ಅಮೆರಿಕ ಮತ್ತು ಪಾಕಿಸ್ತಾನ ನಡುವಿನ ಸಂಬಂಧ ಮತ್ತಷ್ಟು ಬಲವಾಗುತ್ತಿರುವುದಕ್ಕೆ ಇದೀಗ ಸಾಕ್ಷ್ಯವಾಗಿದೆ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆಡಳಿತವು ಪಾಕಿಸ್ತಾನಕ್ಕೆ ಎಫ್-16 ಯುದ್ಧ ವಿಮಾನಗಳಿಗೆ ಸೂಕ್ತವಾದ ಎಐಎಂ-120 ಕ್ಷಿಪಣಿಗಳನ್ನು ಪೂರೈಸಲು ಸಮ್ಮತಿಸಿದೆ. ಈ ಕ್ಷಿಪಣಿಗಳು ಮಧ್ಯಮ ಶ್ರೇಣಿಯ ಗಾಳಿಯಿಂದ ಗಾಳಿಗೆ ಚಿಮ್ಮುವ (AMRAAM) ತಂತ್ರಜ್ಞಾನದಿಂದ ಲೆಸಾಗಿ ಪಾಕಿಸ್ತಾನ ವಾಯುಪಡೆಯ ಯುದ್ಧ ಸಾಮರ್ಥ್ಯವನ್ನು ವೃದ್ಧಿಸಲು ಉದ್ದೇಶಿಸಲಾಗಿದೆ.WEET Cotton T-Shirt and Pyjama Set for Men,Night Wear for Men,Men's Pyjama Set 122

ಈ ಕ್ಷಿಪಣಿಗಳ ಒಪ್ಪಂದವು ಶೆಹಬಾಜ್ ಷರೀಫ್ ಅವರ ಡೊನಾಲ್ಡ್ ಟ್ರಂಪ್ ಭೇಟಿಯ ನಂತರ ಅಂತಿಮಗೊಂಡಿದ್ದು, ಅಮೆರಿಕ-ಪಾಕಿಸ್ತಾನ ಬಾಂಧವ್ಯದ ಗಟ್ಟಿತನವನ್ನು ಸ್ಪಷ್ಟಪಡಿಸುತ್ತದೆ. ಪಾಕಿಸ್ತಾನವು 2019ರ ಬಾಲಾಕೋಟ್ ವಾಯು ದಾಳಿಯ ನಂತರ ಇದೇ ರೀತಿಯ ಕ್ಷಿಪಣಿಗಳನ್ನು ಬಳಸಿದ್ದ ವರದಿಗಳು ತಿಳಿಸಿದ್ದಾರೆ. ಬಾಲಾಕೋಟ್‌ನಲ್ಲಿ ಜೈಶ್ ಎ ಮೊಹಮ್ಮದ್ ಉಗ್ರರ ಶಿಬಿರದ ಮೇಲೆ ಭಾರತ ವಾಯುಪಡೆಯ ದಾಳಿ ನಡೆಸಿದ ಸಂದರ್ಭದಲ್ಲಿ ಪಾಕಿಸ್ತಾನವು ಎಐಎಂ-120 ಕ್ಷಿಪಣಿಗಳನ್ನು ಯುದ್ಧದಲ್ಲಿ ಉಪಯೋಗಿಸಿತ್ತು.ಇದನ್ನು ಓದಿ: ವಿಜಯನಗರದಲ್ಲಿ ಶಾಲೆಯ ಬೀಗ ಮುರಿದು 16 ಬ್ಯಾಟರಿಗಳ ಕಳ್ಳತನ

ರೇಥಿಯಾನ್ ಕಂಪನಿಯು ಈ ಕ್ಷಿಪಣಿಗಳ ತಯಾರಿಕೆಯನ್ನು ಪಾಕಿಸ್ತಾನಕ್ಕೆ ಒಪ್ಪಂದದಂತೆ ಮಾಡಿದ್ದು, ಒಪ್ಪಂದದ ಮೌಲ್ಯ ಈಗ 2.51 ಬಿಲಿಯನ್ ಡಾಲರ್‌ಗೆ ಏರಿಕೆಯಾಗಿದೆ. ಈ ಒಪ್ಪಂದದ ಅಡಿಯಲ್ಲಿ ಎಐಎಂ-120ಸಿ8 ಮತ್ತು ಡಿ3 ಮಾದರಿಯ ಕ್ಷಿಪಣಿಗಳನ್ನು ಪಾಕಿಸ್ತಾನಕ್ಕೆ ಪೂರೈಸಲಾಗುವುದು. ಹಳೆಯ C5 ಮಾದರಿಯ ಕ್ಷಿಪಣಿಗಳಿಗಿಂತ ಈ ಹೊಸ ಮಾದರಿಗಳು ಅಮೆರಿಕ ಸೇನೆ ಬಳಸುವ C8 ಆವೃತ್ತಿಯಷ್ಟೇ ಸಾಮರ್ಥ್ಯ ಹೊಂದಿವೆ ಮತ್ತು ಪಾಕಿಸ್ತಾನದ ವಾಯುಪಡೆಯ ಶಕ್ತಿ ಹೆಚ್ಚಿಸುವುದರಲ್ಲಿ ಪ್ರಮುಖ ಪಾತ್ರ ವಹಿಸಲಿವೆ.

ಈ ಕ್ಷಿಪಣಿ ಒಪ್ಪಂದವು 35ಕ್ಕೂ ಹೆಚ್ಚು ದೇಶಗಳನ್ನು ಒಳಗೊಂಡಿದ್ದು, ಬ್ರಿಟನ್, ಪೋಲೆಂಡ್, ಜರ್ಮನಿ, ಆಸ್ಟ್ರೇಲಿಯಾ, ಕೆನಡಾ, ಜಪಾನ್, ಸೌದಿ ಅರೇಬಿಯಾ ಮತ್ತು ಇಸ್ರೇಲ್ ಸೇರಿದಂತೆ ವಿವಿಧ ರಾಷ್ಟ್ರಗಳು ಭಾಗವಹಿಸುತ್ತಿವೆ. 2030ರ ಮೇ ತಿಂಗಳೊಳಗೆ ಎಲ್ಲಾ ಆದೇಶಗಳನ್ನು ಪೂರೈಸುವ ನಿರೀಕ್ಷೆಯಿದ್ದು, ಇದರೊಂದಿಗೆ ಪಾಕಿಸ್ತಾನ-ಅಮೆರಿಕ ಬಾಂಧವ್ಯ ಮತ್ತು ವಾಯುಪಡೆಯ ತಂತ್ರಜ್ಞಾನ ದೃಢಪಡುತ್ತಿದೆ. ಇದರಿಂದ ಪಾಕಿಸ್ತಾನವು ತನ್ನ ಯುದ್ಧ ಸಾಮರ್ಥ್ಯವನ್ನು ನವೀಕರಿಸುವ ಮೂಲಕ ಭೌಗೋಳಿಕ ಪ್ರಭಾವವನ್ನು ಹೆಚ್ಚಿಸಲಿದೆ.