ಮೋದಿಜಿ ಅವರ 'ಮನ್ ಕೀ ಬಾತ್' ನಲ್ಲಿ ಬೆಂಗಳೂರಿನ ವ್ಯಕ್ತಿಯ ಸಾಧನೆಯ ಬಗ್ಗೆ ಉಲ್ಲೇಖ; ಯಾರಿವರು?

ಮೋದಿ ಅವರ ಮಾತುಗಳು (ಸಾರಾಂಶ): ಬೆಂಗಳೂರು 'ಕೆರೆಗಳ ನಗರ' ಎಂದು ಕರೆಯಲ್ಪಡುತ್ತದೆ. ಅಲ್ಲಿ ಎಂಜಿನಿಯರ್ ಕಪಿಲ್ ಶರ್ಮ ಜಿ ಅವರು ಕೆರೆಗಳಿಗೆ ಹೊಸ ಜೀವ ತುಂಬುವ ಒಂದು ಅಭಿಯಾನ ಆರಂಭಿಸಿದ್ದಾರೆ. ಕಪಿಲ್ ಜಿಯವರ ತಂಡ ಬೆಂಗಳೂರು ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ 40 ಬಾವಿಗಳು ಮತ್ತು 6 ಕೆರೆಗಳನ್ನು ನವೀಕರಿಸಿದೆ. ವಿಶೇಷವೆಂದರೆ, ಈ ಅಭಿಯಾನದಲ್ಲಿ ಕಾರ್ಪೊರೇಟ್ ಸಂಸ್ಥೆಗಳು ಮತ್ತು ಸ್ಥಳೀಯ ಜನರನ್ನು ಒಳಗೊಂಡಿರುವುದು. ಇದು ನಾಗರಿಕರ ನೇತೃತ್ವದ ಪರಿಸರ ಕಾರ್ಯಕ್ರಮಕ್ಕೆ ಒಂದು ಸ್ಫೂರ್ತಿದಾಯಕ ಮಾದರಿ.