ಮಹಾರಾಷ್ಟ್ರ; ಮಹಾರಾಷ್ಟ್ರದ ಪ್ರಮುಖ ಐತಿಹಾಸಿಕ ನಗರವಾದ ಔರಂಗಾಬಾದ್‌ನ ರೈಲು ನಿಲ್ದಾಣದ ಹೆಸರನ್ನು ಅಧಿಕೃತವಾಗಿ 'ಛತ್ರಪತಿ ಸಂಭಾಜಿನಗರ ರೈಲು ನಿಲ್ದಾಣ' ಎಂದು ಬದಲಾಯಿಸಲಾಗಿದೆ ಎಂದು ದಕ್ಷಿಣ ಮಧ್ಯ ರೈಲ್ವೆ (South Central Railway - SCR) ಶನಿವಾರ (ಅಕ್ಟೋಬರ್ 25, 2025) ಪ್ರಕಟಿಸಿದೆ. ಈ ನಿಲ್ದಾಣದ ಹೊಸ ರೈಲ್ವೆ ಕೋಡ್ (Station Code) 'CPSN' ಆಗಿರಲಿದೆ ಎಂದು ರೈಲ್ವೆ ತಿಳಿಸಿದೆ.ಇದನ್ನು ಓದಿ; ಇಷ್ಟಕ್ಕೇ ನನ್ನ ರಾಜಕೀಯ ಜೀವನ ಮುಗಿದಿಲ್ಲ...2028ಕ್ಕೆ ಮತ್ತೆ ಅಖಾಡಕ್ಕೆ ಬರ್ತೀನಿ-ಕಮಲಾ ಹ್ಯಾರಿಸ್!

ಹೆಸರು ಬದಲಾವಣೆಯ ಹಿನ್ನೆಲೆ: ನಗರದ ಮರುನಾಮಕರಣದ ಅನುಸರಣೆ: ಈ ಕ್ರಮವು ಸುಮಾರು ಮೂರು ವರ್ಷಗಳ ಹಿಂದೆ ಏಕನಾಥ್ ಶಿಂಧೆ ನೇತೃತ್ವದ ಮಹಾಯುತಿ ಸರ್ಕಾರವು ಔರಂಗಾಬಾದ್ ನಗರವನ್ನು ಔಪಚಾರಿಕವಾಗಿ 'ಛತ್ರಪತಿ ಸಂಭಾಜಿನಗರ' ಎಂದು ಮರುನಾಮಕರಣ ಮಾಡಿದ್ದರು ಅದನ್ನೆ ಇಲ್ಲಿಯೂ ಅನುಸರಿಸಲಾಗಿದೆ. ಮೂಲತಃ ಮೊಘಲ್ ಚಕ್ರವರ್ತಿ ಔರಂಗಜೇಬನ ಹೆಸರಿನಿಂದ ಗುರುತಿಸಲ್ಪಡುತ್ತಿದ್ದ ಈ ನಗರಕ್ಕೆ, ಮರಾಠಾ ಸಾಮ್ರಾಜ್ಯದ ಎರಡನೇ ದೊರೆ ಮತ್ತು ಛತ್ರಪತಿ ಶಿವಾಜಿ ಮಹಾರಾಜರ ಪುತ್ರರಾದ ಛತ್ರಪತಿ ಸಂಭಾಜಿ ಮಹಾರಾಜರ ಗೌರವಾರ್ಥವಾಗಿ ಹೊಸ ಹೆಸರಿಡಲಾಗಿದೆ. ಮಹಾರಾಷ್ಟ್ರ ಸರ್ಕಾರವು ಅಕ್ಟೋಬರ್ 15, 2025 ರಂದು ಈ ಹೆಸರು ಬದಲಾವಣೆಗೆ ಸಂಬಂಧಿಸಿದ ಗೆಜೆಟ್ ಅಧಿಸೂಚನೆಯನ್ನು ಹೊರಡಿಸಿತ್ತು.Safari Flip 32L Casual Printed Backpack, 2 Compartments, Bottle Holder

ರೈಲ್ವೆ ಮಾಹಿತಿ: ಈ ನಿಲ್ದಾಣವು 1900 ರಲ್ಲಿ ಹೈದರಾಬಾದ್‌ನ 7ನೇ ನಿಜಾಮರ ಆಳ್ವಿಕೆಯಲ್ಲಿ ಪ್ರಾರಂಭವಾಯಿತು. ಛತ್ರಪತಿ ಸಂಭಾಜಿನಗರ ರೈಲು ನಿಲ್ದಾಣವು ದಕ್ಷಿಣ ಮಧ್ಯ ರೈಲ್ವೆಯ ನಾಂದೇಡ್ ವಿಭಾಗದ (Nanded Division) ಅಡಿಯಲ್ಲಿ ಬರುತ್ತದೆ. ಪ್ರವಾಸಿಗರ ಪ್ರಮುಖ ಗೇಟ್‌ವೇ: ಹೊಸ ಹೆಸರು ಪಡೆದ ಈ ನಗರವು ಯುನೆಸ್ಕೋ ವಿಶ್ವ ಪರಂಪರೆಯ ತಾಣಗಳಾದ ಅಜಂತಾ ಮತ್ತು ಎಲ್ಲೋರಾ ಗುಹೆಗಳು ಸೇರಿದಂತೆ ಹಲವು ಐತಿಹಾಸಿಕ ಸ್ಥಳಗಳಿಗೆ ಸಮೀಪದಲ್ಲಿರುವ ಪ್ರಮುಖ ಪ್ರವಾಸಿ ಕೇಂದ್ರವಾಗಿದೆ. ಇನ್ಮುಂದೆ ಪ್ರಯಾಣಿಕರು ಮತ್ತು ರೈಲ್ವೆ ಸಂಬಂಧಿತ ಸೇವೆಗಳಿಗೆ ಹೊಸ ಕೋಡ್ 'CPSN' ಅನ್ನು ಬಳಸಬೇಕಾಗುತ್ತದೆ.