ನಟ ದರ್ಶನ್ ತೂಗುದೀಪ ಈಗ ಪರಪ್ಪನ ಅಗ್ರಹಾರ ಜೈಲಿನಲ್ಲಿ ದಿನಗಳನ್ನು ಕಳೆಯುತ್ತಿದ್ದಾರೆ. ಅವರು ಜೈಲು ಸೇರುವ ಮೊದಲು ‘ಡೆವಿಲ್’ ಚಿತ್ರದ ಶೂಟಿಂಗ್ ಸಂಪೂರ್ಣ ಮುಗಿಸಿದ್ದರು. ದರ್ಶನ್ ಅನುಪಸ್ಥಿತಿಯಲ್ಲೇ ಚಿತ್ರತಂಡ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದೆ. ಮೊದಲಿನಿಂದ ಡಿಸೆಂಬರ್ 12 ರಂದು ಬಿಡುಗಡೆಯಾಗಬೇಕಿದ್ದ ಸಿನಿಮಾವನ್ನು ಈಗ ಒಂದು ದಿನ ಮುಂಚಿತವಾಗಿ, ಅಂದರೆ ಡಿಸೆಂಬರ್ 11ರಂದು ಬಿಡುಗಡೆಯಿಸಲು ತಂಡ ನಿರ್ಧರಿಸಿದೆ.

ಇತ್ತೀಚೆಗೆ ದರ್ಶನ್ ಅವರ ಪತ್ನಿ ವಿಜಯಲಕ್ಷ್ಮಿ, ನಿರ್ದೇಶಕ ಮಿಲನ ಪ್ರಕಾಶ್ ಹಾಗೂ ನಿರ್ಮಾಪಕರು ಅಭಿಮಾನಿಗಳೊಂದಿಗೆ ಸಭೆ ನಡೆಸಿದ್ದರು. ಸಭೆಯ ನಂತರ ಹೊಸ ದಿನಾಂಕವನ್ನು ಘೋಷಿಸಿದರು. ಬಿಡುಗಡೆಯನ್ನು ಒಂದು ದಿನ ಮುಂದಕ್ಕೆ ತರಲು ವಿಶೇಷ ಕಾರಣ ಹೇಳದಿದ್ದರೂ, ಅಭಿಮಾನಿಗಳ ಒತ್ತಾಯವೇ ಕಾರಣ ಎಂದು ಚಿತ್ರತಂಡ ಸ್ಪಷ್ಟಪಡಿಸಿದೆ.Guess Leather Casual Analog Black Dial Men's Watch-Gw0202G1

ಇತ್ತೀಚೆಗಷ್ಟೇ ಹಲವು ಸಿನಿಮಾಗಳು ಶುಕ್ರವಾರದ ಬದಲಾಗಿ ಗುರುವಾರ ರಿಲೀಸ್ ಆಗುವ ಟ್ರೆಂಡ್ ಅನುಸರಿಸುತ್ತಿವೆ. ಇದರಿಂದ ವೀಕೆಂಡ್ ಕಲೆಕ್ಷನ್ ಬೇಗ ಶುರುವಾಗುತ್ತದೆ ಎಂಬ ಲೆಕ್ಕಾಚಾರ ಚಿತ್ರತಂಡಗಳದ್ದು. ‘ಡೆವಿಲ್’ ಚಿತ್ರಕ್ಕೂ ಇದೇ ಕಾರಣ ಇರಬಹುದು ಎಂದು ಹೇಳಲಾಗುತ್ತದೆ.ಇದನ್ನು ಓದಿ:ಶಾರುಖ್ ಖಾನ್ ಕಾಲೇಜು ಮಾರ್ಕ್ಸ್ ಕಾರ್ಡ್ ವೈರಲ್ .. ಇಂಗ್ಲಿಷ್‌ನಲ್ಲಿ ಅಂಕಗಳೆಷ್ಟು ಗೊತ್ತಾ?

ದರ್ಶನ್ ಜೈಲಿನಲ್ಲಿರುವಾಗ ಬಿಡುಗಡೆಯಾಗುತ್ತಿರುವ ಇದು ಎರಡನೇ ಸಿನಿಮಾ. ಮುಂಚೆ ಅವರು ಪತ್ನಿ ವಿಜಯಲಕ್ಷ್ಮಿ ಮೇಲೆ ಹಲ್ಲೆ ಪ್ರಕರಣದಲ್ಲಿ ಜೈಲು ಸೇರಿದಾಗ ‘ಸಾರಥಿ’ ಸಿನಿಮಾ ಬಿಡುಗಡೆಯಾಗಿತ್ತು ಹಾಗೂ ಅದು ದೊಡ್ಡ ಹಿಟ್ ಆಗಿತ್ತು. ಈಗ ಮತ್ತೆ ದರ್ಶನ್ ಜೈಲಿನಲ್ಲಿರುವಾಗ ‘ಡೆವಿಲ್’ ಚಿತ್ರ ತೆರೆಗೆ ಬರಲಿದೆ.

ಮಿಲನ ಪ್ರಕಾಶ್ ನಿರ್ದೇಶಿಸಿರುವ ‘ಡೆವಿಲ್’ ಸಿನಿಮಾದಲ್ಲಿ ರಚನಾ ರೈ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಜೊತೆಗೆ ಅಚ್ಯುತ್ ಕುಮಾರ್, ಮಹೇಶ್ ಮಂಜ್ರೇಕರ್, ಶರ್ಮಿಳಾ ಮಾಂಡ್ರೆ, ವಿನಯ್ ಗೌಡ ಸೇರಿದಂತೆ ಅನೇಕರು ಪಾತ್ರಧಾರಿಗಳಾಗಿದ್ದಾರೆ. ಸಿನಿಮಾಕ್ಕೆ ಅಜನೀಶ್ ಲೋಕನಾಥ್ ಸಂಗೀತ ನೀಡಿದ್ದು, ನಿರ್ಮಾಣವನ್ನು ಪ್ರಕಾಶ್ ಅವರೇ ಮಾಡಿದ್ದಾರೆ.