ಭಾರತದ ರಾಷ್ಟ್ರೀಯ ಹೆದ್ದಾರಿ ಅಥಾರಿಟಿ ಆಫ್ ಇಂಡಿಯಾ (NHAI) ಇದೀಗ ಹೆದ್ದಾರಿ ಪ್ರಯಾಣಿಕರಿಗೆ ವಿಶೇಷ ಅಭಿಯಾನವನ್ನು ಪ್ರಾರಂಭಿಸಿದೆ. ಟೋಲ್ ಪ್ಲಾಜಾ ಮತ್ತು ವೇ ಸೈಡ್ ಸೌಲಭ್ಯಗಳಲ್ಲಿರುವ ಕೊಳಕು ಶೌಚಾಲಯಗಳನ್ನು ವರದಿ ಮಾಡಿದರೆ, ₹1,000ರ FASTag ರೀಚಾರ್ಜ್‌ನ ಬಹುಮಾನ ಸಿಗುತ್ತದೆ. ಈ ಯೋಜನೆಯು ಅಕ್ಟೋಬರ್ 31, 2025ರವರೆಗೆ ಮಾನ್ಯವಾಗಿದ್ದು, ಎಲ್ಲಾ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಅನ್ವಯಿಸುತ್ತದೆ. ಇದು 'ಸ್ಪೆಷಲ್ ಕ್ಯಾಂಪೇನ್ 5.0' ಭಾಗವಾಗಿದ್ದು, ತಂತ್ರಜ್ಞಾನ ಮತ್ತು ನಾಗರಿಕ ಭಾಗವಹಿಸುವಿಕೆಯ ಮೂಲಕ ಸ್ವಚ್ಛತೆಯನ್ನು ಸುಧಾರಿಸುವ ಉದ್ದೇಶ ಹೊಂದಿದೆ.WEET Cotton T-Shirt and Pyjama Set for Men,Night Wear for Men,Men's Pyjama Set 122

₹1,000 ರೂ. ಪಡೆದುಕೊಳ್ಳುವುದೇಗೆ?

ಆಪ್ ಡೌನ್‌ಲೋಡ್ ಮಾಡಿ: ಗೂಗಲ್ ಪ್ಲೇ ಸ್ಟೋರ್ ಅಥವಾ ಆಪ್ ಸ್ಟೋರ್‌ನಿಂದ 'ರಾಜ್ಮಾ‌ರ್ಗ್ ಯಾತ್ರಾ' (Rajmargyatra) ಆಪ್‌ನ ಇತ್ತೀಚಿನ ಆವೃತ್ತಿಯನ್ನು ಡೌನ್‌ಲೋಡ್ ಮಾಡಿ. ಇದು ಇಂಗ್ಲಿಷ್, ಹಿಂದಿ ಮತ್ತು 13 ರೀಜಿನಲ್ ಭಾಷೆಗಳಲ್ಲಿ ಲಭ್ಯವಿದೆ.

- ಅಕೌಂಟ್ ರಜಿಸ್ಟರ್ ಮಾಡಿ: ಆಪ್‌ನಲ್ಲಿ ನಿಮ್ಮ FASTag ವಾಲೆಟ್ ಅನ್ನು ಲಿಂಕ್ ಮಾಡಿ. ವಾಹನ ನೋಂದಣಿ ಸಂಖ್ಯೆ (VRN), ಮೊಬೈಲ್ ನಂಬರ್ ಮತ್ತು ಇತರ ವಿವರಗಳನ್ನು ನಮೂದಿಸಿ.

- ವರದಿ ಸಲ್ಲಿಸಿ: ಕೊಳಕು ಶೌಚಾಲಯವನ್ನು ಕಂಡರೆ, ಜಿಯೋ-ಟ್ಯಾಗ್‌ನೊಂದಿಗೆ ಫೋಟೋಗಳನ್ನು ಅಪ್‌ಲೋಡ್ ಮಾಡಿ. ಸ್ಥಳ, ಸಮಸ್ಯೆ (ಉದಾ: ಕಸ, ನೀರು ಕೊರತೆ, ಕೊಳಕು) ಮತ್ತು VRN ವಿವರಗಳನ್ನು ಸೇರಿಸಿ. ಆಪ್‌ನಲ್ಲಿ 'ಇಷ್ಯೂ ರಿಪೋರ್ಟ್' ಸೆಕ್ಷನ್ ಬಳಸಿ.ಇದನ್ನು ಓದಿ: ಈಜಿಪ್ಟ್ ಶಾಂತಿ ಸಮ್ಮೇಳನದಲ್ಲಿ ಭಾರತವನ್ನು ಕೊಂಡಾಡಿ, ಪಾಕಿಸ್ತಾನದ ಕಾಲೆಳೆದ ಅಧ್ಯಕ್ಷ ಟ್ರಂಪ್‌

- ವೆರಿಫಿಕೇಷನ್: NHAI ತಂಡವು AI ಮತ್ತು ಮ್ಯಾನುಯಲ್ ಚೆಕ್ ಮೂಲಕ 48 ಗಂಟೆಗಳಲ್ಲಿ ವರದಿಯನ್ನು ಪರಿಶೀಲಿಸುತ್ತದೆ. ಸತ್ಯಾಸತ್ಯವಾದರೆ, ₹1,000 FASTag ರೀಚಾರ್ಜ್ ನಿಮ್ಮ ವಾಲೆಟ್‌ಗೆ 24 ಗಂಟೆಗಳಲ್ಲಿ ಕ್ರೆಡಿಟ್ ಆಗುತ್ತದೆ.

ಪ್ರಮುಖ ನಿಯಮಗಳು-

ಅನ್ವಯತೆ: ಕೇವಲ NHAI ನಿರ್ವಹಿಸುವ ಶೌಚಾಲಯಗಳಿಗೆ (ಟೋಲ್ ಪ್ಲಾಜಾ, ವೇ ಸೈಡ್ ಅಮೆನಿಟೀಸ್) ಮಾತ್ರ. ಇಂಧನ ನಿಲ್ದಾಣಗಳು ಅಥವಾ ಇನ್ನಾವುದೆ ನಿಲ್ದಾಣಕ್ಕೆ ಅನ್ವಯಿಸುವುದಿಲ್ಲ.

ಮಿತಿ: ಒಂದು VRNಗೆ ಒಂದು ರಿಪೋರ್ಟ್ ಮಾತ್ರ (ಪೂರ್ಣ ಅವಧಿಗೆ). ಒಂದು ಶೌಚಾಲಯಕ್ಕೆ ದಿನಕ್ಕೆ ಒಂದು ರಿಪೋರ್ಟ್ ಮಾತ್ರ; ಮೊದಲ ಸರಿಯಾದ ರಿಪೋರ್ಟ್‌ಗೆ ಮಾತ್ರ ಬಹುಮಾನ.