ಇಂದು ಕನ್ನಡ ರಾಜ್ಯೋತ್ಸವ. ನಮ್ಮ ಕನ್ನಡ ಭಾಷೆ, ಸಂಸ್ಕೃತಿ ಮತ್ತು ಪರಂಪರೆಯ ಗೌರವ ದಿನ. ಈ ಸಂದರ್ಭದಲ್ಲಿ ಕನ್ನಡ ಚಿತ್ರರಂಗದ ಪಾತ್ರವನ್ನು ನೆನಪಿಸಿಕೊಳ್ಳುವುದು ಅತಿ ಮುಖ್ಯ. ದಶಕಗಳಿಂದ ಕನ್ನಡ ಚಿತ್ರರಂಗವು ಕೇವಲ ಮನರಂಜನೆಯಲ್ಲ, ಕನ್ನಡದ ಗೌರವ, ಸಂಸ್ಕೃತಿ, ಇತಿಹಾಸ ಹಾಗೂ ಜನಜೀವನದ ನಿಜವಾದ ಪ್ರತಿಬಿಂಬವಾಗಿ ಕೆಲಸ ಮಾಡುತ್ತಿದೆ.

ಆರಂಭದ ದಿನಗಳಲ್ಲಿ ಮದ್ರಾಸಿನಲ್ಲಿ ಹಲವು ತೊಂದರೆಗಳನ್ನು ಎದುರಿಸುತ್ತಾ ಕನ್ನಡ ಸಿನಿಮಾಗಳು ನಿರ್ಮಾಣವಾಗುತ್ತಿದ್ದವು. ಅಲ್ಲಿ ಕನ್ನಡಿಗರಿಗೆ ಗೌರವ ಕಡಿಮೆ, ಸೌಲಭ್ಯಗಳು ಅಲ್ಪ. ಆದರೆ ಆ ಕಾಲದ ಹಿರಿಯರು ಅದನ್ನು ಸಹಿಸಿಕೊಂಡು, ಧೈರ್ಯದಿಂದ ಇಡೀ ಚಿತ್ರರಂಗವನ್ನು ಬೆಂಗಳೂರಿಗೆ ತರಲು ನಿರ್ಧರಿಸಿದರು. ಅದು ಕನ್ನಡ ಚಿತ್ರರಂಗದ ಇತಿಹಾಸದಲ್ಲಿ ತಿರುವು ಬಿಂದು ಆಯಿತು. ಈ ನಿರ್ಣಯದಿಂದ ಅನೇಕ ಕನ್ನಡಿಗರಿಗೆ ಕೆಲಸದ ಅವಕಾಶಗಳು ದೊರಕಿದವು, ಚಿತ್ರರಂಗವು ಸ್ವತಂತ್ರ ಉದ್ಯಮವಾಗಿ ಬೆಳೆಯಿತು ಮತ್ತು ಕನ್ನಡಿಗರ ಸ್ವಾಭಿಮಾನ ಹೆಚ್ಚಾಯಿತು.Arayna Women's Cotton Printed Floral Straight Kurta with Palazzo Pants and Dupatta

ಕನ್ನಡ ಸಿನಿಮಾಗಳು ಕೇವಲ ಕಥೆಗಳಲ್ಲ, ಸಮಾಜದ ಕನ್ನಡಿಯೂ ಆಗಿವೆ. ‘ಬಂಗಾರದ ಮನುಷ್ಯ’, ‘ಮೇಯರ್ ಮುತ್ತಣ್ಣ’, ‘ಮಂತ್ರಾಲಯ ಮಹಾತ್ಮೆ’, ‘ಭೂತಯ್ಯನ ಮಗ ಅಯ್ಯು’ ಮೊದಲಾದ ಚಿತ್ರಗಳು ಜನರಲ್ಲಿ ಸಾಮಾಜಿಕ, ಧಾರ್ಮಿಕ ಹಾಗೂ ವೈಚಾರಿಕ ಜಾಗೃತಿಯನ್ನು ತಂದವು. ಸಾಕ್ಷರತೆ, ನಶಾಬಾಂಧಿ, ಜೀತ ವಿರೋಧ, ಸ್ತ್ರೀ ಗೌರವ ಹೀಗೆ ಹಲವು ವಿಷಯಗಳ ಬಗ್ಗೆ ಜನರಲ್ಲಿ ಅರಿವು ಮೂಡಿಸಿದವು.ಪ್ರಾಣಿ ಬಲಿಯ ಆಶಯದ ‘ಕೋಣ’: ನಿರ್ದೇಶನದಲ್ಲಿ ಬಲ-ದುರ್ಬಲತೆ ಏನು?

ಕನ್ನಡ ಚಿತ್ರರಂಗವು ನಮ್ಮ ಸಂಸ್ಕೃತಿಯ ಧ್ವಜವಾಹಕ. ಈ ಚಿತ್ರಗಳು ಕನ್ನಡಿಗರ ಬದುಕಿನ ಕಥೆಗಳನ್ನು ಹೇಳಿ, ಕನ್ನಡ ಭಾಷೆಯ ಸೊಗಡನ್ನು ವಿಶ್ವದ ಮಟ್ಟಿಗೆ ಹರಡಿವೆ. ಕನ್ನಡ ರಾಜ್ಯೋತ್ಸವದ ಈ ದಿನ, ಚಿತ್ರರಂಗದ ಎಲ್ಲಾ ಕಲಾವಿದರು, ತಂತ್ರಜ್ಞರು ಮತ್ತು ಅಭಿಮಾನಿಗಳಿಗೆ ಅಭಿನಂದನೆಗಳು. ಕನ್ನಡ ಬೆಳೆಯಲಿ, ಕನ್ನಡಿಗರು ಹೆಮ್ಮೆಪಡಿ — ಇದೇ ನಮ್ಮ ಹಾರೈಕೆ.