ಇಸ್ರೇಲ್-ಅಮೆರಿಕಾ-ಇರಾನ್ ಯುದ್ಧದ ಪರಿಣಾಮವಾಗಿ ಭಾರತದಲ್ಲಿ ಎಲ್‌ಪಿಜಿ ಅಭಾವ ತೀವ್ರವಾಗಿ ಹೆಚ್ಚಾಗಿದೆ. ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಆಟೋ ಚಾಲಕರ ಮೇಲೆ ಇದರ ಪ್ರಭಾವ ಅತ್ಯಂತ ಹೆಚ್ಚು. ಆಟೋ ದುಡಿಮೆಯನ್ನು ನಂಬಿ ಜೀವನ ಸಾಗಿಸುತ್ತಿರುವ ಸಾವಿರಾರು ಸಾರಥಿಗಳು ಇಂದು ಗ್ಯಾಸ್ ಸಿಗದೆ ತತ್ತರಿಸುತ್ತಿದ್ದಾರೆ.

ಗ್ಯಾಸ್ ತುಂಬಿಸಿಕೊಂಡು ಆಟೋ ಓಡಿಸುವುದು ದೂರವಿರಲಿ, ಹಗಲು-ರಾತ್ರಿ ಗ್ಯಾಸ್ ಬಂಕ್‌ಗಳ ಮುಂದೆ ಕ್ಯೂ ನಿಲ್ಲುವುದೇ ದಿನಚರಿಯಾಗಿದೆ. ಯಾವ ಬಂಕ್ ಮುಂದೆ ನೋಡಿದರೂ ಕಿಲೋಮೀಟರ್‌ಗಟ್ಟಲೆ ಹನುಮಂತನ ಬಾಲದಂತೆ ಆಟೋಗಳ ಸಾಲು ಕಾಣಸಿಗುತ್ತಿದೆ. ಪ್ರತಿ ಬಂಕ್‌ನಲ್ಲಿ ಕನಿಷ್ಠ 100 ರಿಂದ 200 ಆಟೋಗಳು ಕಾಯುತ್ತಿರುವುದು ಸಾಮಾನ್ಯವಾಗಿದೆ.

ಈ ಅಭಾವದಿಂದಾಗಿ ಆಟೋ ಚಾಲಕರು ತಮ್ಮ ವಾಹನಗಳನ್ನು ನಿಲ್ಲಿಸುವ ಸ್ಥಿತಿಗೆ ಬಂದಿದ್ದಾರೆ. ಗ್ಯಾಸ್ ಸಿಗುತ್ತಿಲ್ಲ, ದಿನಕ್ಕೆ 4-5 ಗಂಟೆ ಕ್ಯೂನಲ್ಲಿ ಕಾಯುತ್ತೇವೆ. ಆದರೂ ಪೂರ್ಣ ತುಂಬಿಸುವುದಿಲ್ಲ. NMII Stylish Glass Kada Set Studded with Zircon Gemstone & Beads for Women & Girls

ದಿನದ ಗಳಿಕೆ ಅರ್ಧಕ್ಕೆ ಇಳಿದಿದೆ ಎಂದು ಚಾಲಕರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಹಗಲು-ರಾತ್ರಿ ಬಂಕ್‌ಗಳ ಮುಂದೆ ನಿಲ್ಲುವುದರಿಂದ ಸಂಸಾರದ ಜವಾಬ್ದಾರಿ ನಿರ್ವಹಿಸುವುದು ಕಷ್ಟವಾಗಿದೆ.

ಮನೆಯಲ್ಲಿ ಮಕ್ಕಳು ಬೀದಿಯಲ್ಲಿ ನಿಲ್ಲುವ ಸ್ಥಿತಿ ಬಂದಿದೆ. ಆಟೋ ಓಡಿಸದಿದ್ದರೆ ಊಟ-ಉಪಾಹಾರಕ್ಕೂ ಹಣ ಸಿಗುತ್ತಿಲ್ಲ. ಕೆಲವು ಚಾಲಕರು ಬಂಕ್‌ಗಳಲ್ಲಿ ರಾತ್ರಿ ಕಾಯುತ್ತಾ ಮಲಗುವಂತಾಗಿದೆ. HSRP ನಂಬರ್ ಪ್ಲೇಟ್ ಸದ್ಯಕ್ಕೆ ಕಡ್ಡಾಯವಿಲ್ಲ: ವಾಹನ ಸವಾರರಿಗೆ ಬಿಗ್ ರಿಲೀಫ್ ನೀಡಿದ ಸಾರಿಗೆ ಸಚಿವ ರಾಮಲಿಂಗಾರೆಡ್ಡಿ!

ಪಶ್ಚಿಮ ಏಷ್ಯಾ ಸಂಘರ್ಷದಿಂದಾಗಿ ಸ್ಟ್ರೈಟ್ ಆಫ್ ಹಾರ್ಮುಜ್ ಮೂಲಕ ಎಲ್‌ಪಿಜಿ ಸರಬರಾಜು ಸ್ಥಗಿತಗೊಂಡಿದೆ. ಭಾರತವು ವಿಶ್ವದ ಎರಡನೇ ಅತಿದೊಡ್ಡ ಎಲ್‌ಪಿಜಿ ಆಮದುದಾರ ದೇಶವಾಗಿದ್ದು, ಈ ಯುದ್ಧದಿಂದ ದರ ಏರಿಕೆಯಾಗಿ ಲೀಟರ್‌ಗೆ 90 ರಿಂದ 120 ರೂಪಾಯಿ ತಲುಪಿದೆ.

ಬೆಂಗಳೂರಿನಲ್ಲಿ 31 ಆಟೋ ಎಲ್‌ಪಿಜಿ ಬಂಕ್‌ಗಳಿದ್ದರೂ ಪೂರೈಕೆ ಕೊರತೆಯಿಂದ ಹಲವು ಬಂಕ್‌ಗಳು ಮುಚ್ಚುವಂತಾಗಿದೆ. ಸರ್ಕಾರ “ಕೊರತೆ ಇಲ್ಲ” ಎಂದು ಹೇಳುತ್ತಿದ್ದರೂ ನಗರದಲ್ಲಿ ಆಟೋ ಚಾಲಕರ 60% ಮಂದಿ ಪ್ರತಿಭಟನೆಗೆ ಸಿದ್ಧರಾಗಿದ್ದಾರೆ. ಇರಾನಿನ ಸಮರೋತ್ಸಾಹ, ಟ್ರಂಪನ ವಿದುರ ಪ್ರಲೋಭನೆ, ಗಲ್ಫ್ ರಾಷ್ಟ್ರಗಳ 7 ಪ್ರಮುಖ ಸೇತುವೆಗಳನ್ನು ಧ್ವಂಸಗೊಳಿಸುವುದಾಗಿ ಇರಾನ್ ಎಚ್ಚರಿಕೆ

ಈ ಸಮಸ್ಯೆಯಿಂದ ಸಾರ್ವಜನಿಕ ಸಾರಿಗೆಯೂ ಪ್ರಭಾವಿತವಾಗಿದೆ. ಪ್ರಯಾಣಿಕರು CNG ಆಟೋಗಳನ್ನು ಹುಡುಕುತ್ತಿದ್ದಾರೆ. ಚಾಲಕರು ಸರ್ಕಾರ ತ್ವರಿತ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸುತ್ತಿದ್ದಾರೆ. ಯುದ್ಧದ ಪರಿಣಾಮ ದೇಶೀಯ ಜನಜೀವನದ ಮೇಲೆ ಬೀಳುತ್ತಿರುವುದು ಈ ಅಭಾವದಿಂದ ಸ್ಪಷ್ಟವಾಗಿದೆ.