ಬಾಹುಬಲಿ, ಆರ್‌ಆರ್‌ಆರ್‌ ಸಿನಿಮಾಗಳ ಖ್ಯಾತಿಯ ನಿರ್ದೇಶಕ ಎಸ್‌ಎಸ್‌ ರಾಜಮೌಳಿಯವರು ನಿರ್ದೇಶಿಸಿರುವ ʻಎಸ್‌ಎಸ್‌ಎಂಬಿ 29ʼ ಸಿನಿಮಾದಲ್ಲಿ ನಟಿಸಿದ್ದಾರೆ ವಿಶ್ವದ ಬ್ಯೂಟಿ ಕ್ಷೀನ್‌ ಪ್ರಿಯಾಂಕ ಚೋಪ್ರಾ. ಬಹುನಿರೀಕ್ಷಿತವಾದ ಈ ಸಿನಿಮಾದಲ್ಲಿ ಮಂದಾಕಿನಿ ಎಂಬ ಪಾತ್ರಧಾರಿಣಿಯಾಗಿ ಕಾಣಿಸಿಕೊಂಡಿರುವ ಅವರ ಫಸ್ಟ್‌ಲುಕ್‌ ಅನ್ನು ನಿರ್ದೇಶಕ ರಾಜಮೌಳಿ ಅವರು ತಮ್ಮ ಸೋಷಿಯಲ್‌ ಮೀಡಿಯಾ ಹ್ಯಾಂಡ್ಲಿಂಗ್‌ನಲ್ಲಿ ಹಂಚಿಕೊಂಡಿದ್ದಾರೆ. 

ಈ ಬಳಿಕ ವೈರಲ್‌ ಆಗಿರುವ ಈ ಪೋಸ್ಟರ್‌, ಪ್ರಿಯಾಂಕ ಅವರ ಡಿಫರೆಂಟ್‌ ಅಂಡ್‌ ಯುನಿಕ್‌ ಲುಕ್‌ ಎಲ್ಲೆಡೆ ಗಮನ ಸೆಳೆದಿದೆ. ಬಹುದಿನಗಳ ಕಾಲ ಭಾರತೀಯ ಸಿನಿಮಾದಿಂದ ‌ಬ್ರೇಕ್‌ ಪಡೆದಿದ್ದ ಪ್ರಿಯಾಂಕ ಈ ಮೂಲಕ ಕಮ್‌ಬ್ಯಾಕ್‌ ಮಾಡಲಿದ್ದಾರೆ ಎನ್ನಲಾಗಿದೆ. ಮಹೇಶ್‌ ಬಾಬು ಅವರು ನಟಿಸಲಿರುವ ಈ ಚಿತ್ರಕ್ಕೆ ಇನ್ನೂ ಅಧಿಕೃತ ಶೀರ್ಷಿಕೆಯನ್ನು ತಿಳಿಸಿಲ್ಲ. ಆದರೂ, ತಾತ್ಕಾಲಿಕವಾಗಿ ʻಎಸ್‌ಎಸ್‌ಎಂಬಿ 29ʼ ಎನ್ನಲಾಗಿದೆ. ಸ್ಟಾರ್‌ ಘಟಾನುಘಟಿಗಳು ಈ ಸಿನಿಮಾದ ಪಾತ್ರವರ್ಗದಲ್ಲಿದ್ದಾರೆ ಎನ್ನಲಾಗಿದೆ. 

ನವೆಂಬರ್‌ 15 ರಂದು ‘ಗ್ರ್ಯಾಂಡ್ ಗ್ಲೋಬ್ ಟ್ರಾಟರ್’ ಕಾರ್ಯಕ್ರಮ ನಡೆಯಲಿದ್ದು, ಇದು ಅತ್ಯಂತ ಗ್ರಾಂಡ್‌ ಕಾರ್ಯಕ್ರಮವಾಗಿರಲಿದೆ. ಈ ಸಂದರ್ಭದಲ್ಲಿ  ಸಿನಿಮಾದ ಬಗ್ಗೆ ಹೆಚ್ಚಿನ ಮಾಹಿತಿ ನೀಡಲಿದ್ದಾರೆ ನಿರ್ದೇಶಕ ರಾಜಮೌಳಿ. ಈ ಕಾರ್ಯಕ್ರಮಕ್ಕೂ ಮುನ್ನವೇ ಪ್ರಿಯಾಂಕಾ ಅವರ ಫಸ್ಟ್‌ ಲುಕ್‌ ರಿಲೀಸ್‌ ಮಾಡಿದ್ದು, ಸೀರೆ ಧರಿಸಿ, ಕೈಯಲ್ಲಿ ಗನ್‌ ಹಿಡಿದಿರುವ ದೃಶ್ಯ ಮೋಡಿ ಮಾಡಿದೆ. ಇನ್ನು, ಈಗಾಗಲೇ ಪೃಥ್ವಿರಾಜ್‌ ಸುಕುಮಾರನ್‌ ಅವರ ಲುಕ್‌ ಚರ್ಚೆ ಸೃಷ್ಟಿಸಿದೆ. realme 15 Pro 5G Smartphone 12+256GB Green,4K 60FPS,144Hz HyperGlow 4D Curve Display,7000mAh Battery,80W SuperVOOC, Camera Triple 50MP, Snapdragon 7 Gen 4, IP69

ಈ ಬಗ್ಗೆ ಪ್ರಿಯಾಂಕ ಚೋಪ್ರಾ ಅವರು ಕೂಡ ತಮ್ಮ ಇನ್‌ಸ್ಟಾಗ್ರಾಂ ಹ್ಯಾಂಡ್ಲಿಂಗ್‌ನಲ್ಲಿ ಶೇರ್‌ ಮಾಡಿಕೊಂಡಿದ್ದು, ಅವರ ಅಭಿಮಾನಿಗಳಲ್ಲಿ ಕ್ರೇಜ್‌ ಹುಟ್ಟುಹಾಕಿದೆ. ಎಂದಿನಂತೆ ರಾಜಮೌಳಿಯವರು ತಮ್ಮ ವಿನೂತನ ಹಾಗೂ ವಿಭಿನ್ನ ಸಿನಿಮಾ ನಿರ್ದೇಶನಕ್ಕೆ ಹೆಸರುವಾಸಿಯಾಗಿದ್ದಾರೆ. ಇದೀಗ ಜಾಗತಿಕ ಮಟ್ಟದಲ್ಲಿ, ಈ ಸಿನಿಮಾದ ನಿರೀಕ್ಷೆಯಲ್ಲಿ ಅವರ ಅಭಿಮಾನಿಗಳು ಕಾತರಿಸಿದ್ದಾರೆ. ಇದನ್ನೂ ಓದಿ: ಕುಕ್ಕೆ ಸುಬ್ರಹ್ಮಣ್ಯ ದೇವರ ಸನ್ನಿಧಿಗೆ ಆಗಮಿಸಿ ಸರ್ಪಸಂಸ್ಕಾರ ಪೂಜೆ ನೆರವೇರಿಸಿದ ನಯನತಾರಾ ದಂಪತಿ