ತಮಿಳು ಸೂಪರ್ ಸ್ಟಾರ್ ವಿಜಯ್ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ‘ಜನನಾಯಗನ್’ ಬಿಡುಗಡೆಗೆ ಇನ್ನೇನು ಕೆಲವೇ ದಿನಗಳು ಬಾಕಿಯಿವೆ. ಸಿನಿಮಾ ಕುರಿತ ನಿರೀಕ್ಷೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದರೂ, ಈಗ ಟ್ರೈಲರ್‌ನಲ್ಲಿನ ಒಂದು ಸಣ್ಣ ತಪ್ಪು ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ. ಟ್ರೈಲರ್ ಬಿಡುಗಡೆಯಾದ ತಕ್ಷಣವೇ ಅಭಿಮಾನಿಗಳು ಗಮನಿಸಿದ ಈ ವಿಚಾರ ಈಗ ವೈರಲ್ ಆಗಿದೆ.Arayna Women's Cotton Printed Floral Straight Kurta with Palazzo Pants and Dupatta

ಇತ್ತೀಚೆಗೆ ಬಿಡುಗಡೆಯಾದ ‘ಜನನಾಯಗನ್’ ಚಿತ್ರದ ತೆಲುಗು ಟ್ರೈಲರ್‌ನಲ್ಲಿ ಸುಮಾರು 23ನೇ ಸೆಕೆಂಡ್‌ನಲ್ಲಿ ಒಂದು ದೃಶ್ಯ ಬರುತ್ತದೆ. ಅದರಲ್ಲಿ ವಿಜಯ್ ಗನ್‌ಗೆ ಬುಲೆಟ್ ಲೋಡ್ ಮಾಡುವ ಸೀನ್ ಇದೆ. ಆದರೆ ಆ ದೃಶ್ಯದ ಒಂದು ಮೂಲೆಯಲ್ಲಿ ಎಐ ಟೂಲ್‌ನ ವಾಟರ್‌ಮಾರ್ಕ್ ಸ್ಪಷ್ಟವಾಗಿ ಕಾಣಿಸುತ್ತದೆ. ಅಂದರೆ, ಈ ದೃಶ್ಯವನ್ನು ಎಐ ತಂತ್ರಜ್ಞಾನ ಬಳಸಿ ಸೃಷ್ಟಿಸಿದ್ದು, ನಂತರ ಅದನ್ನು ತೆಗೆದುಹಾಕುವುದನ್ನು ಎಡಿಟಿಂಗ್ ವೇಳೆ ಮರೆತಿದ್ದಾರೆ ಎನ್ನಲಾಗಿದೆ.

ಕೋಟ್ಯಂತರ ರೂಪಾಯಿ ಖರ್ಚು ಮಾಡಿ ತಯಾರಾಗಿರುವ ದೊಡ್ಡ ಸಿನಿಮಾದಲ್ಲಿ ಇಂತಹ ಸಣ್ಣ ತಪ್ಪು ಆಗಿರುವುದು ನೆಟ್ಟಿಗರ ಅಚ್ಚರಿಗೆ ಕಾರಣವಾಗಿದೆ. ಕೆಲವರು ಇದನ್ನು ನಗುವಿನ ವಿಷಯವನ್ನಾಗಿ ಮಾಡಿಕೊಂಡರೆ, ಇನ್ನೂ ಕೆಲವರು ಸಿನಿಮಾ ತಂಡದ ಮೇಲೆ ಟೀಕೆ ಮಾಡುತ್ತಿದ್ದಾರೆ. “ಇಷ್ಟೊಂದು ದೊಡ್ಡ ಪ್ರಾಜೆಕ್ಟ್‌ನಲ್ಲಿ ಇಂತಹ ನಿರ್ಲಕ್ಷ್ಯ ಏಕೆ?” ಎಂಬ ಪ್ರಶ್ನೆ ಸೋಶಿಯಲ್ ಮೀಡಿಯಾದಲ್ಲಿ ಕೇಳಿಬರುತ್ತಿದೆ.ಇದನ್ನು ಓದಿ:ತಿಥಿ ಸಿನಿಮಾ ಖ್ಯಾತಿಯ ನಟ ಇನ್ನಿಲ್ಲ...ಸೆಂಚುರಿ ಗೌಡ ಇನ್ನು ನೆನಪು ಮಾತ್ರ..!

ಒಟ್ಟಿನಲ್ಲಿ, ‘ಜನನಾಯಗನ್’ ಟ್ರೈಲರ್‌ನ ಈ ವಾಟರ್‌ಮಾರ್ಕ್ ವಿಷಯ ಸಿನಿಮಾ ಬಿಡುಗಡೆಗೂ ಮುನ್ನವೇ ಭಾರೀ ಚರ್ಚೆಗೆ ಕಾರಣವಾಗಿದ್ದು, ತಂಡ ಇದಕ್ಕೆ ಯಾವ ರೀತಿಯ ಸ್ಪಷ್ಟನೆ ನೀಡಲಿದೆ ಎಂಬುದನ್ನು ಅಭಿಮಾನಿಗಳು ಕಾದು ನೋಡುತ್ತಿದ್ದಾರೆ.