ಬಾಗಲಕೋಟೆ, ಸೆಪ್ಟೆಂಬರ್ 8, 2025: ಬಾಗಲಕೋಟೆ ಜಿಲ್ಲೆಯ ಜಮಖಂಡಿ ತಾಲೂಕಿನ ಬಿದರಿ ಗ್ರಾಮದಲ್ಲಿ ಮದ್ಯವ್ಯಸನಿ ಮಗನ ಕಾಟವನ್ನು ತಾಳಲಾರದೆ ತಂದೆ-ತಾಯಿಯೇ ಆತನಿಗೆ ಬೆಂಕಿ ಹಚ್ಚಿ ಕೊಲೆ ಮಾಡಿರುವ ಆಘಾತಕಾರಿ ಘಟನೆ ಸೆಪ್ಟೆಂಬರ್ 5, 2025 ರಂದು ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದ್ದು. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ತಂದೆ, ತಾಯಿ ಮತ್ತು ಸಹೋದರ ಸೇರಿ ಮೂವರನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ತಿಳಿದುಬಂದಿದೆ.

ಪೊಲೀಸ್ ಮಾಹಿತಿಯ ಪ್ರಕಾರ, ಕೊಲೆಯಾದ ವ್ಯಕ್ತಿ ಅನಿಲ್ (35) ಮದ್ಯವ್ಯಸನಿಯಾಗಿದ್ದು, ನಿರಂತರವಾಗಿ ಕುಟುಂಬದವರಿಗೆ ಕಿರಿಕಿರಿಯನ್ನುಂಟುಮಾಡುತ್ತಿದ್ದ. ಆತ ತನ್ನ ತಂದೆ ಶಿವಬಸಪ್ಪ ಬಂಗಾರಿ, ತಾಯಿ ಶಾಂತವ್ವ ಮತ್ತು ಸಹೋದರ ಶಾಂತಕುಮಾರ್‌ಗೆ ದೈಹಿಕವಾಗಿ ಹಿಂಸೆ ನೀಡುತ್ತಿದ್ದ ಎನ್ನಲಾಗಿದೆ. ಆತನ ಆಸ್ತಿಯ ಬೇಡಿಕೆಯಿಂದಾಗಿ ಕುಟುಂಬದಲ್ಲಿ ಆಗಾಗ ಜಗಳವಾಗುತ್ತಿತ್ತು. ಕೊಲೆಯಾದ ದಿನದಂದು ಕೂಡ ಅನಿಲ್ ಕುಡಿದ ಸ್ಥಿತಿಯಲ್ಲಿ ಮನೆಗೆ ಬಂದು ಗಲಾಟೆ ಮಾಡಿದ್ದ. ತಾಳ್ಮೆ ಕಳೆದುಕೊಂಡ ಕುಟುಂಬಸ್ಥರು ಆತನ ಕೈ-ಕಾಲುಗಳನ್ನು ಹಗ್ಗದಿಂದ ಕಟ್ಟಿ, ಡೀಸೆಲ್ ಸುರಿದು ಬೆಂಕಿ ಹಚ್ಚಿದ್ದಾರೆ. ಈ ಘಟನೆಯಿಂದ ಅನಿಲ್ ತೀವ್ರವಾದ ಸುಟ್ಟಗಾಯಗಳಿಂದ ಮೃತಪಟ್ಟಿದ್ದಾನೆ.Vogaan Men's T-Shirt and Shorts Set | Top & Shorts Night Suits Set | Night Wear for Men

ಸಾವಳಗಿ ಪೊಲೀಸ್ ಠಾಣೆಯಲ್ಲಿ ಈ ಕುರಿತು ಕೊಲೆ ಪ್ರಕರಣ ದಾಖಲಾಗಿದ್ದು, ಆರೋಪಿಗಳಾದ ಶಿವಬಸಪ್ಪ ಬಂಗಾರಿ, ಶಾಂತವ್ವ ಮತ್ತು ಶಾಂತಕುಮಾರ್‌ನನ್ನು ಬಂಧಿಸಲಾಗಿದೆ. ಈ ಘಟನೆಗೆ ಸಂಬಂಧಿಸಿದಂತೆ ಹೆಚ್ಚಿನ ತನಿಖೆ ನಡೆಯುತ್ತಿದೆ. ಈ ದುರ್ಘಟನೆಯಿಂದ ಸ್ಥಳೀಯ ಸಮುದಾಯದಲ್ಲಿ ಆತಂಕ ಮೂಡಿದ್ದು, ಮದ್ಯವ್ಯಸನದಿಂದ ಉಂಟಾಗುವ ಕುಟುಂಬದ ದುರಂತದ ಬಗ್ಗೆ ಚರ್ಚೆಗೆ ಕಾರಣವಾಗಿದೆ.ವಿಜಯಪುರ ಜಿಲ್ಲೆಯ ವಡವಡಗಿ ಗ್ರಾಮದಲ್ಲಿ ಅದ್ದೂರಿ ಗಣೇಶೋತ್ಸವ: ವಿಜಯಪುರ ಜಿಲ್ಲಾ ಜೆಡಿಎಸ್ ಅಧ್ಯಕ್ಷರಾದ ಶ್ರೀ ಬಸನಗೌಡ ಮಾಡಗಿಯವರಿಂದ ಉದ್ಘಾಟನೆ

ಕೆಲವೊಂದು ಸಂದರ್ಭದಲ್ಲಿ ಮನೆ ಮಕ್ಕಳು ಎಷ್ಟೆ  ಬುದ್ದಿ ಹೇಳಿದರು ಕುಡಿತದ ಅಮಲಿನಲ್ಲಿರುವ ಮಕ್ಕಳು ಕೇಳುವುದಿಲ್ಲ, ದಿನಚರಿಯಲ್ಲಿ ಕುಡಿತದಿಂದ ಸಿಗುವ ಕ್ಷಣಿಕ ಸುಖಕ್ಕಾಗಿ ತಮ್ಮ ಜೀವನವನ್ನು ಹಾಳು ಮಾಡಿಕೊಳ್ಳುವುದಲ್ಲದೆ ಮನೆಯವರ ನೆಮ್ಮದಿಯನ್ನು ಸಹ ಹಾಳು ಮಾಡಿತ್ತಾರೆ, ಆದರೆ ಈ ಕುಟಂಬದಲ್ಲಿ ಪೋಷಕರು ಈ ನಿರ್ಧಾರವನ್ನು ತೆಗೆದುಕೊಳ್ಳಬಾರದಿತ್ತು ಏಕೆಂದರೆ ಈ ಇಳಿ ವುಯಸ್ಸಿನಲ್ಲಿ ಜೈಲಿನಲ್ಲಿ ಜೀವನ ಮುಂದುವರೆಸುವುದು ಬಲು ಕಷ್ಟ. ಆದರೂ ತಪ್ಪು ಮಾಡಿದ ಬಳಿಕ ಶಿಕ್ಷೆ ಅನುಭವಿಸಲೇಬೇಕಲ್ಲವೆ.