ರಾಜ್ಯದ ಕಂದಾಯ ಇಲಾಖೆಯು ಡಿಜಿಟಲ್‌ ಇ-ಸ್ಟ್ಯಾಂಪ್‌ (ಡಿಇಎಸ್‌) ಅನ್ನು ಕಡ್ಡಾಯಗೊಳಿಸಿದೆ. ರಾಜ್ಯಾದ್ಯಾಂತ ನೋಂದಣಿ ಪ್ರಕಿಯೆಯನ್ನು ಡಿಜಿಟಲೀಕರಣಗೊಳಿಸಿದೆ. ಈ ನೋಂದಣಿ ಪ್ರಕ್ರಿಯೆಯು ಭದ್ರತಾ ವ್ಯವಸ್ಥೆಯಲ್ಲಿ ಸುರಕ್ಷತೆ ಹಾಗೂ ಪಾರದರ್ಶಕತೆಯನ್ನು ತೋರುವ ಗುರಿ ಹೊಂದಿದೆ. 

ಛಾಪಾ ಕಾಗದ (ಸ್ಟ್ಯಾಂಪ್‌ ಪೇಪರ್‌) ವಹಿವಾಟುಗಳಿಗೆ ಬ್ರೇಕ್‌ ಹಾಕಿ, ಡಿಜಿಟಲ್‌ ಇ-ಸ್ಟ್ಯಾಂಪ್‌ ವ್ಯವಸ್ಥೆಯನ್ನು ಜಾರಿಗೆ ತಂದಿದೆ. ಭದ್ರತಾ ಲೋಪ ಹಾಗೂ ನಕಲಿ ಇ-ಸ್ಟ್ಯಾಂಪ್‌ ಪ್ರಮಾಣಪತ್ರಗಳಿಂದ ಸರ್ಕಾರಕ್ಕೆ ಆಗುತ್ತಿದ ನಷ್ಟಕ್ಕೆ ಕಡಿವಾಣ ಹಾಕಲು, ಇದು ಸಹಕಾರಿಯಾಗಲಿದೆ ಎಂದು ಕಂದಾಯ ಸಚಿವ ಕೃಷ್ಣಭೈರೇಗೌಡ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಡಿಜಿಟಲ್‌ ಇ-ಸ್ಟ್ಯಾಂಪ್‌ ಪಡೆಯುವ ಮಾರ್ಗ -

• ಕಾವೇರಿ ಪೋರ್ಟಲ್‌ ಮೂಲಕ ನೋಂದಣಿ ಆಗಬೇಕು.

• ಪೋರ್ಟಲ್‌ ಲಾಗಿನ್‌ ಆದ ಬಳಿಕ ಸ್ಟಾರ್ಟ್‌ ನ್ಯೂ ಅಪ್ಲಿಕೇಶನ್‌ ಒತ್ತಿದರೆ, ವಿವಿಧ ಸೇವೆಗಳ ಪಟ್ಟಿ ಕಾಣಲ್ಪಡುತ್ತದೆ. ಅದರಲ್ಲಿ ಇ-ಸ್ಟ್ಯಾಂಪ್‌ ಆಯ್ಕೆ ಮಾಡಬೇಕು.

• ಸ್ಟ್ಯಾಂಪ್‌ ಡೌನ್‌ಲೋಡ್‌ ಮಾಡುವಲ್ಲಿ ಏಳು ಹಂತಗಳಿರುತ್ತದೆ.

• ಮೊದಲ ಹಂತದಲ್ಲಿ ದಾಖಲೆಯ ವಿಧಗಳನ್ನು ಆಯ್ಕೆ ಮಾಡಿಕೊಳ್ಳಬೇಕು. ಆನಂತರ ವಿವರಗಳನ್ನು ಭರ್ತಿ ಮಾಡುವುದು. 

• ಅರ್ಜಿದಾರರ ಆಧಾರ್‌ ಹಾಗೂ ಸಹಿ ಸಹಿತ ಪರಿಶೀಲನೆಗೊಳಿಸಿ ಗುರುತು ದೃಡಪಡಿಸಬೇಕು

• (ಆಸ್ತಿ ಸಂಬಂಧಿತ ದಾಖಲೆಗಳಿದ್ದರೆ, ಸರ್ಕಾರದ ದತ್ತಾಂಶಗಳು ಈ ವ್ಯವಸ್ಥೆಯಲ್ಲಿ ಸ್ವಯಂ ಚಾಲಿತವಾಗಿ ಪರಿಶೀಲನೆಗೊಳ್ಳುತ್ತದೆ.)

• ಸ್ಟ್ಯಾಂಟ್‌ ಶುಲ್ಕ ಪಾವತಿಯನ್ನು ಖಜಾನೆಯ ಪಾವತಿ ಗೇಟ್‌ ವೇಯಲ್ಲಿ ಪಾವತಿ ಮಾಡಬೇಕು

• ಶುಲ್ಕ ಪಾವತಿ ದೃಢಪಟ್ಟ ನಂತರ, ಇ-ಸ್ಟ್ಯಾಂಪ್‌ ಸೃಷ್ಟಿಗೊಳ್ಳುತ್ತದೆ. 

• ದಾಖಲೆಗಳಿಗೆ ಸಹಿಗಾಗಿ ಮೊಬೈಲ್‌ಗೆ ಇ-ಸಹಿ ಲಿಂಕ್‌ ಬರುತ್ತದೆ. 

• ಇ-ಸಹಿ ಆದ ಬಳಿಕ ಇ-ಸ್ಟ್ಯಾಂಪ್‌ ಅನ್ನು ಡೌನ್‌ಲೋಡ್‌ ಮಾಡಿಕೊಳ್ಳಬೇಕಾಗುತ್ತದೆ. GUESS Analog Gold Dial Women's Watch-GW0744L2
  

ಡಿಜಿಟಲ್‌ ಇ-ಸ್ಟ್ಯಾಂಪ್‌ ಪ್ರಯೋಜನಗಳು-

• ಮಧ್ಯವರ್ತಿಗಳಿಲ್ಲದೇ, ಎಲ್ಲಿದ್ದರೂ ಅರ್ಜಿ ಸಲ್ಲಿಸಿ ಈ ಸ್ಟ್ಯಾಂಪ್‌ ಪಡೆಯಬಹುದು.

• ಸುರಕ್ಷಿತ ಆನ್‌ಲೈನ್‌ ಪಾವತಿ ವ್ಯವಸ್ಥೆ

• ಡಿಜಿಟಲ್‌ ಸಹಿ ಪ್ರಮಾಣಪತ್ರದಿಂದಾಗಿ ಸುರಕ್ಷಿತ ನೋಂದಣಿ ಪ್ರಕ್ರಿಯೆ 

• ದಾಖಲೆಗಳ ನಕಲು, ಶುಲ್ಕ ವಂಚನೆಗೆ ಕಡಿವಾಣ

• ಸ್ಟ್ಯಾಂಪ್‌ ವಿವರಗಳು ಸ್ವಯಂ ಚಾಲಿತ ವ್ಯವಸ್ಥೆಗೆ ಒಳಪಟ್ಟಿರುವುದರಿಂದಾಗಿ ತಪ್ಪು ವರ್ಗೀಕರಣ ಹಾಗೂ ಆದಾಯ ವಂಚನೆಗಳಿಗೆ ಅವಕಾಶವಿರುವುದಿಲ್ಲ.

• ದಾಖಲೆಯಲ್ಲಿ ಸಹಿ ಮಾಡಿರುವವರ ಗಮನಕ್ಕೆ ಬಾರದೇ ಬದಲಾವಣೆಗಳನ್ನು ಮಾಡಲು ಅಸಾಧ್ಯ.

• ದಾಖಲೆಗಳು ಕಾನೂನು ಬದ್ಧವಾಗಿದ್ದು ಭೌತಿಕ ಪ್ರತಿಯ ಅಗತ್ಯವಿಲ್ಲ. ಇದನ್ನೂ ಓದಿ: ಬ್ರೇಕ್‌ಫಾಸ್ಟ್ ಮೀಟಿಂಗ್ ಬಳಿಕ ಅಸಮಾಧಾನ ಶಮನಕ್ಕೆ ಗೃಹ ಸಚಿವ ಡಾ.ಜಿ.ಪರಮೇಶ್ವರ್ ಹೇಳಿಕೆ..!