'ತಿಥಿ' ಸಿನಿಮಾ ಖ್ಯಾತಿಯ ಚನ್ನೇಗೌಡ ಇನ್ನಿಲ್ಲ..ವಯೋಸಹಜ ಕಾಯಿಲೆಯಿಂದ ನಿಧನ!

‘ತಿಥಿ’ ಸಿನಿಮಾದ ಮೂಲಕ ಗಡ್ಡಪ್ಪ ಪಾತ್ರದಲ್ಲಿ ಮನಸೆಳೆಯಿದ್ದ ಹಿರಿಯ ನಟ ಚನ್ನೇಗೌಡರು 89ರ ವಯಸ್ಸಿನಲ್ಲಿ ನಿಧನರಾದರು. ಮಂಡ್ಯ ಜಿಲ್ಲೆಯ ನೊದೆ ಕೊಪ್ಪಲು ಗ್ರಾಮದಲ್ಲಿ ಅವರು ವಯೋಸಹಜ ಕಾಯಿಲೆಯಿಂದ ಕೊನೆಯುಸಿರೆಳೆದರು. ಪಾರ್ಶ್ವವಾಯು ಮತ್ತು ಹೃದಯ ಸಂಬಂಧಿ ತೊಂದರೆಗಳಿಂದ ಬಳಲುತ್ತಿದ್ದ ಈ ನಟ, ತಮ್ಮ ಸಹಜ ಅಭಿನಯದಿಂದ ಕನ್ನಡ ಚಿತ್ರರಂಗದಲ್ಲಿ ಅಮರವಾದ ಹೆಸರು ಪಡೆದಿದ್ದರು.