ಭಾರತದ ಪ್ರಜಾಪ್ರಭುತ್ವದ ದೇಗುಲವಾದ ಸಂಸತ್ತಿನಲ್ಲಿ ಇಂದು ಅತ್ಯಂತ ನಿರ್ಣಾಯಕ ದಿನ. ಫೆಬ್ರವರಿ 1, 2026ರ ಭಾನುವಾರದಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು 2026-27ನೇ ಸಾಲಿನ ಕೇಂದ್ರ ಬಜೆಟ್ ಮಂಡಿಸುವ ಮೂಲಕ ದೇಶದ ಆರ್ಥಿಕ ಭವಿಷ್ಯದ ದಾರಿಯನ್ನು ನಿರ್ದೇಶಿಸಲಿದ್ದಾರೆ. ZAVYA 925 Sterling Silver Modest Triple Tone Chain Bracelet (Single) | Gift for Women and Girls | With Certificate of Authenticity and 925 Hallmark

ಇಂದು ಬೆಳಿಗ್ಗೆ 11 ಗಂಟೆಗೆ ಸಚಿವರು 2026-27ನೇ ಸಾಲಿನ ಭಾರತ ಸರ್ಕಾರದ ಅಂದಾಜು ಆದಾಯ ಮತ್ತು ವೆಚ್ಚಗಳ ವಿವರಣಾ ಪಟ್ಟಿಯನ್ನು ಮಂಡಿಸಲಿದ್ದಾರೆ. ಇದು ಸರ್ಕಾರ ದ ಬೊಕ್ಕಸಕ್ಕೆ ಹಣ ಎಲ್ಲಿಂದ ಬರುತ್ತದೆ ಮತ್ತು ಅದು ವಿವಿಧ ಯೋಜನೆಗಳಿಗೆ ಹೇಗೆ ವಿನಿಯೋಗವಾಗುತ್ತದೆ ಎಂಬುದರ ಸಂಪೂರ್ಣ ಚಿತ್ರಣವನ್ನು ನೀಡುತ್ತದೆ. ರಕ್ಷಣಾ ಕ್ಷೇತ್ರ, ಶಿಕ್ಷಣ, ಆರೋಗ್ಯ ಮತ್ತು ಮೂಲಸೌಕರ್ಯಗಳಿಗೆ ಎಷ್ಟು ಹಣ ಮೀಸಲಿಡಲಾಗಿದೆ ಎಂಬ ಕುತೂಹಲಕ್ಕೆ ಇಲ್ಲಿ ತೆರೆ ಬೀಳಲಿದೆ.

ಮಧ್ಯಮಾವಧಿ ಹಣಕಾಸು ನೀತಿ ಸಹ ಹಣಕಾಸು ನೀತಿ ತಂತ್ರ ಹೇಳಿಕೆ: ಇದು ಮುಂದಿನ ಮೂರು ವರ್ಷಗಳಲ್ಲಿ ಸರ್ಕಾರವು ತನ್ನ ವಿತ್ತೀಯ ಗುರಿಗಳನ್ನು ಹೇಗೆ ಸಾಧಿಸುತ್ತದೆ ಮತ್ತು ವಿತ್ತೀಯ ಕೊರತೆಯನ್ನು ಹೇಗೆ ನಿರ್ವಹಿಸುತ್ತದೆ ಎಂಬುದನ್ನು ವಿವರಿಸುತ್ತದೆ.ಇದನ್ನು ಓದಿ: ಕೇಂದ್ರ ಬಜೆಟ್ 2026ಕ್ಕೆ ಕಲೆಯ ಸ್ವಾಗತ: ನಿರ್ಮಲಾ ಸೀತಾರಾಮನ್ ಚಾರ್ಕೋಲ್ ಚಿತ್ರ ಬಿಡಿಸಿದ ಅಮ್ರೋಹಾದ ಝುಹೇಬ್ ಖಾನ್

ಮ್ಯಾಕ್ರೋ-ಆರ್ಥಿಕ ಚೌಕಟ್ಟು ಹೇಳಿಕೆ: ದೇಶದ ಒಟ್ಟಾರೆ ಆರ್ಥಿಕತೆಯ ಆರೋಗ್ಯದ ಬಗ್ಗೆ ಇದು ಮಾಹಿತಿ ನೀಡುತ್ತದೆ. ಜಿಡಿಪಿ (GDP) ಬೆಳವಣಿಗೆಯ ದರ, ಹಣದುಬ್ಬರ ಮತ್ತು ರಫ್ತು-ಆಮದುಗಳ ಸ್ಥಿತಿಗತಿಗಳ ಮೇಲೆ ಈ ಹೇಳಿಕೆಯು ಬೆಳಕು ಚೆಲ್ಲುತ್ತದೆ.

ಭಾನುವಾರ ಬಜೆಟ್ ಮಂಡನೆಯಾಗುತ್ತಿರುವುದು ಮತ್ತು ಸಚಿವೆ ಸೀತಾರಾಮನ್ ಅವರು 9ನೇ ಬಾರಿ ಬಜೆಟ್ ಮಂಡಿಸಿ ದಾಖಲೆ ಬರೆಯುತ್ತಿರುವುದು ಇಂದಿನ ವಿಶೇಷ. ಜಾಗತಿಕ ಆರ್ಥಿಕ ಸವಾಲುಗಳ ನಡುವೆ, ಭಾರತವು ಹೇಗೆ ತನ್ನ ಅಭಿವೃದ್ಧಿಯ ವೇಗವನ್ನು ಕಾಯ್ದುಕೊಳ್ಳಲಿದೆ ಎಂಬುದು ಇಂದಿನ ಈ ಎಲ್ಲಾ ಸಂಸದೀಯ ಪ್ರಕ್ರಿಯೆಗಳ ಸಾರಾಂಶವಾಗಿದೆ. ಡಿಜಿಟಲ್ ರೂಪದ ಬಜೆಟ್ ಮಂಡನೆಯು ಭಾರತದ 'ಡಿಜಿಟಲ್ ಕ್ರಾಂತಿ'ಯನ್ನು ಜಗತ್ತಿಗೆ ಸಾರಲಿದೆ.ಇದನ್ನು ಓದಿ: ಪೇಪರ್‌ಲೆಸ್‌ ಬಜೆಟ್‌ ಮಂಡನೆ ಮಾಡಿದ ಮೊದಲಿಗರು ನಿರ್ಮಲಾ ಸೀತರಾಮನ್‌ - ವರದಿ