದ ನಿಹಿತಾ ಬಿಸ್ವಾಸ್ನೊಂದಿಗೆ ವಿವಾಹವಾದನು.
ವ್ಯಕ್ತಿತ್ವ: ಚಾರ್ಲ್ಸ್ ತನ್ನ ಆಕರ್ಷಕ ವ್ಯಕ್ತಿತ್ವ ಮತ್ತು ಚತುರತೆಯಿಂದಾಗಿ ಗಮನ ಸೆಳೆದಿದ್ದಾನೆ. ಅವನು ಮಾತಿನಲ್ಲಿ ನಿಪುಣನಾಗಿದ್ದನು.
ಮಾಧ್ಯಮದಲ್ಲಿ ಚಾರ್ಲ್ಸ್ ಶೋಭರಾಜ್-
ಮೈನ್ ಔರ್ ಚಾರ್ಲ್ಸ್ (2015): ರಂದೀಪ್ ಹೂಡಾ ನಟನೆಯ ಬಾಲಿವುಡ್ ಚಿತ್ರ, ತಿಹಾರ್ ಜೈಲಿನಿಂದ ಶೋಭರಾಜ್ ತಪ್ಪಿಸಿಕೊಂಡಿರುವ ಕಥೆಯನ್ನು ಆಧರಿಸಿದೆ.
ದಿ ಸರ್ಪೆಂಟ್ (2021): ಬಿಬಿಸಿ ಮತ್ತು ನೆಟ್ಫ್ಲಿಕ್ಸ್ನ ಎಂಟು ಭಾಗಗಳ ಸರಣಿ, ತಾಹರ್ ರಹೀಮ್ ಶೋಭರಾಜ್ನ ಪಾತ್ರದಲ್ಲಿ ನಟಿಸಿದ್ದಾರೆ.
ಬ್ಲ್ಯಾಕ್ ವಾರಂಟ್ (2025): ನೆಟ್ಫ್ಲಿಕ್ಸ್ ಇಂಡಿಯಾದ ಸರಣಿ, ಸಿದ್ದಾಂತ್ ಗುಪ್ತಾ ಶೋಭರಾಜ್ನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಚಾರ್ಲ್ಸ್ ಶೋಭರಾಜ್ ಇನ್ನೂ ಜೀವಂತವಾಗಿದ್ದಾನೆ. 2022ರ ಡಿಸೆಂಬರ್ 21ರಂದು, ನೇಪಾಳದ ಸುಪ್ರೀಂ ಕೋರ್ಟ್ ಅವನ ವಯಸ್ಸಿನ ಕಾರಣದಿಂದಾಗಿ (78 ವರ್ಷ) ಜೈಲಿನಿಂದ ಬಿಡುಗಡೆಗೆ ಆದೇಶಿಸಿತು. ಡಿಸೆಂಬರ್ 23, 2022ರಂದು ಅವನು ಫ್ರಾನ್ಸ್ಗೆ ವಾಪಸಾದನು.