ತಂತ್ರಜ್ಞಾನ ಕ್ಷೇತ್ರದಲ್ಲಿ ಯಾವುದೇ ಹೊಸ ಆಲೋಚನೆಗೆ (IDEA) ಹೊಸ ಉತ್ಪನ್ನವಾಗಿ ಮಾರುಕಟ್ಟೆಗೆ ಬರಲು ಈ ಟೆಕ್ನಾಲಜಿಕಲ್‌ ರೆಡಿನೆಸ್‌ ಲೆವೆಲ್‌ (Technological Readiness Level - TRL) ಎಂಬ ವಿವಿಧ ಹಂತಗಳನ್ನು ದಾಟಬೇಕಾಗುತ್ತದೆ. ಈ ನಿಟ್ಟಿನಲ್ಲಿ ಪ್ರಸ್ತುತ, TRL ಹಂತಗಳು ನಿಧಾನವಾಗಿವೆ ಎಂದು ವರದಿಯು ತಿಳಿಸಿದೆ. 

ಇದರಲ್ಲಿ ಪ್ರಮುಖವಾಗಿ ಈ ಕೆಳಗಿನ ಹಂತಗಳನ್ನು ಹೊಂದಿರುತ್ತದೆ:

• TRL 1-3: ಪ್ರಯೋಗಾಲಯದ ಹಂತ (ಸಂಶೋಧನೆ).

• TRL 4-6: ಪ್ರಾಯೋಗಿಕ ಪರೀಕ್ಷೆ (Prototype).

• TRL 7-9: ಮಾರುಕಟ್ಟೆಗೆ ಸಿದ್ಧತೆ ಮತ್ತು ವಾಣಿಜ್ಯೀಕರಣ.

ಇತ್ತೀಚಿನ ವರದಿ ಪ್ರಕಾರ, ತಜ್ಞರು ಹೇಳುವಂತೆ, ತಂತ್ರಜ್ಞಾನವು TRL 4 ರಿಂದ TRL 7 ಕ್ಕೆ ತಲುಪುವ ಹಂತವನ್ನು "ಮರಣದ ಕಣಿವೆ" (Valley of Death) ಎಂದು ಬಣ್ಣಿಸಿದ್ದಾರೆ. ಇದಕ್ಕೆ ಪ್ರಮುಖ ಕಾರಣಗಳೆಂದರೆ - 

• ಕಾಂಪ್ಲೆಕ್ಸಿಟಿ ಅಥವಾ ಸಂಕೀರ್ಣತೆ ಎಂದರೆ ಒಂದು ಸಣ್ಣ ತಪ್ಪು ಇಡಿಯ ಯೋಜನೆಯನ್ನು ವಿಫಲಗೊಳಿಸುವುದು.

• ಸ್ಕೇಲಿಂಗ್‌ ಅಪ್‌ ಎಂದರೆ, ವಸ್ತುವಿನ ಪ್ರಮಾಣ ಹಾಗೂ ಗುಣಲಕ್ಷಣಗಳ ಬದಲಾವಣೆಯ ಪ್ರಭಾವಳಿಗಳು ಪರಿಣಮಿಸುತ್ತದೆ.

• ಸುರಕ್ಷತೆ ಹಾಗೂ ಗುಣಮಟ್ಟದ ವಿಷಯವಾಗಿ ವಿವಿಧ ಪರೀಕ್ಷೆಗಳನ್ನು ಏರ್ಪಡಿಸುವುದು ಪ್ರಕ್ರಿಯೆ ವಿಳಂಬಕ್ಕೆ ಕಾರಣವಾಗುವುದು.

ಡೀಪ್‌ ಟೆಕ್‌ ಮತ್ತು ಹೂಡಿಕೆಗೆ ಸವಾಲು:

ಎಐ ಕಾಲದಲ್ಲಿ, ಡೀಪ್‌ ಟೆಕ್‌ ಕ್ಷೇತ್ರಗಳಲ್ಲೂ ಭಾರೀ ಸಂಶೋಧನೆ ಮುಂದುವರೆಯುತ್ತಿದೆ. ಗ್ರೀನ್‌ ಎನರ್ಜಿ ಸೇರಿದಂತೆ, ಇನ್ನಿತರೆ ತಂತ್ರಜ್ಞಾನಗಳು ಲಾಭ ನೀಡಲು ಭಾರಿ ಪ್ರಮಾಣದ ಬಂಡವಾಳ ಮತ್ತು ಕಾಲಾವಧಿಯನ್ನು ನಿರೀಕ್ಷಿಸುತ್ತದೆ. ಇದರ ನಡುವೆ, ಹೂಡಿಕೆದಾರರು ಮಧ್ಯಂತರ ಹಂತಗಳಲ್ಲಿ (TRL 4 - 6) ನಲ್ಲಿ ಹೂಡಿಕೆ ಮಾಡಲು ಹಿಂದೇಟು ಹಾಕುತ್ತಿದ್ದಾರೆ ಎಂದು ತಿಳಿಸಲಾಗಿದೆ. 

ತಂತ್ರಜ್ಞಾನ ಅಭಿವೃದ್ದಿಗೆ ವಿವಿಧ ಮೂಲಭೂತ ವಿಜ್ಞಾನದ ಕಾರಣಗಳು ಮತ್ತು ಸವಾಲುಗಳು ಪರಿಣಮಿಸಿವೆ ಎನ್ನಲಾಗಿದೆ. ಈ ನಿಟ್ಟಿನಲ್ಲಿ TRL ಹಂತಗಳು ನಿಧಾನಗತಿಯಲ್ಲಿರುವುದು ಸುಸ್ಥಿರ ಹಾಗೂ ಸುರಕ್ಷಿತ ತಂತ್ರಜ್ಞಾನವನ್ನು ರೂಪಿಸುವಲ್ಲಿ ಪ್ರಮುಖ ಪಾತ್ರವಹಿಸಿದೆ ಎನ್ನಲಾಗಿದೆ. ಇದನ್ನೂ ಓದಿ: ಗೂಗಲ್‌, ಯೂಟ್ಯೂಬ್‌ ಪೇಜ್‌ ಲೋಡಿಂಗ್‌ ಸಮಸ್ಯೆ: ಸೋಷಿಯಲ್‌ ಮೀಡಿಯಾದಲ್ಲಿ ಹ್ಯಾಶ್‌ಟ್ಯಾಗ್‌ ಉತ್ಕಟ!?