ಮದ್ಯಪಾನ ಮಾಡಿದ ಶಾಲಾ ವಾಹನಗಳ ಚಾಲಕರ ವಿರುದ್ದ ವಿಶೇಷ ಕಾರ್ಯಾಚರಣೆ - ಟ್ರಾಫಿಕ್ ಪೊಲೀಸ್ ಕ್ರಮ!

ಬೆಂಗಳೂರು ಟ್ರಾಫಿಕ್ ಪೊಲೀಸ್‌ ಇಲಾಖೆ ಇಂದು ಬೆಳಿಗ್ಗೆ ನಡೆಸಿದ ವಿಶೇಷ ಕಾರ್ಯಾಚರಣೆಯಲ್ಲಿ, ಮದ್ಯಪಾನ ಮಾಡಿ ಶಾಲಾ ವಾಹನ ಚಲಾಯಿಸುತ್ತಿದ್ದ 36 ಮಂದಿ ಚಾಲಕರ ವಿರುದ್ಧ ಮೋಟಾರ್ ವಾಹನ ಕಾಯ್ದೆಯಡಿ ಪ್ರಕರಣ ದಾಖಲಾಗಿದೆ. ಒಟ್ಟು 5,881 ಶಾಲಾ ವಾಹನ ಚಾಲಕರನ್ನು ಪರಿಶೀಲಿಸಲಾಯಿತು. ಮದ್ಯಪಾನ ಪಾಸಿಟಿವ್ ಬಂದವರ ಲೈಸೆನ್ಸ್ ಅಮಾನ್ಯಗೊಳಿಸುವ ಕ್ರಮ ಕೈಗೊಳ್ಳಲಾಗಿದ್ದು, ಸಂಬಂಧಿತ ಶಾಲೆಗಳಿಗೆ ಚಾಲಕರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಸೂಚಿಸಲಾಗಿದೆ.