ಚಿತ್ರದುರ್ಗ ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ಬಂಧಿತರಾದ ನಟ ದರ್ಶನ್ ಈಗ ಪರಪ್ಪನ ಅಗ್ರಹಾರ ಕೇಂದ್ರ ಕಾರಾಗೃಹದಲ್ಲಿ ಶಿಕ್ಷೆ ಅನುಭವಿಸುತ್ತಿದ್ದಾರೆ. ಮೊದಲಿಗೆ ಜಾಮೀನಿಗೆ ಬಿಡುಗಡೆಯಾಗಿ ಡೆವಿಲ್ ಚಿತ್ರದ ಶೂಟಿಂಗ್ ಮುಗಿಸಿದ್ದರೂ, ಸುಪ್ರೀಂ ಕೋರ್ಟ್ ಬೇಲ್ ರದ್ದುಮಾಡಿದ ನಂತರ ಅವರು ಮತ್ತೆ ಜೈಲು ಸೇರಬೇಕಾಯಿತು. ಜೈಲಿನ ಕಟ್ಟುನಿಟ್ಟಿನ ನಿಯಮಗಳು ಮತ್ತು ನಿರಂತರ ಒತ್ತಡದ ನಡುವೆ ದರ್ಶನ್ ಬೇಸರಗೊಂಡಿದ್ದಾರೆ ಎಂಬ ಮಾತುಗಳು ಈಗಾಗಲೇ ಹೊರಬಿದ್ದಿದ್ದವು.

ಸೆಲ್ ಒಳಗಿನ ಗಲಾಟೆ ಆರೋಪ:

ದರ್ಶನ್ ಇರುವ ಸೆಲ್‌ನಲ್ಲಿ ಅನುಕುಮಾರ್, ಜಗ್ಗ, ನಾಗರಾಜು, ಪ್ರದೋಶ್ ಮತ್ತು ಲಕ್ಷ್ಮಣ್ ಎಂಬ ಐವರು ಆರೋಪಿಗಳು ಒಟ್ಟಿಗೆ ಉಳಿಯುತ್ತಿದ್ದಾರೆ. ಇವರಲ್ಲಿ ಕೆಲವರಿಗೆ ದರ್ಶನ್ ಮಾನಸಿಕ ಹಾಗೂ ದೈಹಿಕ ಒತ್ತಡ ತರುತ್ತಿದ್ದಾರೆ ಎಂಬ ಆರೋಪ ಮಾಧ್ಯಮಗಳಲ್ಲಿ ಬೆಳಕಿಗೆ ಬಂತು. ಎರಡು ದಿನಗಳ ಹಿಂದೆ ಸೆಲ್ ಒಳಗೆ ದೊಡ್ಡ ಗಲಾಟೆ ನಡೆದಿತ್ತಂತೆ ಎಂಬ ಸುದ್ದಿ ಕೂಡ ಹರಿದಿತ್ತು. ಈ ಆರೋಪಗಳು ಹೊರಬಂದ ತಕ್ಷಣ ಜೈಲು ಆಡಳಿತದಿಂದ ಸ್ಪಷ್ಟೀಕರಣ ಕೇಳಲಾಯಿತು.Arayna Women's Cotton Printed Floral Straight Kurta with Palazzo Pants and Dupatta

ಜೈಲು ಆಡಳಿತದ ಅಧಿಕೃತ ಸ್ಪಷ್ಟನೆ:

ಈ ಬಗ್ಗೆ ಜೈಲು ಸೂಪರಿಂಟೆಂಡೆಂಟ್ ಎಸ್.ಪಿ. ಅಂಶುಕುಮಾರ್ ಅವರು ವಿವರವಾದ ವರದಿ ತಯಾರಿಸಿ ಎಡಿಜಿಪಿ ದಯಾನಂದ್ ಅವರಿಗೆ ಸಲ್ಲಿಸಿದ್ದಾರೆ. ಮಾಧ್ಯಮಗಳಲ್ಲಿ ಸುದ್ದಿಗಳು ಪ್ರಸಾರವಾದ ನಂತರ, ದರ್ಶನ್ ಬ್ಯಾರಕ್ ಬಳಿ ಕರ್ತವ್ಯದಲ್ಲಿದ್ದ ಸಿಬ್ಬಂದಿಯನ್ನು ಒಂದೊಬ್ಬರಾಗಿ ವಿಚಾರಣೆ ಮಾಡಲಾಯಿತು. ಮೂರು ಪಾಳಿಗಳಲ್ಲಿ ಕೆಲಸ ಮಾಡುತ್ತಿದ್ದ ಆರು ಮಂದಿ ಸಿಬ್ಬಂದಿ “ನಮ್ಮ ಕರ್ತವ್ಯ ಸಮಯದಲ್ಲಿ ಯಾವುದೇ ಜಗಳ, ಗದ್ದಲ ಅಥವಾ ಹಲ್ಲೆ ನಡೆದಿಲ್ಲ. ಬ್ಯಾರಕ್‌ನ ಒಳಗಿನವರಿಂದಲೂ ನಮಗೆ ಯಾವುದೇ ದೂರು ಬಂದಿಲ್ಲ” ಎಂದು ಸಮಾನ ಹೇಳಿಕೆ ನೀಡಿದ್ದಾರೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.

ಬ್ಯಾರಕ್‌ನ ಕೈದಿಗಳ ಹೇಳಿಕೆ:

ದರ್ಶನ್ ಜೊತೆಗೆ ಇರಿಸಲಾಗಿರುವ ಕೈದಿಗಳೂ ಕೂಡ ಸಿಬ್ಬಂದಿಗೆ “ಎಲ್ಲವೂ ಸಾಮಾನ್ಯವಾಗೇ ನಡೆಯುತ್ತಿದೆ, ಯಾವುದೇ ಗಲಾಟೆ ಆಗಿಲ್ಲ” ಎಂದು ಹೇಳಿರುವ ಮಾಹಿತಿ ಲಭ್ಯವಾಗಿದೆ. ಬ್ಯಾರಕ್‌ನಲ್ಲಿ ತುಟಿಕ್ ಪಿಟಿಕ್ ಕೂಡ ಆಗಿಲ್ಲವೆಂಬುದು ಅವರ ಸ್ಪಷ್ಟನೆ.ಇದನ್ನು ಓದಿ:'ಡೆವಿಲ್' ನಾಳೆ ಬಿಡುಗಡೆ: ಜೈಲಿನಿಂದಲೇ ಅಭಿಮಾನಿಗಳಿಗೆ 'ದಾಸ'ನ ಸಂದೇಶ..!

ಆರೋಪಗಳು ಮತ್ತು ನಿಜಸ್ಥಿತಿ:

ಮಾಧ್ಯಮಗಳಲ್ಲಿ ಹೊರಬಂದ ಗಲಾಟೆ ಆರೋಪಗಳು ಮತ್ತು ಜೈಲು ಆಡಳಿತದ ವರದಿ ಪರಸ್ಪರ ವಿರುದ್ಧವಾಗಿವೆ. ಜೈಲು ಸಿಬ್ಬಂದಿ ಹಾಗೂ ಕೈದಿಗಳ ಹೇಳಿಕೆಯ ಪ್ರಕಾರ ಯಾವುದೇ ಗಲಾಟೆ ನಡೆದಿಲ್ಲವೆಂದು ತೋರುತ್ತದೆ. ಆದರೆ ದರ್ಶನ್ ವಿರುದ್ಧ ಕಿರುಕುಳ ಆರೋಪಗಳು ಹೊರಗೆ ಹರಿದಿರುವುದರಿಂದ ಈ ವಿಷಯ ಕೆಲ ದಿನಗಳು ಚರ್ಚೆಯಲ್ಲೇ ಇರಬಹುದೆಂದು ಅಂದಾಜಿಸಲಾಗಿದೆ.